Father’s Day 2024 Zodiac :
बाबा मला कळलेच नाही तुझ्या मनी वेदना, कसा मी राहू, बोल कुठे जाऊ ? हे गाणं ऐकली की, आपसुकच डोळ्यात पाणी दाटते. बाबा म्हणजे लेकीच्या आयुष्यातील सगळ्यात जवळ पान.
प्रत्येकाच्या आयुष्यातील बाबांचे योगदान आपल्याला शब्दात मांडता येत नाही. कधीच कोणाकडून अपेक्षा न करता, जबाबदारीचे ओझं उचलणारा, हक्काचा असा आधार तितकाच हळवा असणारा बाप. आई घराच मांगल्य असली तरी बाप घराच कायम अस्तित्व असतो. बाबांच्या याच अस्तित्वाचा मान राखून जून महिन्यातील तिसऱ्या रविवारी दरवर्षी फादर्स डे साजरा केला जातो.
फादर्स डे च्या निमित्ताने आपण आपल्या बाबांना गिफ्ट देण्याचा विचारही करतो. परंतु राशीनुसार आपण आपल्या बाबांना कोणते गिफ्ट द्यायला हवे जाणून घेऊया.
1. मेष
तुमच्या वडिलांची राशी मेष असेल तर याचा स्वामी मंगळ आहे. या राशीचे लोक फार व्यवहारीक असतात. यासाठी तुम्ही त्यांना लाल रंगाची भेटवस्तू देऊ शकता. यामध्ये तुम्ही पेन, लाल रंगाचा टी- शर्ट किंवा टाय गिफ्ट करु शकता.
2. वृषभ
वृषभ राशीचा स्वामी शुक्र असून हे लोक सहनशील आणि सौम्य स्वभावाचे असतात. तुमच्या वडिलांची राशी वृषभ असेल तर त्यांना पांढरा शर्ट गिफ्ट करु शकता.
3. मिथुन
मिथुन राशीचा स्वामी बुध आहे. या राशीचे लोक प्रेमळ आणि बहुमुखी असतात. जर तुमच्या वडिलांची रास मिथुन असेल तर त्यांना हिरव्या रंगाची भेटवस्तू देऊ शकता.
4. कर्क
कर्क राशीचा स्वामी चंद्र आहे. या राशीचे लोक कल्पनाशील असतात. जर तुमच्या वडिलांची रास कर्क असेल तर पांढऱ्या रंगाचे गिफ्ट वडिलांना देऊ शकता.
5. सिंह
सिंह राशीचा स्वामी सूर्य आहे. हे लोक बाहेरुन जितके तिक्ष्ण आणि हट्टी असतात तितकेच आतून उदार मनाचे आहे. जर तुमच्या वडिलांची रास सिंह असेल तर लाल आणि पिवळ्या रंगाची भेटवस्तू देऊ शकता.
6. कन्या
कन्या राशीचा स्वामी बुध ग्रह आहे. या राशीचे लोक मेहनती असतात. जर तुमच्या वडिलांची रास कन्या असेल तर त्यांना हिरव्या रंगाची भेटवस्तू देऊ शकता.
7. तुळ
तुळ राशीचा स्वामी शुक्र असून या राशीचे लोकांचे व्यक्तिमत्त्व अधिक आकर्षक असते. या लोकांना शक्य तितक्या लवकर लोकांमध्ये मिसळायला आवडते. त्यासाठी या व्यक्तींना तुम्ही पांढऱ्या वस्तू गिफ्ट देऊ शकता.
8. वृश्चिक
मेषप्रमाणे वृश्चिक राशीवर देखील मंगळाचे वर्चस्व अधिक असते. या लोकांना आयुष्य त्यांच्या मनानुसार जगायला आवडते. अशा परिस्थितीत जर तुमच्या वडिलांची रास वृश्चिक असेल तर लाल रंगाच्या वस्तू गिफ्ट कराल.
9. धनु
जर तुमच्या वडिलांची रास धनु असेल तर त्यांना पिवळा, हलका निळा, हलका हिरवा, गुलाबी, जांभळा रंगाच्या भेटवस्तू देऊ शकता.
10. मकर
मकर राशीचे लोक मेहनती आणि निष्ठावान असतात. त्यांचा शासक ग्रह हा शनि आहे. जर तुमच्या वडिलांची राशी मकर असेल तर तुम्ही त्यांना काळ्या रंगाच्या वस्तू भेटवस्तू म्हणून देऊ शकता.
11. कुंभ
तुमच्या वडिलांची रास कुंभ असेल तर त्यांच्यासाठी काळा, निळा, जांभळा आणि हिरवा रंग शुभ ठरु शकतो. त्या या रंगापैकी कोणतेही एक गिफ्ट द्या
12. मीन
मीन राशीचा स्वामी गुरु आहे. जर तुमच्या वडिलांची रास मीन असेल तर त्यांना पिवळ्या रंगाची भेटवस्तू देऊ शकता. यामुळे त्यांच्या भाग्यात वाढ होईल.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.