Mangalvarche Upay :
हिंदू पंचांगानुसार ज्येष्ठ महिन्यातील प्रत्येक मंगळवार अत्यंत शुभ मानला जातो. शास्त्रानुसार ज्येष्ठ महिन्याच्या मंगळवारी हनुमानाची पूजा केल्याने आपल्या अनेक इच्छा पूर्ण होतात.
एखाद्या व्यक्तीच्या जीवनात सतत समस्या येत असतील तर मंगळवारी काही खास उपाय केल्याने त्यापासून मुक्त मिळू शकते. तसेच त्या व्यक्तीचे जीवन अधिक सुखी बनू शकते. हनुमानाचा आशीर्वाद मिळवण्यासाठी मंगळवारी हनुमान चालीसाचे पठण करा.
1. मंगळवारी करा हे उपाय
1. जमीन, घर, संतती सुख आणि वैवाहिक जीवनातील अडथळे दूर करण्यासाठी या दिवशी विशेष उपाय केले जातात. लग्नात अडथळे येत असतील किंवा वय उलटून गेले आणि लग्न होत नसेल तर दर मंगळवारी विधीनुसार हनुमानाची पूजा करावी.
2. हनुमानाला विधीपूर्वक शेंदूर अर्पण करुन मंदिरात बसून सुंदरकांडचे पठण करा. इच्छित मनोकामना पूर्ण करण्यासाठी पाच मंगळवारी असे केल्याने वैवाहिक जीवनतील अडथळे दूर होतील.
3. पती-पत्नीच्या नात्यात कटूता येत असेल. नोकरी संबंधित काही समस्या येत असतील तर काही उपाय करुन पाहा. आर्थिक चणचण भासत असेल तर मंगळवारी हनुमानाच्या मंत्राचा २१ वेळा जप करा. ‘ओम हन हनुमते नमः’.
4. जर कामाच्या ठिकाणी अडचणी येत असतील किंवा कोणतेही काम पूर्ण होत नसेल तर मंगळवारी हनुमाच्या मंदिरात जाऊन शेंदूर अर्पण करा. तसेच तो शेंदूर कपाळाला लावा. अनेक रखडलेली कामे मार्गी लागतील.
5. घराच्या सुख- समृद्धीसाठी, तुमच्या कुटुंबाला प्रत्येक वाईट नजरेपासून वाचवण्यासाठी मातीच्या भांड्यात मध घेऊन झाकण लावावे. हे भांडे हनुमानाला अर्पण करावे.
6. जर तुमच्या जोडीदासासोबतचे नाते अधिक घट्ट करायचे असेल तर दगडावर पांढरे चंदन घासून त्यात थोडे केशर घालून पेस्ट करा. ही पेस्ट हनुमानाच्या चरणाजवळ लावून हा टिळा जोडीदाराच्या कपाळावर लावल्याने नाते बहरते.
7. कुटुंबात आनंद टिकवून ठेवायचा असेल तर मंगळवारी आंघोळ केल्यानंतर चमेलीचे फूल गोळा करुन त्या फुलांचा हार हनुमानाच्या मंदिरात अर्पण करा. आपल्या कुटुंबासाठी प्रार्थना करा.
टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.