हायलाइट्स:
- गेल्या २४ तासांत राज्यात २ हजार ४८६ नवीन रुग्णांचे निदान झाले आहे.
- गेल्या २४ तासांमध्ये एकूण २ हजार ४४६ करोना बाधित रुग्ण बरे होऊन घरी गेले आहेत.
- आज राज्यात एकूण ४४ करोना बाधित रुग्णांचा मृत्यू झाला आहे.
मुंबई: राज्यात कालच्या तुलनेत आज करोनाच्या (Coronavirus) दैनंदिन रुग्णसंख्येत घट झाली आहे. तसेच आज मृत्यूंची संख्या देखील कमी झाली आहे. तसेच राज्यातील एकूण सक्रिय रुग्णसंख्याही किंचित कमी झाली असल्याने राज्याला दिलासा मिळाला आहे. मात्र, बरे होणाऱ्या रुग्णांची संख्या किंचित घटली असून हे काहीसे चिंताजनक आहे. राज्याच्या आरोग्य विभागाने दिलेल्या माहितीनुसार, आज दिवसभरात राज्यात २ हजार ४८६ इतक्या नव्या रुग्णांची नोंद झाली आहे. काल ही संख्या २ हजार ६२० इतकी होती. तर आज दिवसभरात एकूण २ हजार ४४६ रुग्ण बरे होऊन घरी गेले आहेत. काल ही संख्या २ हजार ९८३ इतकी होती. तर, आज ४४ रुग्णांचा मृत्यू झाला. काल ही संख्या ५९ इतकी होती. (maharashtra registered 2486 new cases in a day with 2446 patients recovered and 44 deaths today)
आज राज्यात झालेल्या ४४ रुग्णांच्या मृत्यूंनंतर राज्याच्या मृत्यूदर २.१२ टक्क्यांवरच स्थिर आहे. याबरोबर राज्यात आतापर्यंत एकूण ६३ लाख ९९ हजार ४६४ रुग्ण बरे झाले आहेत. यामुळे राज्यातील रुग्ण बरे होण्याचे प्रमाण ९७.३२ टक्के इतके आहे.
क्लिक करा आणि वाचा- ‘कोणी म्हणेल सिंधुदुर्ग किल्लाही मीच बांधला’; मुख्यमंत्री- राणेंचे ‘असे’ रंगले वाकयुद्ध
सक्रिय रुग्णसंख्येचा ग्राफ येतोय खाली
आज राज्यातील एकूण सक्रिय रुग्णांची संख्या ३३ हजार ००६ इतकी आहे. काल ही संख्या ३३ हजार ०११ इतकी होती. या बरोबरच राज्यातील सक्रिय रुग्णांचा जिल्हानिहाय विचार करता पुणे जिल्ह्यात सक्रिय रुग्णांची संख्या सर्वाधिक आहे. पुणे जिल्ह्यात हा आकडा ८ हजार ४२२ इतका खाली आला आहे. ठाणे जिल्ह्यात ही संख्या ४ हजार २२० इतकी वाढली आहे. अहमदनगरमध्ये ही संख्या ३ हजार ८०३ इतकी वाढली आहे. त्या खालोखाल साताऱ्यात ही संख्या १ हजार ८८३ अशी खाली आली आहे. तसेच, सोलापुरात ही संख्या ९७४ इतकी खाली आली आहे. तर, सांगलीत एकूण ८५८ इतकी वाढली आहे.
क्लिक करा आणि वाचा- ‘सिंधुदुर्गच्या विकासाचे कारण नारायण राणे आहे, दुसऱ्याचे नाव येऊ शकत नाही’
मुंबईत उपचार घेत आहेत ५,९४९ रुग्ण
मुंबई महापालिका हद्दीत सक्रिय रुग्णांची संख्या ५ हजार ९४९ इतकी वाढली आहे. तर, रत्नागिरीत ५६० इतकी कमी झाली आहे, सिंधुदुर्गात ६७९ इतकी वाढली आहे, नाशिकमध्ये सक्रिय रुग्णांची संख्या ८०९ इतकी झाली आहे.
भंडारा जिल्ह्यात प्रत्येकी १ सक्रिय रुग्ण
या बरोबरच, औरंगाबादमध्ये ५३७, नागपूर जिल्ह्यात ही संख्या ८२ इतकी आहे. अमरावतीत ही संख्या १०० वर आली आहे. तर भंडारा जिल्ह्यात राज्यातील सर्वात कमी म्हणजेच १ सक्रिय रुग्ण आहे.
क्लिक करा आणि वाचा- मविआची ११ ऑक्टोबरला बंदची हाक; ‘दोन्ही काँग्रेसह शिवसेना पूर्ण ताकदीने उतरणार’
२,४१,४९९ व्यक्ती होम क्वारंटाइन
आतापर्यंत तपासण्यात आलेल्या ६ कोटी ५७ हजार ३२६ प्रयोगशाळा नमुन्यांपैकी ६५ लाख ७५ हजार ५७८ (१०.९५ टक्के) नमुने पॉझिटिव्ह आले आहेत. सध्या राज्यात २ लाख ४१ हजार ४९९ व्यक्ती होमक्वारंटाइनमध्ये आहेत. तर, १ हजार ०२३ व्यक्ती संस्थात्मक क्वारंटाइनमध्ये आहेत.