HMD Skyline स्मार्टफोन युरोपियन बाजारात लाँच झाला आहे. याची डिजाइन अनेक वर्षांपूर्वी आलेल्या नोकिया लुमिया सीरिजसारखी वाटते. फोनमध्ये 50MP सेल्फी कॅमेरा, 108MP चा रियर कॅमेरा आणि 12GB RAM आहे. विशेष म्हणजे हा फोन तुम्ही स्वतः रिपेअर करू शकता.
एचएमडी स्कायलाइनची किंमत
HMD Skyline ची किंमत 499 युरो (जवळपास 45,621 रुपये) आहे. हा फोन तुम्ही देखील रिपेअर करू शकता. विशेष म्हणजे डिस्‍प्‍ले जरी तुटला तरी तो खरेदी करून बसवता येईल. तसेच बॅटरी, चार्जिंग पोर्ट इत्यादी देखील खरेदी करून रिपेअर करता येतील. भारतात हा फोन कधी येईल हे मात्र सध्या सांगता येत नाही.
एचएमडी स्कायलाइन स्पेसिफिकेशन्स
वर सांगितल्याप्रमाणे एचएमडी स्कायलाइनची डिजाइन अनेक वर्षांपूर्वी आलेल्या नोकिया लुमिया सारखी आयताकृती आहे, सध्याच्या इतर स्मार्टफोन्स प्रमाणे राऊंडेड एज यात दिसत नाहीत. याच्या फ्रंटला 6.5 इंचाचा OLED डिस्‍प्‍ले आहे, जो Full HD+ रिजोल्यूशनला सपोर्ट करतो. डिस्‍प्‍ले मध्ये 144Hz रिफ्रेश रेट मिळतो. फोनमध्ये 50 मेगापिक्सलचा फ्रंट कॅमेरा देण्यात आला आहे.
एचएमडी स्कायलाइन मध्ये 108 मेगापिक्सलचा रियर कॅमेरा आहे. त्याचबरोबर 13 एमपीची अल्‍ट्रावाइड लेन्स, 50 एमपीची टेलिफोटो लेन्स देण्यात आली आहे. यात एचएमडीची एआय कॅप्चर फ्यूजन टेक्‍नॉलजी देखील आहे. फ्रंटला 50 मेगापिक्सलचा सेल्फी कॅमेरा देण्यात आला आहे.
HMD Skyline मध्ये क्‍वॉलकॉमचा स्नॅपड्रॅगन 7एस जेन2 प्रोसेसर आहे. त्याचबरोबर 8GB आणि 12GB रॅम ऑप्‍शन मिळतात. त्याचबरोबर स्‍टोरेज 256GB पर्यंत आहे, जी एसडी कार्डच्या माध्यमातून 512 जीबी पर्यंत वाढवता येते.
HMD Skyline मध्ये 4,600mAh ची बॅटरी आहे. जी 33 वॉट वायर्ड आणि 15 वॉट मॅग्नेटिक वायरलेस चार्जिंगला सपोर्ट करते. कंपनी बॉक्‍समध्ये चार्जर देत नाही, ही बाब थोडी खटकते. हा फोन आउट ऑफ द बॉक्‍स, अँड्रॉइड 14 वर चालतो. कंपनी यावर दोन ओएस अपग्रेड आणि 3 वर्ष सिक्‍योरिटी पॅच देणार आहे.