Vastu Tips : वास्तुशास्त्रानुसार हे नियम लक्षात ठेवा! आर्थिक चणचण होईल कमी

Vastushashtra Rules:

वास्तुशास्त्रानुसार घरातील प्रत्येक कोना हा अधिक महत्त्वाचा आणि शुभ असतो. यामध्ये घरातील कोणत्या दिशेला काय ठेवायला हवे हे देखील पाहिले जाते. पण वास्तुशास्त्रातील काही नियमाचे व्यवस्थितरित्या पालन केले तर जीवनातील आर्थिक प्रश्न सुटतील.

वास्तुच्या काही गोष्टींची काळजी घेतल्यास जीवनात सकारात्मक ऊर्जा प्राप्त होते. ज्यामुळे संपत्तीत वाढ होते असे म्हटले जाते. कौटुंबिक जीवनात सुख-शांती निर्माण होते. कुटुंबातील लोकांना अपयशाला सामोरे जावे लागत नाही. जीवनात कोणत्याही गोष्टींची कमतरता भासत नाही. वास्तुनुसार धन, सुख, सौभाग्य आणि आनंदी जीवनासाठी काही नियम लक्षात ठेवायला पाहिजे.
Vastu Tips : प्रेमात अपयश येते? जोडीदारासोबत सतत वाद होतात? वास्तुशास्त्रानुसार करा हे ५ उपाय, नात्यात वाढेल मधुरता
वास्तुशास्त्रानुसार घरातील उत्तर दिशेला भगवान कुबेराचे स्थान असते असे म्हटले जाते. आग्नेय दिशा ही पैशांसाठी मानली जाते. तर घरातील ईशान्य कोना हा धन, सुख आणि समृद्धीची दिशा असते. ज्या लोकांनी पैशाशी संबंधित समस्यांचा सामना करावा लागतो त्यांनी या दिशेच्या स्वच्छतेची अधिक काळजी घ्यावी.

वास्तुशास्त्रातील हे नियम लक्षात ठेवा

1. उत्तर दिशा

वास्तुशास्त्रानुसार घराच्या उत्तर दिशेला बुध ग्रहाचा प्रभाव असतो. या दिशेला हिरवा रंगाचा वापर केल्याने धनाची आवक वाढते. तसेच या ठिकाणी मनी प्लांट किंवा पाण्याचे कारंजे लावा. यामुळे सकारात्मक ऊर्जा घरात तयार होईल. उत्तर दिशेला आरसा किंवा बुध यंत्र स्थापित करा. घरातील आर्थिक प्रश्न दूर होतील.

2. आग्नेय दिशा

वास्तुमध्ये घराच्या आग्नेय दिशेला शुक्राचे स्थान असते. या दिशेला लाल रंगाचा वापर करावा. असे म्हटले जाते की, या दिशेला शुक्र यंत्राची स्थापना केल्याने घरात सुख, समृद्धी येते. तसेच संपत्तीत वाढ होण्याची शक्यता आहे.
Vastu Tips : वास्तुशास्त्रानुसार घराच्या मुख्य प्रवेशद्वारावर गणपतीचा फोटो लावणं शुभ की, अशुभ? वाचा एका क्लिकवर

3. ईशान्य कोन

वास्तुशास्त्रात ईशान्य कोन हा गुरुचे स्थान मानले जाते. या दिशेला गोष्टी नीट ठेवायला हव्या, तसेच हे ठिकाण अधिक स्वच्छ देखील असायला हवे. धन, सुख आणि सौभाग्य वाढवण्यासाठी तुम्ही या दिशेला आरसा किंवा गुरुचे यंत्र ठेवू शकता.

4. पूर्व दिशा

घरातील पूर्व दिशा ही अधिक महत्त्वाची असते. या दिशेला मैदान किंवा पाण्याचा प्रवाह असेल तर ते शुभ मानले जाते. आर्थिक आणि व्यावसायिक लाभ देण्यासाठी ही जागा चांगली आहे. या दिशेला सूर्यफुल, झेंडूची फुले लावा. यामुळे घरात सकारात्मक ऊर्जेचा प्रवाह वाढतो.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.