Moto X50 Ultra ची किंमत
Motorola चा Moto X50 Ultra फोन चीनमध्ये तीन व्हेरिएंटमध्ये लाँच करण्यात आला आहे. फोनचा 12 जीबी रॅम व 256 जीबी स्टोरेज मॉडेल 3999 युआन (जवळपास 46,000 रुपये) मध्ये येतो. तर 12 जीबी रॅम व 512 जीबी स्टोरेज मॉडेलसाठी 4299 युआन (जवळपास 50,000 रुपये) मोजावे लागतात. तर टॉप व्हेरिएंट 16 जीबी रॅम व 1TB स्टोरेजसह 4699 युआन (जवळपास 54,000 रुपये) मध्ये खरेदी करता येईल. हा हँडसेट Nordic Wood, Forest Grey विगन लेदर, आणि Peach Fuzz अश्या तीन कलर्समध्ये सादर करण्यात आला आहे.
Moto X50 Ultraचे स्पेसिफिकेशन्स
Moto X50 Ultra मध्ये 6.7 इंचाचा OLED डिस्प्ले देण्यात आला आहे ज्याचे रिजोल्यूशन 2712 x 1220 पिक्सल आहे. तसेच हा फोन 144Hz रिफ्रेश रेट आणि 2500 निट्स पीक ब्राइटनेसला सपोर्ट करतो. ही स्क्रीन Corning Gorilla Glass Victus च्या सुरक्षा लेयरसह सादर करण्यात आली आहे.स्मार्टफोन Snapdragon 8s Gen 3 चिपसेटच्या पवारसह बाजारात आला आहे. यात अँड्रॉइड 14 ऑपरेटिंग सिस्टम आहे.
फोटोग्राफीसाठी ट्रिपल कॅमेरा सेटअप देण्यात आला आहे, ज्यात 50 मेगापिक्सलचा मेन कॅमेरा, 50 मेगापिक्सलचा अल्ट्रावाइड कॅमेरा आणि 3X झूम सपोर्टसह 64 मेगापिक्सलचा टेलीफोटो कॅमेरा आहे. हा फोन 100x पर्यंत झूमला सपोर्ट करतो. फ्रंटला हा 50 मेगापिक्सल सेल्फी शुटर देण्यात आला आहे. पावर बॅकअपसाठी कंपनीनं 4500mAh ची बॅटरी दिली आहे, जी 125W फास्ट चार्जिंगला सपोर्ट करते. त्याचबरोबर 50W वायरलेस चार्जिंगचा सपोर्ट देखील आहे. कनेक्टिव्हिटीसाठी हा डिव्हाइस 5G SA/NSA, ड्युअल 4G VoLTE, Wi-Fi 7 802.11ax, Bluetooth 5.4, GPS, NFC, आणि USB Type-C ला सपोर्ट करतो. फोनमध्ये स्टीरियो स्पिकर देण्यात आले आहेत आणि Dolby Atmos सह Dolby Head Tracking ला सपोर्ट देखील देण्यात आला आहे.