हातात हिरवा चुडा, अंगावर साडी, हात बांधलेले, रक्त सांडलेले; विद्यार्थ्याचा संशयास्पद अंत

इंदूर: मध्य प्रदेशच्या इंदूरमध्ये एका महाविद्यालयीन तरुणानं आत्महत्या केली आहे. आत्महत्या करण्याआधी त्यानं महिलांप्रमाणे साडी नेसली होती, मेकअप केला होता. त्यानं एखाद्या वधूप्रमाणे हातात हिरव्या बांगड्या, कपाळावर कुंकू लावलेलं होतं. त्याचे दोन्ही हात बांधलेल्या अवस्थेत होते. त्याच्या डोळ्यांवर पट्टी बांधलेली होती. मृतदेहाजवळ बरंच रक्त सांडलेलं होतं. घटना भवर कुआ पोलीस ठाण्याच्या हद्दीतील शांती नगरमधील आहे.

पुनीत दुबे असं मृत विद्यार्थ्याचं नाव आबे. तो रायसेनचा रहिवासी होता. तो एमपीपीएससी करत होता. पुनीत ३ वर्षांपासून इंदूरमध्ये अभ्यास करत होता. बांगड्या, कुंकू आणि वधूप्रमाणे केलेल्या मेकअपमुळे या प्रकरणातील गुंता वाढला आहे. आत्महत्येचं कारण अद्याप समोर आलेलं नाही. पोलिसांनी मृतदेह शवविच्छेदनास पाठवून तपास सुरु केला आहे.
Pune Porsche Accident: तशीच आलिशान कार, तेच कल्याणीनगर; ५ वर्षांपूर्वी नेमकं काय घडलेलं? आणखी एक ‘कार’नामा उघड
मूळचा रायसेनचा रहिवासी असलेला पुनीत इंदूरमध्ये अभ्यासासाठी राहत होता. तो आई, वडिलांचा एकुलता एक मुलगा होता. तो दुसऱ्या वर्षात शिकत होता. एका घरात भाड्यानं राहत होता. पुनीतनं आत्महत्या केली आहे की हत्या करुन त्याचा मृतदेह लटकवण्यात आला आहे, याचा शोध पोलीस घेत आहेत.
Pune Porsche Accident: अपघातापूर्वीचा दीड तास, ४८ हजार अन् २ पब; पोलीस आयुक्तांनी सांगितला संपूर्ण घटनाक्रम
पुनीतचा मृतदेह सापडलेल्या खोलीत बरंच रक्त सांडलेलं आढळून आलं. त्याच्या हत्येची शक्यता वर्तवली जात आहे. शुक्रवारी रात्री पुनीतच्या कुटुंबियांनी त्याला फोन केला होता. पण पुनीतनं कॉलला प्रतिसाद दिला नाही. यानंतर कुटुंबियांनी इंदूरमध्ये राहणाऱ्या एका नातेवाईकाशी संपर्क साधला. त्यांना पुनीतच्या घरी गाठवलं. त्यांनी पुनीतचं घर गाठून दार ठोठावलं. पण आतून प्रतिसाद मिळाला नाही. त्यांनी खोलीत डोकावून पाहिलं, तेव्हा त्यांना मृतदेह दिसला. त्यांनी याची माहिती पोलिसांना दिली.