जून महिन्यात अनेक ग्रहांचे संक्रमण झाले आहे. या आठवड्यात १२ जूनला शुक्र मिथुन राशीत प्रवेश करणार आहे. मिथुन राशीत बुध आणि शुक्र ग्रहाचे संक्रमण होणार आहे. त्यामुळे लक्ष्मीनारायण योग तयार झाला आहे. शुक्र ७ जुलैला पहाटे ०४. ३१ मिनिटांपर्यंत मिथुन राशीत राहिल. शुक्राचे हे संक्रमण महत्त्वाचे असेल. शुक्र बुधाच्या राशीत प्रवेश करत आहे. शुक्र आणि बुध हे मैत्रीपूर्ण ग्रह आहे. शुक्राचे मिथुन राशीतील संक्रमण मेष ते मीन राशीपर्यंत कसा परिणाम करेल जाणून घेऊया.
मेष
शुक्राचे मिथुन राशीतील संक्रमम शुभ ठरणार आहे. या काळात तुमचा आत्मविश्वास वाढेल. तुम्ही सर्व कामे संयमाने कराल. नोकरदार लोकांच्या कामाचे कौतुक होईल. या काळात तुम्ही काही महत्त्वाचे निर्णय घेऊ शकता. तुमच्या व्यवसायात आणि नोकरीतही बदल होण्याची शक्यता आहे. तसेच प्रगतीचे नवीन मार्ग खुलतील.
वृषभ
वृषभ राशीच्या लोकांसाठी शुक्राचे संक्रमण फायदेशीर ठरेल. कुटुंबात शुभ कार्य घडू शकतात. जमीन किंवा मालमत्ते गुंतवणूक करण्यासाठी हा काळ अनुकूल आहे. व्यापाऱ्यांना अडचणींचा सामना करावा लागू शकतो. आरोग्याच्या दृष्टिकोनातून शुक्र तुम्हाला उत्तम आरोग्य देईल. याशिवाय तुमचे वैवाहिक संबंध सुधारतील
मिथुन
शुक्राचे संक्रमण मिथुन राशीत झाल्याने या लोकांना सुख, संपत्ती आणि समृद्धीचे लाभ प्रदान करेल. या लोकांना बिझनेसमध्ये भरपूर फायदा होईल. विद्यार्थ्यांच्या शैक्षणिक क्षेत्रात चांगला निकाल लागेल. अविवाहितांसाठी चांगल्या संधी मिळू शकतात. कुटुंबातील सदस्यांसोबत तुमचे प्रेम वाढेल. मुलांच्या सर्व जबाबदाऱ्या सहज पार पाडाल.
कर्क
शुक्राच्या संक्रमणामुळे आर्थिक समस्या निर्माण होऊ शकतात. शुक्राचे संक्रमण तुमच्या खर्चात वाढ करेल. या काळात पैसे हुशारीने खर्च कराल. हे संक्रमण आर्थिक व्यवहारांसाठी शुभ सिद्ध होईल. कोणाच्याही वादामध्ये सापडू नका. वादविवादापासून शक्य तितके अंतर ठेवा. व्यावसायिकांसाठी हा काळा चांगला जाणार आहे.
सिंह
सिंह राशीच्या लोकांसाठी शुक्राचे संक्रमण खूप फायदेशीर ठरणार आहे. या काळात तुम्हाला तुमच्या मेहनतीचे पूर्ण फळ मिळणार आहे. यामुळे तुम्हाला प्रसिद्धी आणि सन्मान मिळेल. कामाबाबत काही अडचणी निर्माण होतील. कामासाठी लांबचा प्रवास करावा लागेल. आरोग्य अनुकूल राहिल.
कन्या
कन्या राशीच्या लोकांसाठी शुक्राचे संक्रमण लाभदायक ठरणार आहे. या काळात व्यवसायात तुम्हाला मोठे यश मिळू शकते. तुम्हाला तुमच्या करिअरमध्ये काही प्रोजेक्टद्वारे यश आणि प्रसिद्धी मिळेल. कुटुंब आणि जोडीदाराशी तुमचे संबंध पूर्वीपेक्षा चांगले होतील.
तुळ
तुळ राशीच्या लोकांसाठी शुक्राचे संक्रमण शुभ राहिल. या काळात तुम्हाला नशिबाची पूर्ण साथ मिळेल. तुम्हाला लांबचा प्रवास करावा लागू शकतो. करिअरशी संबंधित अनेक नवीन संधी मिळणार आहे. तुम्हाला कोणत्याही कामात कुटुंबाकडून पूर्ण सहकार्य मिळेल. आरोग्याशी संबंधित समस्यांचा सामना करावा लागू शकतो. आरोग्याबाबत निष्काळजीपणा करु नका.
वृश्चिक
शुक्राच्या संक्रमणाचा वृश्चिक राशीच्या लोकांवर विपरीत परिणाम होऊ शकतो. या काळात काळजी घेणे आवश्यक आहे. शुक्राचे संक्रमण धनप्राप्तीच्या चुकीच्या मार्गावरही घेऊन जाऊ शकते. कामात मोठे नुकसान सहन करावे लागेल. हा काळ तुमच्या करिअरमध्ये प्रगती घडवून आणेल. शत्रूंपासून सावध राहा.
धनु
शुक्राचे संक्रमण धनु राशीच्या लोकांना चांगले परिणाम देईल. या संक्रमणादरम्यान तुम्हाला अनेक शुभ परिणाम मिळतील. तुमच्या कामापेक्षा प्राधान्यांवर लक्ष द्या. पार्टनरशीपमध्ये व्यवसाय करणाऱ्यांना चांगल्या संधी मिळतील. त्यांचा व्यवसाय वाढेल. नोकरीत आर्थिक लाभ होतील.
मकर
मकर राशीच्या लोकांसाठी शुक्राचे संक्रमण आव्हानात्क राहिल. छोट्या-छोट्या गोष्टींवर वाद घालणे टाळा. संयम ठेवणे गरजेचे आहे. या काळात तुम्हाला आर्थिक स्थितीबाबत खूप काळजी घेणे आवश्यक आहे. कर्ज घेणे टाळा, अन्यथा भविष्यात तुम्हाला अडचणींना सामोरे जावे लागू शकते. नोकरी बदलण्याचा विचार करत असाल तर ही वेळ अनुकूल नाही.
कुंभ
मिथुन राशीतील शुक्राचे संक्रमण कुंभ राशीच्या लोकांसाठी खूप फायदेशीर ठरेल. या काळात करिअरमध्ये प्रगती होण्याची शक्यता आहे. जोडीदारासोबत चांगला वेळ घालवाल. मुलांकडूनही आनंद मिळेल. त्यांनी केलेल्या कामामुळे तुमचा सन्मान वाढलेला दिसेल. आरोग्याबाबत थोडी काळजी घेणे आवश्यक आहे.
मीन
मीन राशीच्या लोकांसाठी प्रेम संबंधांच्या बाबतीत आव्हानात्मक असणार आहे. जमीन, इमारत आणि वाहन खरेदीची शक्यता निर्माण होत आहे. या काळात तुम्ही पैसे, मालमत्ता इत्यादी खरेदी करू शकता. नोकरी करणाऱ्यांना या काळात त्यांच्या मेहनतीचे शुभ फळ मिळेल. कामाशी संबंधित प्रवासासाठी हा काळ चांगला नाही.