सर्वात मोठी बॅटरी असलेला फोन लाँच करणार OnePlus; भारीतल्या प्रोसेसरसोबत मिळणार 16GB रॅम

OnePlus आपला आगामी Ace 3 Pro चीनमध्ये लवकरच लाँच करू शकते. हा स्मार्टफोन गेले अनेक दिवस चर्चेत आहेत. गेले काही अनेक लीक्स ऑनलाइन समोर आले आहेत, त्यामुळे याच्या डिजाइन आणि स्पेसिफिकेशन्सची माहिती मिळाली आहे. लीक्सनुसार, फोन 100W चार्जिंगसह लाँच होऊ शकतो. यात 6.78 इंचाचा OLED डिस्‍प्‍ले मिळण्याची शक्यता आहे. स्मार्टफोनच्या चिपसेटची माहिती देखील समोर आली आहे. परंतु OnePlus नं Ace 3 Pro अधिकृतपणे टीज करण्यास सुरुवात केलेली नाही.

OnePlus Ace 3 Pro ची लीक माहिती

हा स्मार्टफोन ग्लास, सिरॅमिक आणि विगन लेदर बॅक पॅनलसह येऊ शकतो. लीक्सनुसार, सिरॅमिक ऑप्शन फक्त व्हाइट कलरमध्ये येईल आणि ग्लास ऑप्शन ब्राइट सिल्व्हर फिनिशसह येऊ शकतो. OnePlus 11 आणि OnePlus 12 सीरीजच्या प्रमाणे आगामी Ace 3 Pro मध्ये देखील सर्क्युलर कॅमेरा आयलंड मिळू शकतो.आयफोनमधील जीव वाचवणारे फिचर मिळणार OnePlus मध्ये, लवकरच येईल बाजारात

यात 6.78-इंचाचा कर्व्ड OLED डिस्प्ले मिळेल अशी माहिती मिळाली आहे. हा पॅनल 1.5K रिजॉल्यूशनसह येईल, जो 120Hz पर्यंत रिफ्रेश रेटला सपोर्ट करेल. तसेच, फोनमध्ये 16 मेगापिक्‍सलचा सेल्‍फी कॅमेरा दिला जाऊ शकतो, ज्यासाठी पंच होल कटआउट मिळेल. मागे आयलंडमध्ये तीन लेन्स फिट केल्या जाऊ शकतात, ज्यात 50-मेगापिक्सलचा Sony IMX890 सेन्सर असू शकतो. सोबत 8-मेगापिक्सलचा अल्ट्रा वाइड अँगल लेन्स आणि 2-मेगापिक्सलचा डेप्थ किंवा मॅक्रो सेन्सर दिला जाऊ शकतो.

गेल्या काही लीक्समध्ये असा देखील दावा करण्यात आला आहे की Ace 3 Pro मध्ये Qualcomm चा Snapdragon 8 Gen 3 प्रोसेसर मिळू शकतो, त्याचबरोबर 16GB पर्यंत रॅम आणि 1TB पर्यंत स्टोरेज दिली जाऊ शकते. फोनमध्ये 6,100mAh च्या बॅटरीचा समावेश केला जाऊ शकतो, जी 100W वायर्ड फास्ट चार्जिंगला सपोर्ट करू शकते. असं झाल्यास हा सर्वात मोठी बॅटरी असलेला वनप्‍लस स्‍मार्टफोन असेल.

OnePlus Ace 3 Pro कंपनी चीनमध्ये कधी लाँच करेल, याची माहिती मिळाली नाही. चीनमध्ये लाँच झाल्यानंतर Ace मॉडेल्स भारतसह जागतिक बाजरात रीब्रँडकरून सादर केले जातात. हा फोन देखील कंपनीच्या R लाइनअपमध्ये सादर केला जाऊ शकतो.