डिजाइन आणि डिस्प्ले
Edge 50 Fusion मध्ये टेक्स्चरड व्हीगन लेदर बॅक पॅनल मिळतो जो प्रीमियम वाटतो आणि फील होतो. यातील कॅमेरा मोड्यूल देखील कंपनीनं चांगल्या प्रकारे बॉडीमधेच सामावून घेतला आहे. हा या प्राइस सेगमेंटमधील एक स्लिम आणि हलका स्मार्टफोन आहे, ज्याची जाडी फक्त 7.8mm असून वजन 175 ग्राम आहे. त्यामुळे हा फोन एका हाताने सहज हाताळत येतो. बटन्स देखील योग्य ठिकाणी आहेत. फोनच्या बॉटमला USB Type-C, सिम कार्ड स्लॉट आणि स्पीकर ग्रील आहे.
Edge 50 Fusion मध्ये 6.7 इंचाचा फुलएचडी+ (2,400 x 1,080 पिक्सल) एन्डलेस एज 10-बिट P-OLED कर्व्ह डिस्प्ले देण्यात आला आहे, जो 144Hz हर्ट्झ रिफ्रेश रेटला सपोर्ट करतो. कर्व्ह डिस्प्लेमुळे आपण जे पाहतोय त्यात बेजल्सचं डिस्ट्रॅक्शन येत नाही. पण गेम खेळताना काही अ‍ॅक्सिडेंटल टच पाहायला मिळाले.
यावर व्हिडीओ पाहण्याचा अनुभव चांगला होता. यात P-OLED पॅनलची जादू पाहायला मिळाली, कलर्स देखील पंची दिसतात. यातील 1600 nits पीक ब्राइटनेस उन्हात देखील यावरील कंटेंट पाहू देते. 144Hz रिफ्रेश रेटमुळे गेमिंगचा मनमुराद आनंद लुटता येतो आणि फ्रेम रेट जास्त ड्रॉप होत नाही. कंपनीनं खास गेमिंग मोड देखील दिला आहे.
कॅमेरा
Edge 50 Fusion मध्ये 50MP Sony Lytia 700C मुख्य कॅमेरा आहे. जो ऑप्टिकल इमेज स्टॅबिलायजेशनला सपोर्ट करतो. सोबत 13MP चा अल्ट्राव्हाइड कॅमेरा आहे जो 120 डिग्री फिल्ड ऑफ व्हू देतो. तर फ्रंटला 32MP चा सेल्फी कॅमेरा आहे. चला पाहूया कॅमेऱ्यात काय नवीन आहे.
कॅमेरा अ‍ॅपमध्ये स्लो मोशन व्हिडीओ, व्हिडीओ, पोर्ट्रेट, प्रो आणि स्कॅन ऑप्शन होम स्क्रीनवर मिळतात. तर मोर ऑप्शनमध्ये स्पॉट कलर (फोटो आणि व्हिडीओ), नाइट व्हिजन, पॅनोरोमा, अल्ट्रा रेज, ड्युअल कॅप्चर (फोटो आणि व्हिडीओ), फोटो बूथ, टिल्ट शिफ्ट आणि टाइम लॅप्स असे ऑप्शन मिळतात.
कॅमेरा परफॉर्मन्स पाहता, मेन कॅमेरा खूप चांगले फोटो घेतो. हा फोन कलर बूस्ट करतो, हे लगेचच लक्षात येतं. त्यामुळे आकाश जास्त निळं दिसतं, गवत जास्त हिरवं तर त्वचा देखील थोडी गोरी वाटते. मुख्य कॅमेरा चांगले डिटेल कॅप्चर करतो. पोर्टेट मोड देखील एज चांगल्या प्रकारे डिटेक्ट करतो. नाइट व्हिजनची परफॉर्मन्स देखील चांगली आहे. एक गोष्ट नोटीस केली ती म्हणजे या कॅमेरा अ‍ॅप मध्ये दिसणारा प्रिव्हू आणि फोटो यात खूप फरक आहे. फोनचा 32MP चा फ्रंट फेसिंग कॅमेरा देखील डिसेंट फोटो घेतो.
परफॉर्मन्स
Edge 50 Fusion मध्ये Snapdragon 7s Gen 2 चिपसेटचा वापर करण्यात आला आहे. त्यामूळे दैनंदिन अ‍ॅप्स यावर बिनदिक्कत वापरता येतात. परंतु यापेक्षा चांगला प्रोसेसर असलेले फोन्स या रेंजमध्ये आहेत हे विसरता काम नये. तरीही हा फोन चांगल्या प्रकारे वर्कलोड हाताळतो. युआय अ‍ॅनिमेशन किंवा अ‍ॅप्स लाँच करताना कोणताही लॅग जाणवला नाही. मोठे गेम देखील फ्रेम ड्रॉपविना खेळता आले.
Motorola Edge 50 Fusion मध्ये अँड्रॉइड 14 आधारित Hello UI आहे. यात काही प्री इंस्टाल अ‍ॅप आहेत पण ते हटवता येतात. मोटोरोलाच्या सिग्नेचर जेस्चर्सचा सपोर्ट यात मिळतो तसेच ThinkShield ची सिक्योरिटी देखील आहे. यातील स्मार्ट कनेक्ट फिचरच्या मदतीनं तुम्ही पीसीवर फोनचा डिस्प्ले मिरर करू शकता किंवा वर्चुअल स्क्रीन बनवू शकता. त्यामुळे फोनचा कॅमेरा वेबकॅम म्हणून वापरता येतो. तुम्ही विंडोज पीसी किंवा लॅपटॉपवरून फोनमधील अ‍ॅप देखील लाँच करू शकता, कॉल्स घेऊ शकता, मेसेज पाहू शकता तसेच फाइल देखील ट्रान्स्फर करू शकता.
तर Moto Connect फिचरमध्ये स्मार्टफोन एक्सटर्नल डिस्प्लेला जोडून लॅपटॉप प्रमाणे वापरू शकता. कंपनी या फोनवर तीन मोठे अँड्रॉइड अपडेट आणि चार वर्ष सिक्योरिटी अपडेट देणार आहे. त्यामुळे हा बराच काळ अप-टू-डेट राहणार आहे.
बॅटरी आणि चार्जिंग स्पीड
Edge 50 Fusion मध्ये 5,000mAh ची बॅटरी मिळते, सोबत 68W टर्बो पावर फास्ट चार्जिंगचा सपोर्ट मिळतो. हँडसेट 20 टक्क्यांपासून 100 टक्क्यांपर्यंत चार्ज होण्यास 55 ते 60 मिनिटे घेतो. पण चार्ज बूस्ट ऑन केल्यास हे वेळ 35 ते 40 मिनिटे होते. 5-6 तासांचा स्क्रीन ऑन टाइम देतो. त्यामुळे रोजच्या वापरासाठी हा एक दिवसभर नक्की टिकू शकतो.
निष्कर्ष
जर तुम्हाला एक स्टायलिश, हलका, सुंदर डिस्प्ले, डिसेंट परफॉर्मन्स आणि चांगला कॅमेरा सेटअप हवा असेल तर तुम्ही Motorola Edge 50 Fusion चा विचार करू शकता. या प्राइस रेंजमध्ये चांगला फक्त गेमिंग फोन किंवा चांगला बॅटरी बॅकअप किंवा चांगला कॅमेरा असलेले फोन आहेत पण मोटोरोलाचा हा मॉडेल सर्व गोष्टी थोड्या थोड्या प्रमाणात देऊन एक अष्टपैलू कामगिरी करतो.