Vivo Y58 5G: 6000mAh ची बॅटरी आणि 16GB रॅम असलेला स्वस्त 5G फोन लाँच; किंमत 20 हजारांच्या आत

विवोनं आपल्या बजेट फ्रेंडली वाय सीरिजचा विस्तार करत भारतात Vivo Y58 5G लाँच केला आहे. Vivo Y58 एक मिड-रेंज स्मार्टफोन आहे ज्यात एक प्रीमियम वॉच सारखी डिजाइन देण्यात आली आहे. विवोचा दावा आहे की फोनमध्ये इंडस्ट्रीमधील सर्वात ब्राइट सनलाइट डिस्प्ले यात देण्यात आला आहे. तसेच, फोनमध्ये 6000mAh ची बॅटरी, 8GB RAM आणि 50 MP चा मुख्य कॅमेरा आहे. या फोनची किंमत 20,000 रुपयांपेक्षा कमी ठेवण्यात आली आहे.

Vivo Y58 5Gची किंमत

Vivo Y58 5G चा एकच मॉडेल भारतीय बाजारात आला आहे, ज्यात 8GB रॅमसह 128GB इंटरनल स्टोरेज देण्यात आली आहे. या फोनची किंमत 19,499 रुपये ठेवण्यात आली आहे. हा फोन विवो ईस्टोरवर खरेदीसाठी उपलब्ध आहे. कंपनीनं Sundarbans Green आणि Himalayan Blue असे दोन कलर ऑप्शन सादर केले आहेत.
लाँच होताच 3 हजारांचा डिस्काउंट; दोन सेल्फी कॅमेरे असलेल्या Xiaomi 14 Civi चा पहिला सेल आज

Vivo Y58 5G चे स्पेसिफिकेशन

Vivo Y58 5G मध्ये एक क्लासिक सनबर्स्ट पॅटर्नसह एक गोल कॅमेरा मॉड्यूल आहे, जो एखाद्या प्रीमियम स्मार्टवॉच सारखा दिसतो. स्मार्टफोन IP64 रेटिंगसह येतो, ज्यामुळे धूळ आणि पाण्यासपुन सुरक्षित राहतो. फोनमध्ये 6.72 इंचाचा एलसीडी डिस्प्ले देण्यात आला आहे. जो फुल एचडी प्लस (2408×1080 पिक्सल) रिजॉल्यूशन, 120Hz रिफ्रेश रेट आणि 1024 निट्स HBM ब्राइटनेससह येतो. फोनमध्ये TUV Rheinland लो ब्लू लाइट सर्टिफिकेशन आहे.

फोन क्वॉलकॉम स्नॅपड्रॅगन 4 जेन 2 प्रोसेसर देण्यात आला आहे, तर ग्राफिक्ससाठी एड्रेनो 613 जीपीयू आहे. त्याचबरोबर 8GB LPDDR4X रॅम आणि 128GB UFS 2.2 स्टोरेज देण्यात आली आहे. तर 8GB व्हर्च्युअल रॅमच्या मदतीनं रॅम आणि मायक्रो एसडी कार्डच्या मदतीनं स्टोरेज वाढवता येते. फोन फनटचओएस 14 वर चालतो, जो अँड्रॉइड 14 वर आधारित आहे.

फोटोग्राफीसाठी, फोनमध्ये 50 मेगापिक्सलचा एआय पोर्ट्रेट कॅमेरा आणि 2 मेगापिक्सेलची बोकेह लेन्स आहे, त्याचबरोबर स्मार्ट डायनॅमिक लाइट देखील आहेत. सेल्फीसाठी फोनमध्ये 8 मेगापिक्सेलचा सेन्सर मिळतो. फोनमध्ये 44W FlashCharge फास्ट चार्जिंग सपोर्ट आणि यूएसबी टाइप-सी चार्जिंग पोर्टसह 6000mAh ची बॅटरी आहे.

फोनमध्ये ड्युअल सिम, 5G, ड्युअल बँड वायफाय, ब्लूटूथ 5.0, जीपीएस, ग्लोनास, गॅलीलियो, बेईदोउ सारख्या फीचर्सचा सपोर्ट देखील मिळतो. फोनचे वजन 199 ग्राम आहे आणि याचे डायमेंशन 165.70×76× ~8 एमएम आहेत. त्याचबरोबर साइड माउंटेड फिंगरप्रिंट सेन्सर, स्टीरियो स्पिकर्स, 300% ऑडियो बूस्टर आणि 3.5 एमएम ऑडियो जॅक सारखे फीचर्स मिळतात.