अंकशास्त्रात व्यक्तीचे भविष्य हे त्याच्या जन्मतारीख आणि जन्म वेळेवरुन ठरवले जाते. जन्मतारखेवरुन त्या व्यक्तीचा मूलांक क्रमांक शोधला जातो. मूलांक संख्या ही १ ते ९ पर्यंत असते.
मूलांक क्रमांक शोधण्यासाठी त्या व्यक्तीच्या जन्मतारखेची बेरीज केली जाते. जर कोणत्याही व्यक्तीचा जन्म महिन्याच्या १० तारखेला झाला असेल तर त्याची मूलांक संख्या १+०=१ असेल. जाणून घेऊया मूलांकनुसार १, १०, १९ आणि २८ तारखेला जन्मलेल्या व्यक्तीचा स्वभाव आणि करिअरविषयी.
अंकशास्त्रानुसार १ हा क्रमांक सूर्याचा मूळ स्वामी मानला जातो. सूर्याला ग्रहांचा राजा म्हटले जाते. त्यामुळे या मूलांक असणाऱ्या लोकांमध्ये असेच गुण दिसून येतात.
1. १ मूलांक असणाऱ्या लोकांमध्ये नेतृत्व गुण उत्तम असते. तसेच हे लोक संवाद साधण्यास सराईत असतात.
2. या लोकांचे सामाजिक वर्तुळ देखील चांगले असते. समाजात त्यांच्या आजूबाजूला नेहमीच लोक पाहायला मिळतात. स्वभावामुळे अनेक माणसे जोडली जातात. जी भविष्यात योग्य वेळी मदत करतात. इतर लोक यांना सहज सहकार्य करण्यास नेहमी तयार असतात.
3. मूलांक १ असलेले लोक राजकारणात चांगली कामगिरी करतात. यांच्यात काम करण्याची ऊर्जाही भरपूर असते. चांगल्या स्वभावामुळे अनेकांचे मन सहज जिंकतात.
4. १, २०, १९ आणि २८ तारखेला जन्मलेल्या व्यक्तींचे मूलांक क्रमांक ५ असणाऱ्या व्यक्तींशी अधिक जुळते. तसेच मूलांक १ आणि ३ क्रमांक एकमेकांना पूरक मानले जातात. मूलांक १ क्रमांकाला मूलांक ९ असणाऱ्या लोकांचा पूर्ण पाठिंबा मिळतो.
5. या लोकांना कामात अतिशय शिस्तबद्ध राहायला आवडते. परंतु, कधी कधी या सवयींमुळे ते आक्रमक होतात. त्यांचा स्वभाव थोडा हट्टी असतो. गोष्टी त्यांच्या मनाप्रमाणे व्हाव्यात अशी त्यांची नेहमी इच्छा असते.
6. या व्यक्ती निडर आणि स्वाभिमानी असतात. याच्या स्वाभिमानाला ठेच पोहोचल्यास यांना अतिशय त्रास होतो. दिसायला आकर्षक आणि सुंदर असतात. याचे डोळे अधिक बोलके असतात.
7. कामाच्या बाबतीत महत्त्वकांक्षी, हुशार, बुद्धिमान आणि चतुर असतात. स्वत:चे काम स्वत: करायला त्यांना अधिक आवडते. यांच्यावर जबरदस्ती केल्यास प्रचंड राग येतो. या लोकांना कोणाच्याही हाताखाली काम करायला आवडत नाही.
8. मूलांक १ असणाऱ्या लोकांना पैसे जमवायला आवडतात. आर्थिक परिस्थिती चांगली असते. या व्यक्तींचे २,३ आणि ९ मूलांक असणाऱ्या व्यक्तींशी सहज जुळते.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.