वनप्लसपेक्षा शक्तिशाली प्रोसेसर असलेला फोन येतोय भारतात; ‘ही’ कंपनी उतरणार मैदानात

चिनी स्मार्टफोन निर्माता कंपनी Realme नं गेल्या आठवड्यात GT 6T स्मार्टफोन भारतात लाँच केला होता. यात प्रोसेसर म्हणून 4nm Snapdragon 7+ Gen 3 देण्यात आला आहे. आता कंपनीच्या GT सीरीज मध्ये आणखी एका मॉडेलचा समावेश होऊ शकतो. बातमी आली आहे की GT 7 Pro देखील लवकरच भारतात सादर केला जाऊ शकतो.

Realme चे व्हाइस प्रेजिडेन्ट, Chase Xu यांना जेव्हा एका एक युजरनं भारतात GT 5 Pro लाँच न करण्याचा कारण विचारलं तेव्हा त्यांनी सांगितलं की कंपनी लवकरच GT 7 Pro देशात सादर करेल. गेल्यावर्षी चीनमध्ये GT 5 Pro सादर करण्यात आला होता, ज्यात Snapdragon 8 Gen 3 चिपसेट देण्यात आला आहे. जीटी 5प्रो कंपनीचा फ्लॅगशिप फोन आहे. आगामी Realme GT 7 Pro मध्ये प्रोसेसर म्हणून Snapdragon 8 Gen 4 चिपसेटचा वापर केला जाऊ शकतो. जो क्वॉलकॉमचा आतापर्यंतचा सर्वात शक्तिशाली प्रोसेसर असेल.
रेडमी-रियलमीला टक्कर देण्यासाठी येतोय स्वदेशी फोन; तारीख ठरली

Narzo N65 5G भारतात लाँच

अलीकडेच Realme नं भारतात Narzo N65 5G लाँच केला आहे. ड्युअल सिम (नॅनो) असलेल्या Narzo N65 5G मध्ये 6.67 इंचाचा HD+ डिस्प्ले 120Hz रिफ्रेश रेट आणि 625 निट्स पीक ब्राइटनेस लेव्हल आहे. याच्या डिस्प्लेमध्ये सेल्फी कॅमेऱ्यासाठी होल-पंच कटआउट देण्यात आला आहे. कंपनीनं 6nm MediaTek Dimensity 6300 5G चिपसेटसह 6GB पर्यंत RAM आहे.

डायनॅमिक RAM फीचरसह याची मेमरी 12 GB पर्यंत वाढवता येते. या स्मार्टफोनच्या ड्युअल रियर कॅमेरा सेटअपमध्ये 50 मेगापिक्सलचा प्रायमरी कॅमेरा आहे. तसेच फ्रंटला सेल्फी आणि व्हिडीओ कॉलसाठी 8 मेगापिक्सलचा कॅमेरा आहे. या स्मार्टफोनची 128GB स्टोरेज 2TB पर्यंत वाढवता येते. यातील 5,000mAh ची बॅटरी 15W फास्ट चार्जिंगला सपोर्ट करते.

या स्मार्टफोनच्या 4GB RAM व 128 GB स्टोरेज व्हेरिएंटची किंमत 11,499 रुपये आणि 6GB RAM व 128GB मॉडेल 12,499 रुपयांना खरेदी करता येईल. हा Amber Gold आणि Deep Green कलर्स मध्ये उपलब्ध आहे. याची विक्री ई-कॉमर्स साइट Amazon आणि कंपनीच्या वेबसाइटच्या माध्यमातून केली जाईल.

Source link

realme gt 7proRealme Mobilerealme smartphoneरियलमीरियलमी जीटी ७ प्रोरियलमी मोबाइल
Comments (0)
Add Comment