शुक्रवारी रात्री बुध मिथुन राशीत प्रवेश करेल. बुध ग्रह रात्री १० वाजून ५५ मिनिटांनी मिथुन राशीत प्रवेश करेल. मिथुन राशीत बुधाच्या संक्रमणामुळे लक्ष्मी नारायण राजयोग तयार होईल. शुक्राने मिथुन राशीत दोन दिवस आधीच प्रवेश केला होता. बुध आज स्वतःच्या राशीत प्रवेश करत असल्याने शुक्र आणि बुध यांच्या संयोगामुळे लक्ष्मी नारायण राजयोग तयार होईल. मिथुन ही बुधाची स्वतःची राशी मानली जाते आणि या राशीत आल्याने बुधाचा शुभ प्रभाव अनेक पटींनी वाढतो. बुध शुभ स्थितीत आल्याने, वृषभ आणि तूळ राशीसह अनेक राशींचे भाग्य बदलेल. व्यवसायात नफा तसेच तुमची कारकीर्द पुन्हा रुळावर येईल. चला तर सर्व 12 राशींवर बुध संक्रमणाचा प्रभाव तपशीलवार जाणून घेऊया.
मेष राशीवर बुध संक्रमणाचा प्रभाव: कामाचे कौतुक, मानसन्मानत वाढ
बुधाचे हे संक्रमण तुमचे धैर्य तसेच समज आणि संयम वाढवेल. लोक तुमच्या कामाचे कौतुक करतील आणि तुम्हाला खूप प्रसिद्धी मिळेल. या काळात अनेक महत्त्वाचे निर्णय घेता येतील. व्यवसाय आणि नोकरीमध्ये बदल होण्याची शक्यता आहे, जी तुम्हाला प्रगतीच्या मार्गावर नेऊ शकते. आरोग्य चांगले राहील.
वृषभ राशीवर बुध संक्रमणाचा प्रभाव: मालमत्तेमध्ये गुंतवणूक फलदायक
वृषभ राशीच्या लोकांसाठी हे संक्रमण खूप शुभ सिद्ध होईल. या संक्रमणादरम्यान तुमच्या कुटुंबात शुभ कार्य घडू शकतात. कार, जमीन किंवा घर यासारख्या मालमत्तेमध्ये गुंतवणूक करण्यासाठी वेळ अनुकूल आहे. व्यावसायिकदृष्ट्या काही त्रास होऊ शकतो, परंतु शेअर बाजाराशी संबंधित लोकांना कमी फायदा होऊ शकतो. या संक्रमण काळात आरोग्य आणि वैवाहिक जीवन चांगले राहील.
मिथुन राशीवर बुध संक्रमणाचा प्रभाव: व्यवसायात भरघोस लाभ
बुधाचे हे संक्रमण मिथुन राशीसाठी शुभ फलदायक तसेच शुभ प्रभाव घेवून येणार आहे. हे संक्रमण तुमच्यासाठी खूप शुभ असणार आहे. व्यावसायिकदृष्ट्या तुम्हाला बरच फायदे मिळतील. विद्यार्थ्यांना शैक्षणिक क्षेत्रात चांगले परिणाम दिसतील आणि तुम्ही एकादी परीक्षा किंवा स्पर्धेसाठी जात असाल तर विजया तुमचाच आहे. या कालावधीत, एक चांगले नातेसंबध तुमच्या वाट्याला येऊ शकतात. एक गोष्ट आहे, ती म्हणजे तुम्हाला त्वचेच्या एलर्जीचा सामना करावा लागू शकतो, तेव्हा थोडे सावध राहा.
कर्क राशीवर बुध संक्रमणाचा प्रभाव: अनावश्यक खर्च होण्याची शक्यता
कर्क राशीच्या लोकांसाठी हे संक्रमण संमिश्र परिणाम घेवून येणार आहे. तुमच्याकडून अनावश्यत गोष्टींवर खर्च होणार आहेत. तुम्ही खर्च करताना खरंच ती वस्तू हवी का किंवा खरंच याची गरज आहे का याची खात्री करा आणि मगच खर्च करा. पैशाशी संबंधित व्यवहारांसाठी हे संक्रमण शुभ सिद्ध होईल. काही लोकांची वाईट वागणूक आणि नातेवाईकांशी वाद टाळा. हे संक्रमण व्यावसायिकांना चांगले परिणाम देणार आहे.
सिंह राशीवर बुध संक्रमणाचा प्रभाव : व्यवसायात प्रसिद्धी मिळेल
सिंह राशीच्या लोकांसाठी हे संक्रमण खूप फायदेशीर ठरेल. तुमची मेहनत आणि तुमचे उत्पन्न वाढेल. व्यवसायात प्रसिद्धी मिळेल. काही कामात तुम्ही थोडे गोंधळलेले असाल. अशा परिस्थितीत, तुमची कामे वेळेत पूर्ण करा म्हणजे तुम्हाला समाधान मिळेल. व्यवसायाशी संबंधित प्रवास होवू शकतो. हा काळ तुमच्या आरोग्यासाठी अनुकूल असणार आहे.
