BSNL Recharge Plan:जर तुम्ही तुमचा नंबर बीएसएनएलला पोर्ट करणार असाल तर तुम्हाला कंपनीच्या सर्वात स्वस्त रिचार्ज प्लॅनबद्दल देखील माहिती पाहिजे. कंपनीचा सर्वात स्वस्त प्रीपेड प्लान आहे ज्याची व्हॅलिडिटी 35 दिवस आहे. या प्लॅनची खास गोष्ट म्हणजे या प्लॅनची किंमत 110 रुपयांपेक्षा कमी आहे.
BSNLच्या या 107 रुपयांच्या प्लॅनमध्ये युजर्सना कोणते फायदे दिले जातात आणि Jio, Airtel आणि Vodafone Idea (Vi) कडे या प्लॅनशी स्पर्धा करण्यासाठी काही योजना आहेत की नाही? याची आज याठिकाणी तुम्हाला माहिती देणार आहोत.
BSNL107 रुपयांच्या प्लॅनचे डिटेल्स
107 रुपयांच्या या बीएसएनएल प्लॅनमध्ये कंपनी यूजर्सला 3 जीबी हाय-स्पीड डेटा देत आहे. याशिवाय लोकल आणि एसटीडी कॉलिंगसाठी 200 फ्री मिनिटे दिली जातील. इतकेच नाही तर बीएसएनएल युजर्सना 35 दिवसांसाठी बीएसएनएल ट्यूनचा फायदाही मिळणार आहे.
जिओ 189 रुपयांचा प्लॅन
जिओचा सर्वात स्वस्त डेटा आणि कॉलिंग प्लॅन 189 रुपयांचा आहे. 28 दिवसांची व्हॅलिडिटी असलेल्या या प्लॅनमध्ये जिओ युजर्सना 2 जीबी हायस्पीड डेटाचा फायदा दिला जात आहे.
एअरटेल 199 रुपयांचा प्लॅन
एअरटेलचा डेटा आणि कॉलिंगसह सर्वात स्वस्त प्लॅन 199 रुपयांचा आहे, या प्लॅनमध्ये तुम्हाला 2 GB हाय स्पीड डेटा, अनलिमिटेड कॉलिंग आणि 28 दिवसांची व्हॅलिडिटी मिळते.
Vi 179 रुपयांच्या प्लॅनचे डिटेल्स
कॉलिंग आणि डेटासह Vodafone Idea च्या सर्वात स्वस्त प्लॅनची किंमत 179 रुपये आहे. या प्लॅनसह, Vi युजर्सना 1 GB हायस्पीड डेटा आणि अनलिमिटेड मोफत कॉलिंगचा लाभ मिळतो.
एकूणच, रिलायन्स जिओ, व्होडाफोन आयडिया आणि एअरटेल या तीन मोठ्या टेलिकॉम कंपन्यांकडे किंमत आणि व्हॅलिडिटीच्या बाबतीत बीएसएनएलच्या 107 रुपयांच्या प्लॅनशी स्पर्धा करू शकेल असा कोणताही स्वस्त प्लॅन नाही.