उत्तर प्रदेश : उत्तर प्रदेशच्या मुजफ्फरनगरमधून खळबळजनक बातमी समोर आली आहे. जी एका लहान मुलाच्या गूढ मृत्युशी संबंधित आहे. एका युवकाच्या ५ वर्षीय मुलाचा मृतदेह संशयास्पद स्थितीत आढळून आला आहे. ही माहिती मिळताच पोलीस मुजफ्फरनगरमधील कैलावडा गावात दाखल झाले आणि घटनास्थळाची तपासणी केली. धक्कादायक म्हणजे घटनास्थळी पोलिसांना तंत्र क्रियेच्या काही वस्तूही आढळून आल्या आहेत.
तत्पूर्वी ही घटना खतौली कोतवाली क्षेत्रात स्थित कैलावडा या गावातील आहे. गावातील तेजपाल नामक तरुणाच्या ५ वर्षाच्या मुलाचा मृतदेह संशयास्पद स्थितीत घरात पडून होता. याची पोलिसांना माहिती मिळताच फॉरेंसिक टीमच्या साथीने घटनास्थळाची चाचपणी करण्यास सुरुवात केली आणि मृतदेह शवविच्छेदनासाठी पाठवला.
तत्पूर्वी ही घटना खतौली कोतवाली क्षेत्रात स्थित कैलावडा या गावातील आहे. गावातील तेजपाल नामक तरुणाच्या ५ वर्षाच्या मुलाचा मृतदेह संशयास्पद स्थितीत घरात पडून होता. याची पोलिसांना माहिती मिळताच फॉरेंसिक टीमच्या साथीने घटनास्थळाची चाचपणी करण्यास सुरुवात केली आणि मृतदेह शवविच्छेदनासाठी पाठवला.
मृत मुलाच्या लहान भावाचा देखील अशाप्रकारेच झाला होता मृत्यु
काही दिवसांपूर्वी मृत मुलाच्या लहान भावाचाही अशाच संशयास्पद परिस्थितीत मृत्यू झाला होता. असे असताना ही दुसरी घटना घडल्याने या दोघांचाही मृत्यु कसा झाला? असं कोडं पोलिसांसह परिसरातील लोकांना पडलं आहे.
पोलिस अधीक्षक म्हणतात…
‘आम्ही या ५ वर्षीय मुलाचा मृतदेह ताब्यात घेऊन शवविच्छेदनासाठी पाठवला आहे. हा संशयास्पद मृत्यु असून घटनास्थळी एक चिट्ठी मिळाली आहे. ज्या चिट्ठीत काही मंत्र आणि पूजेची सामग्री मिळाली आहे. तसेच काही अन्य पुरावे देखील मिळाले आहेत. तंत्र क्रियेशी जुळलेला हा प्रकार असल्याचे प्राथमिक दृष्ट्या दिसत असून मुलाचे शव घरातच सापडल्याने कुटुंबीयांचा यात हात असल्याचा संशय नाकारता येत नाही. पोलिस तथ्यांच्या आधारे तपास करत आहे. यावरच आधारित पुढील कारवाई केली जाईल.’