iPhone 17 सीरिज मध्ये नवीन ‘Slim’ मॉडेल लाँच केला जाऊ शकतो, जो प्लस व्हेरिएंटची जागा घेईल. आगामी iPhone 17 Slim मध्ये थीन डिजाइन दिली जाऊ शकते कारण कंपनी सध्या पातळ फोनवर काम करत असल्याच्या बातम्या येत आहेत. हा ट्रेंड अलीकडेच आलेल्या iPad Pro पासून सुरु झाला आहे, असं म्हणता येईल जो कंपनीचा आतापर्यंतचा सर्वात पातळ प्रोडक्ट होता. आणि आता असं वाटतंय की अ‍ॅप्पल हा अल्ट्रा स्लिम प्रोडक्ट्सचा ट्रेंड सुरु ठेवेल.
अ‍ॅप्पल आपल्या iPhone 17 सीरिजमध्ये एका स्लिम फोनचा समावेश करणार आहे अशी माहिती मार्क गर्मन यांनी दिली आहे. हा फोन आयफोन 17 च्या लाँचच्या वेळी म्हणजे 2025 मध्ये बाजारात येईल, एवढीच या आगामी अल्ट्रा स्लिम आयफोन बद्दल माहिती मिळाली आहे.
तसेच कंपनीचा स्लिम प्रोडक्ट्स लाँच करण्याची योजना MacBook Pro आणि Watch पर्यंत पोहचू शकते. त्यामुळे लवकरच आपल्याला बाजारात पातळ अ‍ॅप्पल डिवाइस पाहायला मिळू शकतात. म्हणजे काही दिवसांपूर्वी बाजारात आलेला iPad Pro पासून वजनाने हलक्या प्रोडक्ट्सची सुरुवात झाली असं म्हणता येईल.
आतापर्यंत बाजारात आलेल्या मॉडेल्स पैकी iPhone 6 आतापर्यंतचा सर्वात स्लिम आयफोन आहे, ज्याची जाडी फक्त 6.9mm आणि हा 2014 मध्ये लाँच झाला होता. आता 5G मुळे बॅटरीची गरज वाढली आहे, त्यामुळे बॅटरी बॅकअप सांभाळत कंपनी कशाप्रकारे अल्ट्रा स्लिम आयफोन लाँच करते ते पाहावं लागेल.
जास्त माहिती उपलब्ध झाली नसली तरी iPhone 17 Slim सर्वात पातळ आणि हलका आयफोन असल्याची बातमी याआधी देखील आली होती. यंदा मे महिन्यात आलेल्या बातमीनुसार कंपनी आयफोन 17 सीरिजमध्ये iPhone 17, iPhone 17 Slim, iPhone 17 Pro आणि iPhone 17 Pro Max मॉडेल्स लाँच केले होते. The iPhone 17 Slim मध्ये स्लिम डिजाइन मिळेल आणि हा प्लस व्हेरिएंटची जागा घेईल. यात जास्त गुंतागुंतीची अल्युमिनियम डिजाइन दिली जाऊ शकते. जरी आगामी iPhone 17 Slim ने प्लस मॉडेलची जागा घेतली तरी यात मोठा डिस्प्ले मिळेल, या फोनमध्ये 6.6 इंचाची स्क्रीन मिळू शकते.