पोर्टेबल डिव्हाइस
स्टारलिंक मिनी लॅपटॉपच्या आकाराचे एक डिव्हाइस आहे, जी कोणत्याही बॅकपॅकमध्ये ठेवता येते. हे डिव्हाइस थेट सॅटेलाइटशी कनेक्ट होते. याला सॅटेलाइट इंटरनेट रिसीव्हर म्हणता येईल. हे डिव्हाइस कुठेही बॅगेत सहज घालून नेता येते, कारण ते पोर्टेबल आहे आणि प्रत्येक ठिकाणी हायस्पीड इंटरनेट ऑफर करते. हे स्टारलिंक अँटिनाचे कॉम्पॅक्ट वर्जन आहे.
हायस्पीड इंटरनेट मिळेल
स्टारलिंक मिनी पोर्टेबल किटद्वारे लो-लेटेंसीवर हायस्पीड इंटरनेट मिळेल. कंपनीने सध्या स्टारलिंक अँटिनाला मर्यादित संख्येत विक्रीसाठी बाजारात आणले आहे. त्यामुळे हे डिव्हाइस सध्या सर्वांना खरेदीसाठी उपलब्ध होणार नाही. त्यामुळे युजर्सना थोडा वेळ थांबावे लागू शकते.
किंमत किती आहे?
याची किंमत 599 डॉलर्स आहे. स्टारलिंक मिनीचा मासिक रिचार्ज सुमारे 150 डॉलर असेल. याला बंडल ऑफरसोबत 30 डॉलर अतिरिक्त चार्जसह उपलब्ध करण्यात येईल. तसेच रेसिडेन्शियल सर्विससाठी 120 डॉलर्स प्रति महिना द्यावे लागतील. याची ऑर्डर 4 जुलैपासून स्टारलिंकच्या वेबसाइटवरून करता येईल.
किंमतीत कपात होऊ शकते
कंपनीचे म्हणणे आहे की, येणाऱ्या काळात स्टारलिंक मिनीच्या किंमतीत कपात केली जाऊ शकते. कंपनी ही सेवा लवकरच संपूर्ण जगात रोलआउट करण्यावर काम करत आहे. ही सेवा त्या भागांसाठी फायदेशीर ठरू शकते, जिथे इंटरनेटची उपलब्धता नाही.
स्पेसिफिकेशन्स
स्टारलिंक मिनीच्या साइजबद्दल बोलायचे झाले, तर याची लांबी 12 इंच, रुंदी 10 इंच आणि जाडी 1.5 इंच असेल. ही स्टारलिंक मिनी स्टँडर्ड अँटिनाच्या आकाराच्या जवळपास अर्धी असेल, तर वजन एक तृतीयांश कमी असेल.
बिल्ट-इन वाय-फायची सुविधा
स्टारलिंक मिनीमध्ये बिल्ट-इन वाय-फाय राउटर मिळेल. तसेच पावरची कमी खपत होईल. याची डाउनलोडिंग स्पीड 100 मेगाबाइट प्रति सेकंद असेल.