व्यक्तीला हार्ट अटॅक अन् स्टाफमध्ये खळबळ
मिळालेल्या माहितीनुसार, ही व्यक्ती जमिनीवर कोसळताच स्टाफ गोंधळला, त्याला तात्काळ रुग्णालयात दाखल करण्यात आलं. या संपूर्ण घटनेचा एक व्हिडिओही सोशल मीडियावर व्हायरल झाला आहे.
पैसे जिंकल्याचा आनंद अन् हार्ट अटॅक
या व्यक्तीला हार्ट अटॅक येताच त्याला रुग्णालयात नेण्यात आले असून सध्या त्याच्यावर उपचार सुरु आहेत द सनच्या रिपोर्टनुसार, कॅसिनोमध्ये नेहमी येणाऱ्या या व्यक्तीला इतके पैसे जिंकल्यानंतर खूप आनंद झाला आणि त्याला वाटलं की यामुळे त्याचं संपूर्ण जीवन बदलणार आहे. तो हा आनंद सहन करु शकला नाही आणि तो हार्ट अटॅक येऊन जमिनीवर कोसळला. हा व्हिडिओ एक्स प्लॅटफॉर्मवर शेअर करण्यात आला आहे. हा व्हिडिओ पाहून अनेकांन धक्का बसला. यामध्ये एक व्यक्ती जमिनीवर पडलेला दिसत आहे, तर त्याच्या आजूबाजूचे लोक त्याची मदत करण्याचा प्रयत्न करताना दिसत होते.
पाहा या घटनेचा व्हिडिओ
महिलेने लॉटरीत १ कोटी जिंकले अन् काहीच दिवसात पतीचा मृत्यू
तर एका ६१ वर्षीय महिलेने मार्च महिन्यात लॉटरीच्या तिकीटातून १ कोटी जिंकले होते. पण, काहीच दिवसात तिच्या पतीचा मृत्यू झाला आणि तिचा आनंद जास्त काळ टिकू शकला नाही. तिच्या पतीचा ब्रेन ट्युमरने मृत्यू झाला होता.
डब्ल्यूटीएईच्या न्यूज रिपोर्टनुसार, लॉटरी जिंकल्यानंतर करेन कॉफमनने आपल्या पतीबद्दल बोलताना म्हणाल्या की, मी त्याला सांगितलं होतं की मी एक कोटी जिंकणार आहे. पण, कदाचित त्याला हे कळालं नाही आणि लवकरच त्याचा मृत्यू झाला.