सीएनएनच्या रिपोर्टनुसार, ग्रीक आयलंड क्रेट येथे पुरातत्व शास्त्रज्ञांना एक आकृती सापडली आहे. त्यामुळे येथे तयार होत असलेल्या विमानतळाचं काम थांबवण्यात येऊ शकतं. न्यूज एजन्सी एसोशिएटेड प्रेसनुसार ही आकृती मिनोअन संस्कृतीशी संबंधित असू शकते, ज्याचा वापर २००० ते १७०० इसवीसन पूर्व केला जात होता. त्याचदरम्यान क्रेट के मॉन्युमेंटल पॅलेसही तयार करण्यात आला होता.
आकृतीचं रहस्य उलगडेना
पण, मिनोअन संस्कृतीशी संबंधित असलेल्या आधीही सापडलेल्या आकृतींप्रमाणे या आकृतीचंही काय काम आहे, याचं रहस्या पुरातत्व शास्त्रज्ञ अद्याप सोडवू शकलेले नाहीत. वरुन बघितलं तर ही आकृती कारच्या मोठ्या चाकासारखा दिसतो. १९ स्क्वेअर फूटमध्ये ही आकृती पसरलेली आहे. ग्रीक मिनिस्ट्री ऑफ कल्चरनुसार, या आकृतीचा व्यास १५७ फूट आहे. त्याची बनावट आणि विशेषता या मिनोअनच्या थगड्यांसारखी आहे. या ठिकाणाजवळ प्राचीन काळातील प्राण्यांच्या हाडांचे अवशेषही सापडून आले आहेत.
या ठिकाणी त्या काळी अनेकप्रकारचे अनुष्ठान कार्यक्रम होत असतील. आता पुरातत्व शास्त्रज्ञ या ठिकाणी तपास करणार आहेत. त्यामुळे येथे तयारक होणारे विमानतळाचे काम थांबवले जाऊ शकते. पापुरा हिल येथे असलेल्या या आकृतीच्या जागी क्रेटच्या आंतराष्ट्रीय विमानतळाचं रडार स्टेशन तयार होणार होतं.
२०२७ पर्यंत हे विमानतळ तयार होणार होतं. हे विमानतळावरुन वर्षाला १.८ कोटी लोक प्रवास करतील असं सांगण्यात येत आहे. मात्र, आता या ठिकाणी ही प्राचीन आकृती सापडल्याने ग्रीक सरकार आता रडार स्टेशन बनवण्यासाठी नवीन जागा शोधणार आहे.