आता कारमध्ये जाणवणार नाही Motion Sicknessची समस्या, Appleने लाँच केले नवीन फिचर

Apple New Feature:: Apple ने त्यांच्या iOS युजर्ससाठी खास नवीन फिचर लाँच केले आहे. ज्यांना चालत्या वाहनात त्यांचा फोन किंवा टॅब्लेट वापरताना मोशन सिकनेसचा त्रास होतो. कंपनीच्या म्हणण्यानुसार, ही समस्या सामान्यतः तेव्हा उद्भवते जेव्हा तुमचे डोळे पाहत असलेली गोष्ट आणि तुमच्या शरीराला काय वाटत आहे यात तफावत असते. या समस्येवर मात करण्यासाठी, Apple iPhones आणि iPads साठी “Vehicle Motion Cues” हे नवीन फिचर सादर केले आहे. हे चालत्या वाहनात बसलेल्या लोकांचा मोशन सिकनेसचा त्रास कमी करण्यास मदत करू शकते.

कसे काम करेल हे फीचर?

Apple ने म्हटले आहे की Vehicle Motion Cues फीचरमध्ये, वाहनाचा वेग बदलला की स्क्रीनच्या बाजूला लहान ठिपके हलतील. यामुळे तुमचे डोळे काय पाहत आहेत आणि तुमच्या शरीराला काय वाटत आहे याचा जास्त मेळ बसेल आणि लोकांना त्रास होणार नाही. कंपनीने असेही म्हटले आहे की हे फिचर ऑटोमॅटिक ऑन ऑफ केले जाऊ शकते शिवाय ते कंट्रोल सेंटरवरून देखील ऑन किंवा ऑफ केले जाऊ शकते.

युजर्सच्या दृष्टीने ॲपलने लाँच केले फिचर्स

व्हेईकल मोशन क्यूज फीचर व्यतिरिक्त, Apple ने अनेक ॲक्सेसिबिलिटी फीचर्स देखील आणले आहेत. यापैकी एक म्हणजे आय ट्रॅकिंग फीचर. नावाप्रमाणेच. या फिचरच्या मदतीने, शारीरिकदृष्ट्या क्षमता नसलेले यूजर्स देखील नेव्हिगेट करू शकतात, स्क्रोल करू शकतात आणि बटणे दाबणे, iPhone किंवा iPad च्या स्क्रीनवर फक्त त्यांच्या डोळ्यांच्या मदतीने स्वाइप करणे यासारख्या फंक्शन्सचा वापर करू शकतात.

कारप्लेमध्ये व्हॉइस शॉर्टकट फीचरच्या मदतीने हात न वापरताही काम करता येते. याशिवाय तुमच्या आवडीचे आणि अवघड शब्द ओळखण्याची सुविधा, कलर फिल्टर्स आणि व्हॉइस रेकग्निशन फीचर्सचाही समावेश आहे. या फिचर्सच्या मदतीने वाहनात बसलेल्या लोकांची ऐकण्याची क्षमता कमी असल्यास देखील त्यांना हॉर्न आणि सायरनचे आवाज ऐकू येतील.