‘LG Tone Free T90S’ या एलजीच्या नवीन इयरफोन्सची किंमत EUR 199 (अंदाजे 18,030 रुपये ) आहे. रंग पर्यायांच्या बाबतीत हे टोन फ्री T90S काळ्या आणि पांढऱ्या रंगात येते. कम्फर्ट आणि हायजीनवर लक्ष केंद्रित करतानाच हे इअरफोन नॉइज कॅन्सलेशन आणि उत्कृष्ट साउंड क्वालिटी देतात. येथे तुम्हाला ‘LG Tone Free T90S’ बद्दल तपशीलवार माहिती देत आहोत.
LG टोन फ्री T90S ची किंमत
किंमतीबद्दल बोलायचे झाल्यास, LG Tone Free T90S ची किंमत EUR 199 (अंदाजे 18,030 रुपये ) आहे. रंग पर्यायांच्या बाबतीत, टोन फ्री T90S काळ्या आणि पांढऱ्या रंगात येतो. TWS इयरफोन या महिन्याच्या शेवटी खरेदीसाठी उपलब्ध होतील.
LG Tone Free T90S ची फीचर्स आणि स्पेसिफिकेशन
इन-इअर अर्गोनॉमिक डिझाइन
‘LG टोन फ्री T90S’ मध्ये आरामदायी फिट होण्यासाठी मेडिकल-ग्रेड हायपोअलर्जेनिक सॉफ्ट इअर जेलसह इन-इअर अर्गोनॉमिक डिझाइन आहे. या डिझाईनला दक्षिण कोरियाच्या POSTECH एर्गोनॉमिक डिझाईन टेक्नॉलॉजी लॅबचा सपोर्ट आहे. TWS इयरफोन्स एका स्टोअरेज केसमध्ये येतात यामध्ये इनबिल्ट यूव्ही प्रकाश असतो जो 99.99 टक्के बॅक्टेरिया मारतो. इयरबड्स IPX4-रेटिंगसह येतात, ज्यामुळे पाण्यापासून संरक्षण सुनिश्चित होते.
प्युअर ग्राफीन ड्रायव्हर
‘LG टोन फ्री T90S’ प्युअर ग्राफीन ड्रायव्हरने सुसज्ज आहे. हे फीचर डॉल्बी हेड ट्रॅकिंग टेक्निक युजर्सच्या डोक्याच्या हालचालीवर आधारित 3D इमर्सिव्ह ऑडिओ सातत्याने प्रोव्हाईड करते. स्टुडिओ लेव्हल ऑडिओ क्वालिटीसाठी डॉल्बी ॲटमॉस सपोर्ट देखील आहे. याव्यतिरिक्त, TWS इयरफोन्समध्ये डॉल्बी व्हर्च्युअलायझर आहे जे स्पेटियल डाइमेंशनलिटी विस्तृत करते आणि नैसर्गिक आणि मोठ्या आवाजात विचलित न होणारा आवाज ऑप्टिमाइझ करते. टोन फ्री T90S अडॅप्टिव्ह ANC सह येतो. कॉल्सवर स्पष्ट आवाजासाठी व्हॉईस पिकअप युनिटसह 3 इनबिल्ट मायक्रोफोन आहेत. हे इयरफोन मेरिडियन ऑडिओच्या पार्टनरशीपमध्ये डेव्हलप केले गेले आहेत.
व्हिस्पर मोड
टोन फ्री T90S मध्ये खाजगी संभाषणांसाठी व्हिस्पर मोड आहे. लिसनिंग मोड युजर्सना त्यांच्या सभोवतालची माहिती देतो. TWS इयरफोन्समध्ये संभाषण मोड असतो जो व्यक्तीचा आवाज वाढवतो. LG टोन फ्री T90S एकावेळी 2 डिव्हाईसेससह जोडले जाऊ शकते.बॅटरी बॅकअपबद्दल बोलायचे झाल्यास, इयरबड 9 तासांपर्यंत प्लेबॅक देतात. आणि केससह, बॅटरीचे लाईफ 36 तासांपर्यंत जाते. T90S ला ब्लूटूथ नसलेल्या डिव्हाईसेसशी देखील कनेक्ट केले जाऊ शकते कारण केसमध्ये 3.5 मिमी जॅक आहे आणि ते ट्रान्समीटर म्हणून कार्य करते.