Vivo V40 Series India launch: विवो लवकरच भारतीय बाजारात विवो व्ही40 सीरिज सादर करणार आहे, ज्यात विवो व्ही40 आणि व्ही40 प्रोचा समावेश असेल. यातील प्रो मॉडेलमध्ये 50MP ट्रिपल कॅमेरा सेटअप, 5,500mAh ची बॅटरी आणि दोन कलर व्हेरिएंट मिळतील. हे हँडसेट बाजारात येण्यापूर्वी यांची माहिती ऑनलाइन लीक झाली आहे, चला ती पाहूया.
विवो व्ही40 प्रोमध्ये मिळतील हे फीचर्स
कंपनी वेबसाइटवर दिलेल्या माहितीनुसार, विवो व्ही40 प्रो स्मार्टफोनमध्ये ट्रिपल रियर कॅमेरा सेटअप मिळेल. यात 50MP चा Zeiss लेन्ससह Sony IMX921 सेन्सर मिळेल, जो मुख्य कॅमेऱ्याचे काम करेल.
त्याचबरोबर या फोनमध्ये 50MP चा टेलीफोटो कॅमेरा मिळेल जो Sony IMX816 सेन्सर असेल आणि एक 50MP चा अल्ट्रा वाइड कॅमेरा दिला जाईल. या स्मार्टफोन मध्ये 2x ऑप्टिकल झूमचा सपोर्ट मिळेल आणि 50x ZEISS हायपर झूमचा सपोर्ट देण्यात येईल.
विशेष म्हणजे फोनच्या फ्रंटला देखील 50MP चा सेल्फी कॅमेरा दिला जाईल ज्यात 92 डिग्री वाइड अँगल सपोर्ट मिळेल. वेबसाइटच्या पेजवरून विवो व्ही40 प्रोच्या कलर व्हेरिएंटची देखील माहिती आली आहे. हा हँडसेट ब्लु आणि टायटेनियम ग्रे कलरमध्ये उपलब्ध होईल. तसेच या स्मार्टफोनमध्ये 5,500mAh ची बॅटरी दिली जाईल. विशेष म्हणजे हा हँडसेट IP68 वॉटर आणि डस्ट रेजिस्टन्ससह बाजारात येईल.
विवो व्ही40 चे फीचर्स
मायक्रोसाइटनुसार, या फोनमध्ये ट्रिपल कॅमेरा सेटअप मिळेल हा फोन तीन कलर ऑप्शनमध्ये बाजारात येईल, ज्यात ब्लू, लोटस पर्पल आणि टायटेनियम ग्रे कलरचा समावेश असेल.
अलीकडेच आलेला विवो टी3
यावर्षी जूनमध्ये विवो भारतात Vivo T3 Lite स्मार्टफोन लाँच केला होता. या स्मार्टफोनमध्ये MediaTek Dimensity 6300 प्रोसेसर देण्यात आला आहे. यात 5,000mAh ची बॅटरी मिळते. हा फोन व्हायब्रन्ट ग्रीन आणि मॅजेस्टिक ब्लॅक कलरमध्ये खरेदी करता येईल.
बेस मॉडेलमध्ये 4GB RAM सह 128GB इंटरनल स्टोरेज देण्यात आली आहे. ज्याची किंमत 9,999 रुपये ठेवण्यात आली आहे. तर 6GB RAM व 128GB स्टोरेज असलेला मॉडेल 10,999 रुपयांमध्ये खरेदी करता येईल.विवो टी3 लाइट 5जी स्मार्टफोनमध्ये एक्सटेंडेड रॅम टेक्नॉलॉजी देण्यात आली आहे त्यामुळे अतिरिक्त 6GB RAM ची ताकद मिळवता येईल.
या स्मार्टफोनमध्ये 6.56 इंचाचा एलसीडी डिस्प्ले देण्यात आला आहे ज्याचा रिफ्रेश रेट 90Hz आणि पीक ब्राइटनेस 840 नीट्स आहे. विवो टी3 अँड्रॉइड 14 आधारित लाइट फनटच ओएस 14 वर चालतो. या हँडसेटमध्ये IP64 वॉटर रेजिस्टंट सपोर्ट देण्यात आला आहे.