Robot Suicide: रोबोटला नाही सहन झाला कामाचा ताण; पायऱ्यांवरून उडी मारून केली आत्महत्या

रोबोट नाही करू शकत इमोशनल शेअरिंग

मानवाने आत्महत्या करणे तर सामान्य झाले आहे, पण आता रोबोट्सनेही आत्महत्या करण्यास सुरुवात केली आहे. कामाच्या दबावामुळे रोबोटने आत्महत्या केल्याची ही जगातील पहिलीच घटना आहे. जेव्हा मानवांना त्रास होतो तेव्हा ते समुपदेशन घेतात किंवा कोणाशी तरी त्यांचे विचार शेअर करतात, परंतु हे मार्ग रोबोट्ससाठी बंद असतात.

घटनेचा होणार तपास

हे प्रकरण दक्षिण कोरियाचे आहे जिथे एका रोबोटने जास्त काम केल्यामुळे आत्महत्या केली आहे. या रोबोटने खर्च पायऱ्यांवरून खाली उडी मारून आत्महत्या केली की नाही याचा तपास करणार असल्याचे मध्य दक्षिण कोरियातील एका नगरपालिकेने म्हटले आहे.

जास्त कामामुळे रोबोट होता तणावाखाली

डेली मिररच्या रिपोर्टनुसार, हा रोबोट पालिकेसाठी काम करत होता. हा रोबोट गेल्या एक वर्षापासून गुमी शहरातील लोकांना प्रशासकीय कामात मदत करत होता. काही दिवसांपूर्वी तो पायऱ्यांच्या खाली निष्क्रिय अवस्थेत सापडला होता.काही लोकांनी तो रोबोट पडण्यापूर्वी इकडे तिकडे फिरताना पाहिला होता.लोकांच्या सांगण्यानुसार त्यात काहीतरी गडबड वाटत होते. जास्त कामामुळे हा रोबोट तणावाखाली असल्याचं समजतं.

रोबोटचे होईल विश्लेषण

पालिका अधिकाऱ्याने दिलेल्या माहितीनुसार रोबोटचे पार्ट जमा करण्यात आले आहेत. ज्या कंपनीने हे डिझाईन केले आहे त्या कंपनीद्वारे याचे विश्लेषण केले जाईल. हा रोबो इतरांपेक्षा खूप वेगळा होता कारण तो लिफ्ट कॉल करू शकतो आणि वर खाली जाऊ शकतो.

जपान रेल्वेने मेन्टेनन्सच्या कामासाठी अपॉईंट केला ‘व्हिलन रोबोट’

जपान रेल्वेने मेन्टेनन्सच्या कामासाठी नवीन ह्युमनॉइड कर्मचारी नियुक्त केला आहे. 1980 च्या विज्ञानकथेतील खलनायकी दिसणाऱ्या मशीनची आठवण करून देणारे असे याचे भयावह स्वरूप असूनही, हा रोबो आकर्षक आहे. कंपनीचे अध्यक्ष काझुआकी हसेगावा यांनी नुकत्याच झालेल्या पत्रकार परिषदेत सांगितले की, “भविष्यात, आम्ही सर्व प्रकारच्या पायाभूत सुविधा देखभाल ऑपरेशन्ससाठी मशीन वापरण्याची आशा करतो. ” त्यांचा विश्वास आहे की हा उपक्रम कामगारांच्या कमतरतेवर उपाय म्हणून केस स्टडी म्हणून काम करेल. ट्रकवर बसवलेला हा रोबो, 12 मीटर (40 फूट) उभा आहे आणि 40kg (88lb) पर्यंत वजनाच्या वस्तू उचलू शकतो. ट्रकच्या कॉकपिटमध्ये बसलेला ऑपरेटर, यंत्राच्या डोळ्यांतून पाहण्यासाठी कॅमेरा वापरून, रोबोटचे शक्तिशाली हातपाय आणि हात रिमोटली कंट्रोल करतो. रेल्वे कंपनीला अपेक्षा आहे की या तंत्रज्ञानामुळे जपानमधील मोठ्या वृद्ध लोकसंख्येतील कामगारांची कमतरता दूर होण्यास या रोबोटमुळे मदत होईल आणि उंच ठिकाणांवरून पडणे किंवा विजेचे शॉक यांसारखे अपघात कमी होतील.