काही दिवसांपूर्वी टिपस्टर डिजिटल चॅट स्टेशननं माहिती दिली होती की Oneplus 13 डिवाइस क्वॉड कर्व्ड डिस्प्ले पॅनलसह येऊ शकतो आणि आता पुन्हा एकदा टिपस्टरनं या संबंधित अपडेट शेयर केला आहे. डीसीएसनुसार, Oneplus 13 मध्ये हाय-स्पेक 2K 8T LTPO कस्टम डिस्प्ले असेल, जी एक टॉप लेव्हल स्क्रीन म्हणता येईल. OnePlus 13 मध्ये 6.8-इंच OLED स्क्रीनसह असू शकतो. डिजाइनमध्ये वळणदार ग्लास कव्हरसह जवळपास फ्लॅट स्क्रीन मिळेल.
Oneplus 13 चे फीचर्स
Oneplus 13 च्या कॅमेरा सिस्टममध्ये जास्त अपग्रेड मिळणार नाहीत, ज्यात 50-मेगापिक्सलचा पेरिस्कोप ट्रिपल कॅमेरा सेटअप मिळेल. वनप्लस 13 मध्ये मोठी बॅटरी आहे. वनप्लस 12 मध्ये 5,400mAh ची बॅटरी होती तर आगामी एस 3 प्रो मध्ये 6,100mAh ची बॅटरी असेल.
त्यामुळे अंदाज लावला जात आहे की वनप्लस 13 मध्ये 6,000mAh ची बॅटरी असू शकते. अलीकडेच एका लीकमध्ये दावा करण्यात आला होता की हा वायरलेस चार्जिंगला सपोर्ट करणार नाही. वनप्लस 13 मध्ये स्नॅपड्रॅगन 8 जेन 4 चिपसेट असेल. हा पहिला फोन असेल ज्यात या प्रोसेसरचा वापर केला जाऊ शकतो.
वनप्लस फोन्सचा पाऊस
आगामी काळात अनेक वनप्लस फोन बाजारात दाखल होत आहेत. यातील Nord 4 भारतात येईल, जो एक मिडरेंज हँडसेट असेल आणि गेल्यावर्षी आलेल्या नॉर्ड 3 ची जागा घेईल. चीनमध्ये येणारा OnePlus Ace 3 Pro संभाव्य 6100mAh बॅटरीमुळे चर्चेचा विषय ठरला आहे, जो भारतात OnePlus 13R म्हणून सादर केला जाऊ शकतो. तर आगामी OnePlus 13 चा लाँच दूर असला तरी लिक्सनुसार यात सॅटेलाइट कनेक्टिव्हिटी देखील मिळू शकते.