चार वर्षांपूर्वी, महामारीच्या काळात, घरून काम करण्याचा ट्रेंड सुरू झाला, जो अजूनही अनेक कंपन्यांमध्ये सुरू आहे. आता बहुतेक कंपन्यांनी घरून काम करण्याची सुविधा बंद केली आहे पण काही कंपन्या अजूनही ही सुविधा देत आहेत. लोकांना घरून काम करणे अनेक अर्थाने सोयीचे आहे, परंतु बरेच लोक याचा गैरफायदा घेत माऊस जिगलर तंत्रज्ञानाचा वापर करून कंपनीला फसवत होते. हे माऊस जिगलर म्हणजे नक्की काय ते समजून घेऊया
काय आहे Mouse Jiggler
ब्लूमबर्गच्या रिपोर्टनुसार, वेल्स फार्गो नावाच्या कंपनीने डझनभर कर्मचाऱ्यांना कामावरून काढले आहे. या सर्व कर्मचाऱ्यांनी Mouse Jiggler सॉफ्टवेअरचा वापर केल्याचे कंपनीचे म्हणणे आहे. माऊस जिग्लरला माऊसची हालचाल असेही म्हणतात. हे एक सॉफ्टवेअर आहे जे संगणकाला स्लीप मोडमध्ये जाण्यापासून प्रतिबंधित करते आणि ॲक्टिव्ह राखते.
कर्मचाऱ्यांनी घेतला गैरफायदा
घरून काम करणारे कर्मचारी हे सॉफ्टवेअर वापरत होते आणि त्यावेळी वास्तवात ते त्यांच्या खुर्चीवरून गायब झालेले किंवा झोपलेले आढळले.हे सॉफ्टवेअर वापरल्याने काम होत नसतांनाही कॉम्प्युटरवर ॲक्टिव्हिटी होते, त्यामुळे कंपनीचे स्क्रीन टाइम रीडर सॉफ्टवेअर कर्मचारी ॲक्टिव्ह असल्याचे दाखविते. वास्तविक माउस जिगलर हे बनावट कीबोर्ड ॲक्टिव्हिटी सॉफ्टवेअर आहे.
स्क्रीन टाइम रीडर
अनेक कंपन्या स्क्रीन टाइम रीडर वापरतात. कॉम्प्युटरवर काम केले जात आहे की नाही हे यावरून दिसून येते.
युएसमधील बँकेने खोट्या कामासाठी अनेक कर्मचाऱ्यांना कामावरून काढले
ब्लूमबर्गच्या अहवालानुसार, वेल्स फार्गो अँड कंपनीने अलीकडेच त्याच्या वेल्थ अँड इन्व्हेस्टमेंट मॅनेजमेंट सेक्शनमधील डझनहून अधिक कर्मचाऱ्यांना काढून टाकले आहे. ब्लूमबर्ग मधील अहवालानुसार, कीबोर्ड सिम्युलेशन वापरून कर्मचाऱ्यांनी त्यांच्या कामाच्या बनावट ॲक्टिव्हिटी दाखवल्याचे आढळल्यानंतर गेल्या महिन्यात हे टर्मिनेशन करण्यात आले.
वेल्स फार्गोनेही केली कर्मचाऱ्यांना बोलावण्यास सुरवात
महामारीच्या काळात वर्क फ्रॉम होम लोकप्रिय झाले आणि बऱ्याच कंपन्या रिमोट कामाकडे वळल्या.अलीकडे, बँकांसह अनेक यूएस वित्तीय कंपन्यांनी त्यांच्या कर्मचाऱ्यांना कार्यालयात परत येण्याची विनंती करण्यास सुरुवात केली आहे. वेल्स फार्गोने मात्र हा बदल अंमलात आणण्यासाठी त्याच्या काही प्रतिस्पर्ध्यांपेक्षा जास्त वेळ घेतला. 2022 च्या सुरुवातीस, वेल्स फार्गोने कर्मचाऱ्यांना “हायब्रिड ” अंतर्गत परत येण्यास सांगितले.बँकेने आता हळूहळू कर्मचारी आठवड्यातून किमान तीन दिवस कार्यालयात असणे आवश्यक असल्याचे सांगितले आहे.