CMF Phone 1 भारतीय बाजारात लाँच झाला आहे. नथिंगच्या सबब्रँडचा हा पहिलाच मोबाइल आहे. यात इंटरचेंजेबल बॅक कव्हर्स मिळतात, त्यामुळे तुम्ही कधीही तुमच्या फोनचा लूक बदलू शकता.
CMF Phone 1 ची किंमत
CMF Phone 1 ची किंमत 15,999 रुपयांपासून सुरु होते, हे फोनच्या 6GB RAM व 128GB स्टोरेज मॉडेलची किंमत आहे. तर 8GB RAM व 128GB स्टोरेज मॉडेलची किंमत 17,999 रुपये ठेवण्यात आली आहे.
या फोनची विक्री 12 जुलै दुपारी 12 वाजल्यापासून कंपनीच्या वेबसाइटसह फ्लिपकार्ट आणि रिटेलर्स स्टोर्सवर सुरु होईल. ब्रँड सेलच्या पहिल्या दिवशी 1,000 रुपयांचा डिस्काउंट ऑफर करत आहे.
फोनचे रिप्लेसबल बॅक कव्हर 1,499 रुपयांमध्ये खरेदी करता येतील. तर अ‍ॅक्सेसरीज 799 रुपयांमध्ये खरेदी करता येतील. तर फोन सोबत 33W चार्जर खरेदी केल्यास 799 रुपयांना मिळेल.
CMF Phone 1 कस्टमायजेबल डिजाइन
CMF Phone 1 ची खासियत म्हणजे हा कस्टमाईज करता येतो. यासाठी ब्लॅक, ऑरेंज, लाइट ग्रीन आणि ब्लू कलरचे बॅक पॅनल मिळतात. फोनच्या मागे रोटेटिंग व्हील मिळतो ज्याला स्टॅन्ड किंवा लॅनियार्ड सारख्या अ‍ॅक्सेसरीज जोडता येतील. फोनला पाऊच जोडता येतो ज्यात कार्ड्स ठेवता येतात. तसेच फोनसोबत मिळणाऱ्या सिम इजेक्टर टूल सोबत असलेल्या स्क्रू ड्रायवरचा वापर बॅक कव्हर काढण्यासाठी करता येतो.
CMF Phone 1 चे स्पेसिफिकेशन्स
CMF Phone 1 मध्ये 6.67 इंचाचा फुलएचडी+ सुपर अ‍ॅमोलेड डिस्प्ले देण्यात आला आहे, जो 120Hz रिफ्रेश रेट आणि 2,000 nits पीक ब्राइटनेस मिळते. फोनमध्ये MediaTek Dimensity 7300 चिपसेट देण्यात आला आहे. त्याचबरोबर 8GB वर्चुअल रॅम आणि मायक्रोएसडी कार्ड स्लॉट देण्यात आला आहे, ज्याच्या मदतीनं 2TB पर्यंत स्टोरेज वाढवता येते.
CMF Phone 1 मध्ये 50MP चा मुख्य कॅमेरा देण्यात आला आहे, जो EIS ला सपोर्ट करतो. आणि 2MP चा पोर्टेट सेन्सर देण्यात आला आहे, जो 2x झूमला सपोर्ट करतो. सेल्फी आणि व्हिडीओ कॉलिंगसाठी 16MP चा फ्रंट कॅमेरा मिळतो.
फोनमध्ये 5,000mAh ची बॅटरी देण्यात आली आहे जी 33W फास्ट चार्जिंगला सपोर्ट करते. तसेच हा फोन 5W रिवर्स वायरलेस चार्जिंगला सपोर्ट करतो.
फोनमध्ये अँड्रॉइड 14 आधारित Nothing OS 2.6 आहे. याला दोन ओएस अपडेट तर तर तीन वर्ष सिक्योरिटी अपडेट मिळतील. हा स्मार्टफोन अंडर डिस्प्ले फिंगरप्रिंट सेन्सरसह येतो. तसेच यात आयपी52 वॉटर अँड डस्ट रेजिस्टंट रेटिंग देण्यात आली आहे.