कन्या राशीवर बुध संक्रमणाचा प्रभाव : प्रोजेक्ट वेळेत पूर्ण होणार
कन्या राशीच्या लोकांसाठी बुधाचे हे संक्रमण खूप चांगले असणार आहे. या काळात तुम्हाला तुमच्या करिअरमध्ये उत्तम यश मिळेल आणि ज्या प्रोजेक्टवर तुम्ही काम करत आहात त्यात तुम्हाला नक्की यश मिळेल.या काळात तुम्हाला तुमच्या वडिलांचे सहकार्य मिळेल आणि तुमच्या अनेक इच्छा पूर्ण होतील. कुटुंबातील सदस्य आणि जोडीदारासोबत तुमचे संबंध चांगले राहतील. अध्यात्मिक कार्यामुळे तुमच्या जीवनात आर्थिक स्थिरता येईल तसेच तुमची धनसंपत्ती वाढणार आहे.
तूळ राशीवर बुध संक्रमणाचा प्रभाव: करिअरमध्ये नवीन संधी मिळणार
तूळ राशीच्या लोकांना या संक्रमणादरम्यान नशिबाची उत्तम साथ राहील. या काळात तुम्ही व्यवसायासाठी लांबच्या प्रवासाला जाऊ शकता आणि त्यात तुम्हाला फायदा होईल. तुमच्या करिअरमध्ये तुम्हाला अनेक नवीन संधी मिळतील. बुध गोचर दरम्यान, अविवाहित लोकांसाठी विवाहाची उत्तम शक्यता आहे. तुम्हाला तुमच्या कुटुंबाकडून कोणत्याही कामात पूर्ण सहकार्य मिळेल, एक गोष्ट लक्षात ठेवा तुमच्या आरोग्याची काळजी घ्या.
वृश्चिक राशीवर बुध संक्रमणाचा प्रभाव : आर्थिक नुकसान होण्याची शक्यता
वृश्चिक राशीसाठी बुधाचे संक्रमण फारसे शुभ नाही. हे संक्रमण तुमच्या नातेसंबंधांवर परिणाम करू शकते. आर्थिकदृष्ट्या, हा कालावधी तुम्हाला चुकीच्या मार्गाने पैसे कमावण्याच्या दिशेने नेईल. त्यामुळे तुमचे मोठे नुकसान होऊ शकते. हा काळ तुमच्या करिअरमध्ये प्रगती घडवून आणणारा आहे, ज्यामुळे तुमचे शत्रू तुमचा हेवा करतील. तुम्हाला तुमचे वैवाहिक जीवन आणि आरोग्याबाबत काळजी घ्यावी लागेल.
धनु राशीवर बुध संक्रमणाचा प्रभाव: भागिदारीत व्यवसाय करणाऱ्यांना उत्तम संधी
धनु राशीच्या लोकांसाठी, हे संक्रमण तुमच्या कामाच्या ठिकाणी उत्कृष्ट परिणाम देऊ शकते. या काळात एक गोष्ट लक्षात ठेवा की, तुमच्या कामाऐवजी तुमच्यासाठी कोणत्या गोष्टी सर्वात जास्त महत्त्वाच्या आहेत त्याकडे लक्ष केंद्रीत करा. भागीदारीत व्यवसाय करणाऱ्यांना चांगल्या संधी मिळतील आणि व्यवसाय वाढेल. नोकरीत आर्थिक लाभ होतील आणि तुम्ही समाधानी असाल. मान-सन्मानात वाढ तसेच नशिबाची उत्तम साथ मिळेल
मकर राशीवर बुध संक्रमणाचा प्रभाव: वादविवाद टाळा, संयम ठेवा
मकर राशीच्या लोकांसाठी हा काळ आव्हानांनी भरलेला असेल. कोणत्याही निरुपयोगी विषयावर वाद घालणे टाळा आणि संयम ठेवा. या काळात कर्ज घेणे टाळा, अन्यथा तुम्हाला भविष्यात समस्यांना सामोरे जावे लागू शकते. नोकरी बदलण्यासाठी वेळ अनुकूल नाही. प्रेमसंबंधांमध्ये गैरसमज होण्याची शक्यता आहे.
कुंभ राशीवर बुध संक्रमणाचा प्रभाव: करिअरमध्ये प्रगतीची होणार
कुंभ राशीच्या लोकांसाठी बुध संक्रमण खूप फायदेशीर सिद्ध होईल. घरगुती जीवनातसुख-शांती समाधान असेल. करिअरमध्ये प्रगतीची शक्यता आहे. हे संक्रमणही विद्यार्थ्यांसाठी अनुकूल ठरणार आहे. तुमच्या जोडीदारासोबत तुमचा वेळ चांगला जाईल. तुमच्या मुलांकडून तुम्हाला चांगली बातमी समजेल, मुलांच्या कामामुळे तुमचा सन्मान वाढेल. आरोग्याबाबत काळजी घ्या.
मीन राशीवर बुध संक्रमणाचा प्रभाव: नोकरदारांना मेहनतीचे फळ मिळणार
बुध संक्रमणादरम्यान तुम्हाला प्रेम संबंधांमध्ये काही आव्हानांना सामोरे जावे लागू शकते. जमीन, घर, वाहन खरेदीत लाभ होईल. या राशीचे लोक जे नोकरी करतात त्यांना त्यांच्या मेहनतीचे शुभ फळ नक्कीच मिळतील. कामाशी संबंधित प्रवासासाठी ही वेळ चांगली नाही, त्यामुळे त्याकडे दुर्लक्ष करणे चांगले.