नरेंद्र मोदींच्या सांगण्यावरून दिल्या धमक्या
या प्रकरणावरुन आम आदमी पक्षाच्या नेत्या आतिशी आणि खासदार संजय सिंह यांनी पत्रकार परिषद घेतली. तसेच या दोन्ही नेत्यांनी भाजपवर हल्लाबोल केला आहे. ते म्हणाले की, ” भाजप आणि नरेंद्र मोदी यांच्या सांगण्यावरून राजीव चौक, पटेल नगर मेट्रो स्टेशनवर धमकी लिहिली आहे. अरविंद केजरीवाल यांना काही झाले तर त्याला थेट भाजप आणि नरेंद्र मोदी जबाबदार असतील.”
आतिशी यांनी फोटोकॉपी दाखवल्या
केजरीवाल यांच्यावर हल्ला करण्याचा कट रचला जात असल्याचे आपच्या नेत्या आतिशी यांनी म्हंटलं आहे. त्याचबरोबर धमकी बाबतच्या फोटोकॉपी देखील मीडियाला दाखवल्या आहेत.
मोदी केजरीवालांना घाबरतात
केजरीवाल यांना केलेल्या अटकेवरून आपच्या नेत्या आतिशी यांनी भाजपवर जोरदार टीका केली आहे त्या म्हणाल्या की, ”भाजप आणि नरेंद्र मोदी हे अरविंद केजरीवाल यांना घाबरतात. निवडणुकीच्या मैदानात ते केजरीवाल आणि आम आदमी पार्टीला तोंड देऊ शकत नाहीत हे या लोकांना माहीत आहे. अरविंद केजरीवाल तुरुंगातून बाहेर आल्यानंतर भाजप आणि नरेंद्र मोदी यांनी केजरीवाल यांच्यावर एकामागून एक हल्ला करण्याचे डावपेच आखले आहेत. लोकसभा निवडणुकीची घोषणा होताच २१ मार्च रोजी केजरीवाल यांना खोट्या प्रकरणात तुरुंगात पाठवण्यात आले.”