व्हॉट्सअ‍ॅपच्या माध्यमातून आपण दूर असलेल्या आपल्या माणसांशी संपर्क साधू शकतो. मात्र, अनेकदा हेच अ‍ॅप आपल्या जवळच्या व्यक्तींना आपल्यापासून दूर देखील करते. जर तुम्हाला असे वाटत असेल की तुमचा पार्टनर तुम्हाला वेळ देण्याऐवजी सध्या जास्त वेळ व्हॉट्सअ‍ॅपवर घालवत आहे, तर हा लेख तुमच्यासाठीच आहे. आज आम्ही तुम्हाला एक अशी सोपी ट्रिक सांगणार आहोत, ज्याच्या मदतीने तुम्ही हे जाणून घेऊ शकता की तुमचा पार्टनर व्हॉट्सअ‍ॅपवर कोणाशी सर्वाधिक चॅट करतोय. यासाठी तुम्हाला कोणत्याही थर्ड पार्टी अ‍ॅपची गरज नाही. तुम्ही थेट व्हॉट्सअ‍ॅपच्या सेटिंग्जमध्ये जाऊन हे पाहू शकता. चला जाणून घेऊ या कसे –
तुमचा पार्टनर व्हॉट्सअ‍ॅपवर कोणाशी करतोय सर्वाधिक चॅट? असे चेक करा
- सर्वप्रथम तुमच्या पार्टनरच्या स्मार्टफोनमध्ये व्हॉट्सअ‍ॅप ओपन करा.
- त्यानंतर वरच्या डाव्या कोपऱ्यात असलेल्या तीन डॉट आयकॉनवर क्लिक करा.
- इथे तुम्हाला काही पर्याय दिसतील. तुम्हाला Settings या पर्यायावर टॅप करायचे आहे.
- सेटिंग्जमध्ये स्क्रोल करून Data and storage usage या पर्यायावर जा.
- इथे तुम्हाला तुमच्या पार्टनरने सर्वाधिक चॅट केलेल्या कॉन्टॅक्ट्सची लिस्ट दिसेल. या लिस्टमध्ये टॉपवर तो कॉन्टॅक्ट असेल, ज्याच्याशी सर्वाधिक चॅटिंग झाली आहे.
तुमचा पार्टनर ज्या कॉन्टॅक्ट्ससोबत सर्वाधिक चॅटिंग करतो आणि ज्याच्यासोबत फोटो आणि व्हिडिओ शेअर करतो, ती चॅट सर्वाधिक व्हॉट्सअ‍ॅप स्टोरेज घेते. अशा परिस्थितीत, जी चॅट सर्वाधिक स्टोरेज घेते, त्यावरून तुम्हाला समजेल की त्या नंबरसोबत सर्वाधिक मेसेजेस आणि मीडिया शेअरिंग केली जाते.