पोलिसांना तपासातच अंगणातून मुलीचा मृतदेह सापडून आला. फरवीना असं या मुलीचं नाव होतं. याप्रकरणी पोलिसांनी आई-मुलाची चौकशी सुरु केली आहे. वर्षभरापूर्वी ही मुलगी एका मुलासोबत पळून गेली होती, अशी माहिती आहे.
सौदी अरब येथून आलेल्या इमेलने गूढ उलगडलं
सौदी अरब येथून पोलिसांना एक इमेल आला होता. हा मेल या मुलीच्या पित्याचा होता, जो अरबमध्ये ट्रक चालतो. त्यांनी पोलिस आयुक्तांना पाठवलेल्या मेलमध्ये लिहिलं की, त्याला त्याच्या मुलीशी बोलायचं आहे. त्याने आपल्या पत्नीकडे अनेकदा मुलीशी बोलायचं असल्याचं सांगितलं, पण ती कधीही मला तिच्याशी बोलू देत नाही. त्यामुळे मुलीसोबत काहीतरी चुकीचं घडलं आहे, असा संशय त्याला होता. त्यामुळे पोलिसांनी याप्रकणाचा तपास करावा अशी विनंती त्याने केली होती.
त्यानंतर पोलिस त्या व्यक्तीच्या घरी पोहोचले. त्याच्या पत्नी आणि मुलाची चौकशी केली. जेव्हा दोघांची कठोर चौकशी करण्यात आली तेव्हा पत्नी हनिफा बेगम आणि मुलगा निज्जाने सांगितलं की मुलगी गावातील नासिर नावाच्या मुलासोबत पळून गेली होती. काही दिवसांनी ती परत आली. मग तिने गळफास घेत आत्महत्या केली.
बदनामीच्या भीतीने त्यांनी मुलीचा मृतदेह घराच्या अंगणातच पुरला. पोलिसांनी तात्काळ मृतदेह बाहेर काढला. सध्या पोलिस तिच्या शवविच्छेदन अहवालाची वाट पाहत आहेत. तिच्या आई आणि भावानेच तिची हत्या करुन तिला पुरल्याचा संशय आहे. पण, शवविच्छेदन अहवाल आल्यानंतरच तिच्या मृत्यूचं खरं कारण समोर येणार आहे.