वैदिक ज्योतिषनुसार मंगळ ग्रह १२ जुलैला वृषभ राशीत गोचर करणार आहे. मंगळ हा ऊर्जेचा ग्रह मानला जातो. मंगळ हा भूमी, धैर्य आणि शौर्याचा कारक आहे. वृषभ राशीमध्ये गुरु स्थित आहे. त्यामुळे वृषभ राशीमध्ये मंगळ आणि गुरुचा संयोग होईल. मंगळ वृषभ राशीत पुढील ४६ दिवस राहणार आहे.
मंगळ वृषभ राशीतून २६ ऑगस्टला मिथुन राशीत प्रवेश करेल. वृषभ राशीतील मंगळाचे संक्रमण मेष ते मीन १२ राशींवर परिणाम करेल. १२ जुलैपासून पुढील ४६ दिवस ५ राशींसाठी हे संक्रमण त्रासदायक ठरेल. जाणून घेऊया मंगळाचे संक्रमण कोणत्या राशींसाठी अशुभ ठरेल.
मिथुन राशी – आर्थिक खर्च वाढेल
मंगळ मिथुन राशीत बाराव्या घरात प्रवेश करणार आहे. त्यामुळे मिथुन राशीच्या लोकांनी आरोग्याची काळजी घ्यावी. मोठी समस्या उद्भवू शकते. तुम्ही परदेशात जाण्याची तयारी करत असाल तर त्यासाठी अधिक प्रयत्न करावे लागतील. हे संक्रमण तुमच्यासाठी संमिश्र असणार आहे. तुमच्या समस्येवर उपाय शोधण्यासाठी तुम्हाला अधिक कष्ट करावे लागतील. खर्चात वाढ होईल. नोकदार लोकांना कामामुळे थकवा आणि तणावाचा सामना करावा लागू शकतो. काम आणि कौटुंबिक जीवन यांचे संतुलन राखा. जोडीदारासोबत भांडण टाळा
कर्क राशी – आरोग्याची काळजी घ्या
कर्क राशीत मंगळ ११ व्या घरात प्रवेश करणार आहे. या काळाच तुमच्या अनेक इच्छा अपूर्ण राहातील. समाजातील तुमच्या प्रतिमेवर परिणाम होऊ शकतो. करिअरमधील प्रगती काही काळ थांबू शकते. मोठ्या भांवडांशी तुमचे संबंध बिघडतील. आरोग्याशी संबंधित समस्यांचा सामना करावा लागू शकतो. अनावश्यक कामामुळे तणावाचा सामना करावा लागेल. अधिक तणाव घेऊ नका, आरोग्यावर परिणाम होईल.
वृश्चिक राशी – वैवाहिक नात्यावर परिणाम होईल
मंगळ वृश्चिक राशीत सातव्या घरात प्रवेश करणार आहे. या काळात तुमच्या वैवाहिक नात्यावर परिणाम होईल. जोडीदारासोबतचे नाते अधिक दृढ करण्याचा प्रयत्न कराल. या काळात तुम्ही स्वत:वर नियंत्रण ठेवू शकणार नाही. पार्टनरशीपमध्ये अनेक समस्या उद्भवतील. कामात अनेक अडचणींचा सामना करावा लागेल.
कुंभ राशी – कामावर परिणाम होईल.
कुंभ राशीत मंगळ ग्रह चौथ्या घरात विराजमान होणार आहे. आईच्या आरोग्याची काळजी घ्या, अनेक समस्या उद्भवतील. तुमचे पैसे अधिक खर्च होण्याची शक्यता आहे. या काळात तुम्हाला वाहनावर पैसे खर्च करावे लागतील. तसेच अधिक धावळपण होण्याची शक्यता आहे. कामात तांत्रिक अडचणी आल्याने तुम्हाला समस्यांचा सामना करावा लागेल. कामावर परिणाम होऊ शकतो. आर्थिक समस्यांना उद्भवतील.
मीन राशी – उत्पन्नाच्या संबंधित समस्या येतील
मीन राशीत मंगळ ग्रहाचे तिसऱ्या स्थानात संक्रमण होणार आहे. या काळात मीन राशीच्या लोकांना गुंतागुंतीचा सामना करावा लागू शकतो. उत्पन्नाशी संबंधित समस्यांना सामोरे जावे लागेल. लहान भावंडांमुळे काही समस्या येतील. प्रवासात तुम्हाला त्रास होईल. वाहनाच्या समस्यांमुळे पैसे खर्च होण्याची शक्यता आहे.