ऑनलाईन फसवणुकींच्या घटनांमध्ये बऱ्याचदा लोक बँकेचे प्रतिनिधी म्हणून बोलतात आणि नंतर तुमच्याकडून आवश्यक माहिती काढून घेत तुमचे बँक खाते रिकामे करतात. हे टाळण्यासाठी सरकार नवीन मोबाईल नंबर सीरीजआणत आहे. ही मोबाईल क्रमांकाची सीरीज 160 पासून सुरू होईल. याचा अर्थ युजर्स हे ओळखू शकतील की जर 160 ने सुरू होणाऱ्या मोबाईल नंबरवरून कॉल आला तर तो बँकिंग किंवा आर्थिक व्यवहाराशी संबंधित असेल. याशिवाय कोणत्याही नंबरवरून येणारे फसवणूक कॉल ओळखता येतात.
त्यांना नवीन मोबाईल क्रमांक दिले जातील
ट्रायच्या अहवालानुसार, सरकार विशेषतः बँक किंवा आर्थिक व्यवहारांसाठी 160 पासून क्रमांक आणण्याची तयारी करत आहे. ट्रायच्या म्हणण्यानुसार, सर्व 160 पासून सुरु होणाऱ्या मोबाईल क्रमांकांची मालिका रिझर्व्ह बँक ऑफ इंडिया, सिक्युरिटीज आणि एक्सचेंज बोर्ड ऑफ इंडिया तसेच विमा आणि पेन्शन संबंधित संस्थांसाठी आणली जाईल. यानंतर, 160 क्रमांकाची सीरीज टप्प्याटप्प्याने इतर बँकिंग व्यवहारांसाठी आणली जाईल.
140 क्रमांकाची सीरीज
यापूर्वी 140 पासून सुरू होणाऱ्या मोबाईल क्रमांकांची मालिका जारी केल्याच्या बातम्या आल्या होत्या. प्रमोशनल कॉल्स आणि व्हॉईस मेसेजसाठी ही मोबाईल नंबर सीरीज आणली जाऊ शकते असा विश्वास होता.
काय होईल फायदा
या मोबाईल नंबर सीरीजच्या रोलआउटनंतर, सामान्य युजर्सना सामान्य कॉल आणि प्रमोशनल आणि बँकिंग कॉलमधील फरक समजू शकेल. त्यामुळे बँकिंग फसवणुकीसारख्या घटना रोखण्यास मदत होणार आहे. याशिवाय, इंटरनॅशनल स्पॅम फोन कॉल्सच्या घटनांमध्येही घट होण्याची अपेक्षा आहे.
डिऍक्टिव्हेट सिमकार्डवरही काम
ट्राय न वापरलेले सिम वापरण्याच्या योजनेवरही काम करत आहे. उदाहरणार्थ, जर तुम्ही दोन किंवा अधिक सिम जारी केले असतील आणि ते सिम दीर्घकाळ वापरत नसाल, तर अशा सिमला ब्लॅक लिस्टमध्ये टाकण्याची तयारी आहे, जेणेकरून तो सिम क्रमांक दुसऱ्याला दिला जाऊ शकतो. ट्रायच्या आकडेवारीनुसार, भारतात डिऍक्टिव्हेट सिमची संख्या खूप जास्त आहे. सध्या, 219.14 दशलक्षाहून अधिक मोबाइल क्रमांक डिऍक्टिव्हेट मोडमध्ये आहेत, असे मोबाइल नंबर सिस्टमच्या अभावामुळे सरकारवर दबाव वाढवत आहे. एकूण मोबाईल क्रमांकांपैकी हे प्रमाण सुमारे 19 टक्के आहे.