June Month Rajyog Bhavishya :
जून महिन्यामध्ये अनेक ग्रहांचे संक्रमण होणार आहे. त्यामुळे त्यात काही राजयोगही तयार होत आहे. या महिन्यात ५ राजयोगांचा प्रभाव राहिल. जून महिन्यात मालव्य राजयोग, शश राजयोग, लक्ष्मी नारायण राजयोग, रुचिक राजयोग आणि बुधादित्य राजयोग तयार होतील.
या ५ राजयोगांचा प्रभाव ५ राशींवर अधिक दिसून येणार आहे. जून महिन्यात या राशींच्या लोकांना नोकरीच्या ठिकाणी बढती मिळेल. तसेच प्रगतीशिवाय काही चांगल्या बातम्या मिळतील. जाणून घेऊया जून महिन्यातील या राजयोगांमुळे कोणत्या ५ राशींचे नशिब चमकणार आहे.
1. मेष – उत्पन्नात वाढ होईल
जून महिन्यात मेष राशीमध्ये मंगळ ग्रहाचे संक्रमण होणार आहे. त्यामुळे रुचक राजयोग तयार होईल. अशावेळी या लोकांमध्ये एक वेगळी ऊर्जा, प्रभाव आणि उत्साह पाहायला मिळेल. इतकेच नाही तर हा काळ तुमच्यासाठी, राजकीय आणि सरकारी क्षेत्राशी संबंधिक लोकांसाठी विशेष फलदायी ठरणार आहे. सरकारी नोकरीची तयारी करत असणाऱ्या आणि स्पर्धा परीक्षा देणाऱ्या विद्यार्थ्यांना यश मिळेल. तसेच उत्पन्नात वाढ होण्याची शक्यता आहे.
2. वृषभ – वैवाहिक जीवन सुधारेल
जून महिन्यात शुक्र आणि बुध वृषभ राशीत एकाच वेळी आल्याने लक्ष्मी नारायणाचा योग तयार होईल. शुक्र त्याच्या उच्च राशीत असल्यामुळे मालव्य राजयोग सुद्धा तयार होणार आहे. या महिन्यात तुमच्या भौतिक सुख-सुविधांमध्ये वाढ होईल. वाहन खरेदी करण्याची इच्छा पूर्ण होईल. वैवाहिक जीवन चांगले राहाणार आहे. प्रेमीयुगुलांसाठी हा महिना अधिक खास असेल. कामाच्या ठिकाणी समन्वय चांगले राहिल.
3. मिथुन – व्यापारात यश मिळेल
जून महिन्याची सुरुवात मिथुन राशीसाछी संमिश्र असेल. १४ जूननंतरचा काळ तुमच्यासाठी लकी ठरेल. बुध आणि सूर्याच्या युतीमुळे बुधादित्य राजयोग तयार होईल. तसेच लक्ष्मी नारायण राजयोग देखील या महिन्यात असणार आहे. त्यामुळे तुमचे बौद्धिक कौशल्य चांगले राहिल. कामाच्या ठिकाणी अनुभवाचा फायदा होईल. व्यावसायिक क्षेत्रातही तुमची प्रगती होईल. अधिकाऱ्यांशी चांगला समन्वय साधल्याने बढतीची संधी मिळेल. व्यावसायिकांना व्यवहारात यश मिळेल. सेल्स मार्केटिंगमध्ये काम करणाऱ्यांसाठी हा काळ उत्तम असेल. परदेशात जाण्याचे स्वप्न पाहात असाल तर प्रवासाची इच्छा पूर्ण होईल.
4. कन्या – नोकरीच्या नवीन संधी मिळतील
कन्या राशीच्या लोकांसाठी जून महिना विशेष फलदायी ठरणार आहे, लक्ष्मी नारायण योग, बुधादित्य राजयोग तयार होत आहे. करिअरच्या दृष्टिकोनातून हा काळ चांगला असेल. या काळात तुम्हाला करिअरच्या नवीन संधी मिळतली. विद्यार्थ्यांसाठी हा काळ खूप चांगला राहिल. शैक्षणिक क्षेत्रात यश मिळवण्यासाठी अनेक चांगल्या संधी मिळतील. नोकरी बदलण्याचा विचार करणाऱ्या यश मिळेल.
5. कुंभ – नवीन वाहन खरेदी कराल
जून महिन्यात कुंभ राशीत शनि स्थित झाल्यामुळे शश राजयोग तयार झाला आहे. अशावेळी कुंभ राशीच्या लोकांसाठी हा काळ खूप चांगला जाणार आहे. कुंडलीतील चौथ्या आणि पाचव्या घरात अनेक राजयोग तयार झाले आहेत. आनंदाचे साधण मिळेल. आईकडून आर्थिक लाभ होतील. नवीन वाहन खरेदी कराल. लवकरच आनंदाची बातमी मिळेल. उच्च शिक्षणासाठी परदेशात जाण्याची इच्छा व्यक्त करणाऱ्या लोकांना यश मिळेल.