वेगवेगळ्या आध्यात्मिक मान्यतांनुसार सकाळी ३ किंवा ४ या वेळेला फार शक्तिशाली मानले गेले आहे. हिंदू धर्मानुसार याला ब्रह्ममुहूर्त किंवा अमृत काल असे म्हणतात. या वेळी कोणतेही शुभ काम करणे चांगले मानले जाते. यासंदर्भात चीनी संस्कृती असे सांगते की, सकाळी ३ ते ५ ही वेळ हृदय आणि दुःख यांच्याशी संबंधित आहे. त्यामुळे या वेळी जाग येणे नुकसानकारक आणि संकटांचे संकेत असे मानले जाते. अर्थात याकडे एक संधी म्हणूनही पाहू शकतो, कारण तुम्ही स्वतःला या दुःखापासून मुक्त करण्याचा प्रयत्न करू शकता.
बौद्ध धर्मानुसार पहाटेची वेळ आध्यात्मिक ऊर्जा वाढवणारी वेळ मानली जाते. एक अशी वेळ की, आपण जागरुकता, करुणा, आणि आंतरिक शक्ती विकसित करण्यासाठी आदर्श मानली जाते. तर इस्लामिक परंपरेनुसार सकाळी ४ वाजता उठून आध्यात्मिक अभ्यास करणे आत्मा शुद्ध करण्याचा एक मार्ग मानला जातो. असे मानले जाते की, या वेळी अल्लाह पृथ्वीपासून सर्वांत जवळ असतो आणि ही वेळ प्रार्थनेसाठी सर्वांत आदर्श मानली जाते. म्हणून सकाळी या वेळेत जेव्हा जाग येते तेव्हा, तुमच्यासाठी दैवी शक्तींचे काही संकेत असतात. जाणून घेऊन हे संकेत काय आहेत.
दिव्य शक्तींशी जोडले जाणे
वेगवेगळ्या आध्यात्मिक परंपरा पाहिल्या तर सकाळी ४ची वेळ ही परमेश्वराची वेळ मानली जाते. ही अशी वेळ आहे ज्यात भौतिक आणि आध्यात्मिक जगातील फरक अत्यल्प असतो, त्यामुळे ही वेळ आध्यात्मिक जगाशी जोडले जाण्याची सर्वांत उपयुक्त वेळ असते.या काळातील ऊर्जा पवित्र आणि उच्च मानली जाते. त्यामुळे या वेळी जाग येणे म्हणजे दैवी शक्तींशी जोडले जाण्याचे संकेत मानले जातात.
3 आणि 4 अंकाचे आध्यात्मिक महत्त्व
जर दोन्ही अंकांचे आध्यात्मिक महत्त्व पाहिले तर अंक 3 हा सद्भाव आणि आध्यात्मिक विकास तसेच भगवान शिवाचा अंक आहे. तर संख्या 4 स्थैर्य, पाया आणि पृथ्वी, वायू, अग्नी आणि पाणी या चार तत्त्वांशी संबंधित आहे. सकाळी 3 किंवा 4 वाजता जाग येणे याचा अर्थ असा की या विषयांशी संबंधित आध्यात्मिक संदेश किंवा मार्गदर्शन मिळवणे.
आध्यात्मिक जागृती किंवा बदल
सकाळी 3 किंवा 4 वाजता जाग येणे म्हणजे आध्यात्मिक जागृती किंवा आध्यात्मिक परिवर्तनाचा संदेश असतो. संकेत असे असतात की तुम्हा आध्यात्मिक प्रवास करत आहात, आध्यात्मिक विकास आणि आत्म साक्षात्कारातून तुमचा प्रवास सुरू आहे. तुम्ही बदलाचा अनुभव घेत आहात. सकाळी ४ वाजता जागे होणे याचा अर्थ उच्चावस्थेत पोहोचणे आणि आंतरिक शक्तीशी जोडले जाणे असे म्हटले जाते.