WhatsApp Favorite Feature Launched : व्हॉट्सॲपने चॅटिंग आणि कॉलिंगसाठी अनेक दिवसांपासून प्रतीक्षा असलेले सर्वात आश्चर्यकारक फीचर आणले आहे. या नवीन फीचरच्या मदतीने व्हॉट्सॲपवर ज्यांच्याशी जास्त बोलले जाते ते कॉन्टॅक्ट, चॅट आणि कॉल शोधणे सोपे होणार आहे. मार्क झुकरबर्गने त्यांच्या अधिकृत व्हॉट्सॲप चॅनेलवर या नवीन फीचरच्या स्टेबल रोलआउटबद्दल माहिती दिली.
Google Play Store वरून करा अपडेट इंस्टॉल
तुम्हाला हवे असल्यास, तुम्ही तुमच्या फोनमधील Google Play Store किंवा App Store उघडून WhatsApp चे नवीन अपडेट तपासू शकता. लक्षात ठेवा की, अपडेट इन्स्टॉल झाल्यानंतरही, हे फीचर ॲपमध्ये रिफ्लेक्ट होण्यासाठी थोडा वेळ लागू शकतो.
असे वापरा नवीन फेव्हरेट फिल्टर
- नवीनतम अपडेट इन्स्टॉल केल्यानंतर, WhatsApp उघडा आणि चॅट स्क्रीनच्या टॉपला नवीन फेवरेट फिल्टर पहा.
- जर हे फीचर तुमच्या डिव्हाईसमध्ये आले असेल तर त्यावर टॅप करा.
- येथे Add फेवरिट वर टॅप करा आणि कॉन्टॅक्ट किंवा ग्रुप निवडा.
- कॉल्स टॅबमध्ये फेव्हरेट जोडण्यासाठी, तुम्हाला तीच प्रक्रिया करावी लागेल.
- तुम्ही फेव्हरेट फिल्टरमध्ये कधीही कॉन्टॅक्ट किंवा ग्रुप रिमूव्ह करू शकता.
व्हॉट्सॲप आणत आहे नवनवीन फीचर्स
व्हॉट्सॲप वेगाने नवीन फीचर्स आणत आहे. गेल्या काही दिवसांमध्ये, बीटासह स्थिर आवृत्तीसाठी अनेक नवीन वैशिष्ट्ये आली आहेत. आता यूजर्स व्हॉट्सॲपच्या मेटा एआयबद्दल खूप उत्सुक आहेत. कंपनीने अलीकडेच व्हॉट्सॲपमध्ये एआय स्टुडिओमध्ये एंट्री केली आहे . हे फीचर सध्या बीटा व्हर्जनमध्ये आहे. त्याची स्थिर आवृत्तीही लवकरच प्रसिद्ध केली जाईल.