हायलाइट्स:
- जळगाव जिल्हा बँक निवडणुकीसाठी राष्ट्रवादी कॉग्रेसला समाधानकारक जागा हव्या.
- न मिळाल्यास राष्ट्रवादी सर्वपक्षीय पॅनलमधून निवडणूक लढणार.
- सर्वपक्षीय पॅनल झाल्यास त्यात १० जागा मिळाव्यात यासाठी राष्ट्रवादीचा आग्रह.
म. टा. प्रतिनिधी, जळगाव
जळगाव जिल्हा बँकेसाठी होणाऱ्या निवडणुकीसाठी जर राष्ट्रवादी कॉग्रेसला समाधानकारक जागा मिळाल्या तरच सर्वपक्षीय पॅनलमधून निवडणूक लढणार, अन्यथा महाविकास आघाडीच्या (Maha Vikas Aghadi) माध्यमातून भाजपविरोधात लढण्याचा निर्णय राष्ट्रवादी काँग्रेसने घेतला आहे. उपमुख्यमंत्री अजित पवार (Ajit Pawar) यांनीच या सूचना दिल्याने याबाबत चर्चा करण्यासाठी शुक्रवारी गुलाबराव देवकर अभियांत्रिकी महाविद्यालयात राष्ट्रवादी कॉग्रेसच्या जिल्ह्यातील नेत्यांची बैठक घेण्यात आली. (if not satisfied with the seats ncp will contest the election of jalgaon district bank from mahavikas aghadi)
शुक्रवारी झालेल्या या बैठकीत माजी विधानसभा अध्यक्ष अरुण गुजराथी, माजी पालकमंत्री गुलाबराव देवकर, डॉ. सतीश पाटील, जिल्हाध्यक्ष ॲड.रविंद्र पाटील, जिल्हा बँकेच्या अध्यक्षा ॲड.रोहिणी खडसे, माजी आमदार दिलीप वाघ, कैलास पाटील, अरुण पाटील, इंदिरा पाटील, संजय पवार, वाल्मीक पाटील, संतोष चौधरी, नाना देशमुख, तिलोत्तमा पाटील आदी उपस्थित होते.
क्लिक करा आणि वाचा- थोडा दिलासा, थोडी चिंता!; राज्यात करोनाची ‘अशी’ आहे आजची स्थिती!
राष्ट्रवादीला हव्यात १० जागा
२०१५ मध्ये झालेल्या निवडणुकीत राष्ट्रवादीकडे १३ जागा होत्या. त्यामुळे आता सर्वपक्षीय पॅनल तयार करण्यात आले तर त्यात १० जागा मिळाव्यात यासाठी राष्ट्रवादीचा आग्रह आहे. दरम्यान, शनिवारी सर्वपक्षीय पॅनलसाठी स्थापन समितीच्या सदस्यांची बैठक पालकमंत्र्यांचा उपस्थितीत होणार आहे.
क्लिक करा आणि वाचा- आर्यन खानला मोठा धक्का; कोर्टाने जामीन नाकारला, तुरुंगात रवानगी
या बैठकीत देखील कोणत्या जागांसाठी आग्रह धरायचा आणि कोणत्या सोडायचा याबाबत राष्ट्रवादीच्या बैठकीत चर्चा झाली. अजित पवार यांनी जिल्हा बँकेत भाजपसोबत जायला होकार दर्शविला असला तरी या पॅनलमध्ये राष्ट्रवादी जागांबाबत तडजोड करुन नका अश्या सूचनाही त्यांनी जिल्ह्यातील नेत्यांना दिला आहे.
क्लिक करा आणि वाचा- आर्यन खान तुरुंगात बराक क्रमांक १ मध्ये; बाहेरचे अन्न घेता येणार नाही