Vaishakh Purnima 2024 : बुद्ध पौर्णिमेच्या दिवशी पिंपळाच्या झाडाची अशी करा पूजा, लक्ष्मी देवीची राहिल सदैव कृपा

Buddha Jayanti Purnima 2024 :

वैशाख महिन्यातील शुक्ल पक्षातील पौर्णिमा तिथीला वैशाख पौर्णिमा म्हणतात. याला बुद्ध पौर्णिमा आणि पिंपळ पौर्णिमा म्हणूनही ओळखले जाते. यंदा ही पौर्णिमा २३ मे ला आहे.

पौराणिक मान्यतेनुसार वैशाख पौर्णिमा ही भगवान बुद्धांशी संबंधित तीन महत्त्वाच्या गोष्टींसाठी ओळखली जाते. या दिवशी भगवान बुद्धांचा जन्म, बुद्धांची ज्ञानप्राप्ती आणि बुद्धांचे निर्वाण झाल्यामुळे विशेष मानली जाते. या दिवशी पिंपळाच्या झाडाची पूजा करण्यासाठी अनेक महत्त्व आहे. त्यामुळे लक्ष्मी देवीची कृपा प्राप्त करण्यासाठी पिंपळाच्या झाडाची पूजा कशी करायची जाणून घेऊया
Buddha Purnima 2024 : बुद्ध पौर्णिमेच्या दिवशी भगवान विष्णूची का केली जाते पूजा? जाणून घ्या मंत्र आणि पूजा पद्धत

1. बोधीवृक्षाखाली आत्मज्ञान प्राप्त

  • भगवान बुद्धांना बोधीवृक्षाखाली आत्मज्ञान प्राप्त झाले. बोधी म्हणजे ज्ञान आणि बोक्षवृक्ष म्हणजे ज्ञानाचे झाड आणि हे वृक्ष म्हणजे पीपळ. असे मानले जाते की भगवान बुद्धांनी पीपळ वृक्षाखाली सहा वर्षे ध्यान केले. सहाव्या वर्षी पौर्णिमेच्या दिवशी त्यांना ज्ञान प्राप्त झाले. त्यादिवसापासून बोधीवृक्ष हे बौद्ध धर्माचे सर्वात पवित्र प्रतीक बनले आहे.
  • पौराणिक कथेत महात्मा बुद्धांना भगवान विष्णूचा नववा अवतार म्हटले गेले आहे. बोधी वृक्ष हे बिहार राज्यातील गया जिल्ह्यातील महाबोधी मंदिर संकुलात असलेले पिंपळाचे झाड आहे. भगवान बुद्धांना ५३१ इ.स. पूर्व या झाडाखाली ज्ञान प्राप्त झाले.

2. पिंपळाची पूजा कशी करावी?

  • बुद्ध पौर्णिमेच्या दिवशी एका भांड्यात पाणी भरा. त्यात थोडे दूध घालून मिसळा.
  • पिंपळाच्या झाडाला जल अर्पण करताना पूर्वेकडे किंवा उत्तरेकडे तोंड करुन झाडाच्या मुळाशी पाणी अर्पण करा.
  • पौर्णिमा किंवा शनिवारी जल अर्पण केल्याने फायदा होतो.
  • पिंपळाच्या झाडाला जल अर्पण करा तेव्हा या मंत्रांचा जप करा.

आयु: प्रजाम् धनम् धन्यम् सौभाग्यम् सर्वसंपदम्।
देहि देव महावृक्ष त्वमहं शरणम् गत:।

याचा अर्थ असा की, पिंपळ देवता मला वय, संतती, समृद्धी, धन, धान्य इत्यादी सर्व काही दे, मी तुला शरण आलो आहे.
कुंडलीतील ग्रहांच्या त्रासापासून सुटण्यासाठी पिंपळाच्या झाडाला जल अर्पण करताना शनि देवाचा मंत्र म्हणावा.
ॐ शं शनैश्चराय नमः
ॐ प्रां प्रीं प्रौं स: शनैश्चराय नम:

4. तिळाच्या तेलाचा दिवा

बुद्ध पौर्णिमेच्या दिवशी संध्याकाळी पिंपळाच्या झाडाखाली तिळाच्या तेलाचा दिवा लावल्यास लक्ष्मीची कृपा होते. रोज पिंपळाच्या झाडाला प्रदक्षिणा मारल्याने शुभ फळ प्राप्त होते. १, ३, ५, ७, ९, ११ किंवा १०८ अशा विषम संख्येने पिंपळाच्या झाडाची प्रदक्षिणा करणे शुभ असते.
Buddha Purnima 2024 : दु:खातून मुक्त होण्यासाठी महात्मा गौतम बुद्धांचे अनमोल विचार लक्षात ठेवा, मानसिक तणाव होईल दूर

5. पिंपळाच्या झाडाचे वैभव

मूलतो ब्रह्मरूपाय मध्यतो विष्णुरूपिणे। अग्रत: शिवरूपाय वृक्षराजाय ते नम:।।
आयु: प्रजां धनं धान्यं सौभाग्यं सर्वसम्पदम्। देहि देव महावृक्ष त्वामहं शरणं गत:।।
पिंपळाच्या पुढच्या भागात भगवान शिव, मधल्या भागात भगवान विष्णू आणि पिंपळाच्या मुळाशी ब्रह्माजींचा वास असतो असे म्हटले जाते. इतर भागात वसु, रुद्र, वेद, ज्ञान, समुद्र आणि कामधेनु यांच्यासह इतर देवी-देवतांचा वास असतो.

6. ग्रहांचा अशुभ प्रभाव कमी होतो

  • पिंपळाचे झाड लावून त्याला जल अर्पण केल्याने ग्रह शांत होतात.
  • कुंडलीतील ग्रहांचा अशुभ प्रभाव दूर करण्यासाठी रोज पिंपळाच्या झाडाला पाणी अर्पण करा.
  • राहू- केतू आणि शनिचा प्रभाव कमी करण्यासाठी पिंपळाचे झाड लावा आणि त्याला नियमितपणे जल अर्पण करा.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.

Source link

Buddha Purnima 2024Buddha Purnima 2024 DateBuddha Purnima QuotesPipal PurnimaVaishakh Purnima 2024पिंपळ पौर्णिमावैशाख पौर्णिमा
Comments (0)
Add Comment