महायुतीला विधानसभा निवडणुकीत घवघवीत यश मिळवलं. महायुतीनं २३४ जागा जिंकल्या. त्यातील १३२ जागा भाजपला मिळाल्या आहेत. भाजपचं संख्याबळ पाहता मुख्यमंत्री त्यांचाच होणार हे स्पष्ट झालं होतं. त्यामुळे दिल्लीत शहांच्या भेटीसाठी गेलेल्या शिंदेंनी वाटाघाटीत काहीशी सावध भूमिका घेतली आहे. मुख्यमंत्रिपदाचा पूर्ण कार्यकाळ देता येत नसेल तर किमान सहा महिने मुख्यमंत्रिपदी राहू द्या, अशी मागणी शिंदेंनी शहांकडे केली होती. सुरुवातीचे सहा महिने मुख्यमंत्रिपद आपल्याकडे राहावं यासाठी शिंदे आग्रही होते. एका ज्येष्ठ नेत्यानं याबद्दलची माहिती टाईम्स ऑफ इंडियाला दिली.
Eknath Shinde: त्यांना सकाळी, संध्याकाळी शपथ घेण्याचा अनुभव! शिंदेंचा टोला; दादा म्हणाले, आमचं तेव्हा…
‘सहा महिन्यांसाठी मुख्यमंत्र्यांची नियुक्ती करण्याची पद्धत नाही. तो वाईट निर्णय ठरले. त्याचे प्रशासनावर नकारात्मक परिणाम होतील,’ असं उत्तर शहांनी शिंदेंना दिलं. शहा आणि शिंदे यांची बैठक २८ नोव्हेंबरला झाली. बैठक होण्याच्या एक दिवस आधी एकनाथ शिंदेंनी त्यांच्या ठाण्यातील घरी पत्रकार परिषद घेतली. सत्ता स्थापनेसाठी भाजप नेतृत्त्व जो निर्णय घेईल, तो मला आणि माझ्या पक्षाला मान्य असेल, असं शिंदे त्या पत्रकार परिषदेत म्हणाले होते.

दिल्लीत झालेल्या बैठकीला शहा, शिंदे यांच्यासोबत भाजप नेते देवेंद्र फडणवीस, राष्ट्रवादी काँग्रेसचे अध्यक्ष अजित पवार, कार्यकारी अध्यक्ष प्रफुल पटेल, प्रदेशाध्यक्ष सुनील तटकरे उपस्थित होते. वरिष्ठ नेत्यानं दिलेल्या माहितीनुसार, या बैठकीत शिंदेंनी भाजप नेतृत्त्वानं त्यांना लोकसभा निवडणुकीनंतर दिलेल्या आश्वासनाची आठवण करुन दिली.
Ajit Pawar: तुम्ही दादांसोबत DCMपदाची शपथ घेणार का? शिंदेंना प्रश्न, दादांंकडून उत्तर; एकच हास्यकल्लोळ
विधानसभा निवडणुकीत महायुतीला स्पष्ट बहुमत मिळाल्यास तुम्हालाच मुख्यमंत्री करण्यात येईल, असा शब्द तुम्ही मला दिला होता, याचं स्मरण शिंदेंनी भाजप नेतृत्त्वाला करुन दिलं. पुन्हा मुख्यमंत्री करण्याची विनंती शिंदेंनी केली. पण भाजपनं ती फेटाळून लावली. भाजप आता बहुमताच्या अगदी जवळ आहे. या परिस्थितीत भाजपचा मुख्यमंत्री न झाल्यास कार्यकर्त्यांमध्ये चुकीचा संदेश जाईल, असं शिंदेंना सांगण्यात आलं.

माजी उपमुख्यमंत्री अजित पवार गेले दोन दिवस दिल्लीत होते. केंद्रीय गृहमंत्री अमित शहांच्या भेटीसाठी ते दिल्लीला गेल्याची चर्चा होती. खातेवाटपाबद्दल चर्चा करण्यासाठी अजित पवारांनी दिल्ली गाठल्याच्या चर्चांनी जोर धरला. त्यावर आज पवारांनी पत्रकार परिषदेत स्पष्टीकरण दिलं. मी वेगळ्या कामासाठी दिल्लीला गेलो होतो. मी कोणाच्या भेटीसाठी गेलो नव्हतो. अजितदादांना भेट नाकारल्याच्या बातम्या दाखवण्यात आल्या. पण मी कोणाला भेटायला गेलोच नव्हतो, तर भेट नाकारण्याचा प्रश्न कुठे येतो, असा सवाल अजित पवारांनी विचारला.
Devendra Fadnavis: राज्यात MP, राजस्थान पॅटर्न नाही! देवाभाऊंच्या निवडीमागे १० कारणं; तिसरं दादा, भाईंसाठी सूचक
दिल्ली दौऱ्यामागच्या कारणांची यादीच अजित पवारांनी वाचून दाखवली. ‘सुनेत्रा पवारांना राज्यसभेवर पाठवण्यात आलेलं आहे. त्या खासदार आहेत. त्यांना ११ जनपथ बंगला देण्यात आलेला आहे. कोणतंही घर असू द्या, ते माझं स्वत:चं असो वा सरकारी असो, मला ते नीटनेटकं लागतं हे तुम्हा सगळ्यांना माहीत आहे. त्यामुळे आर्किटेक्टला सोबत घेऊन नियमात बसून काय गोष्टी करता येतात का त्या पाहण्यासाठी दिल्लीला गेलो होतो,’ असं अजित पवार म्हणाले.

‘प्रफुल पटेल आणि माझ्याविरोधात काही कोर्ट केसेस आहेत. त्या वकिलांना मी बरेच दिवस भेटलो नव्हतो. दिल्लीतील जबाबदारी नेहमी पटेलच पार पाडायचे. काल पण तारीख होती. ती पुन्हा पुढे ढकलली. आमच्या चिन्हाचा विषयदेखील एकदा संपावा असा प्रयत्न आहे. ते प्रकरण सर्वोच्च न्यायालयात प्रलंबित आहे. सर्वोच्च न्यायालय त्यात सगळ्यांची बाजू ऐकून निर्णय देईल. इकडच्या व्यापामुळे मला वकिलांना भेटता आलं नव्हतं. त्यांना भेटणं गरजेचं होतं. जवळच्या एका नातेवाईकाचं लग्न होतं. अशा तीन कारणांसाठी मी दिल्लीला गेलो होतो,’ असं अजित पवारांनी सांगितलं.
कोण इन? कोण आऊट? भाजपच्या १७ संभाव्य मंत्र्यांची यादी; शिंदेंना नडणाऱ्या नेत्यालाही संधी?
दिल्लीत इथल्यापेक्षा अधिक आराम मिळतो. जरा निवांत वेळ मिळतो. राज्यसभा चालू असल्यामुळे सुनेत्रा पवार तिकडे होत्या. संसदेचं अधिवेशन सुरु असल्यामुळे लोकसभेचे खासदार सुनील तटकरे, राज्यसभेचे खासदार प्रफुल पटेल तिकडेच होते. त्यामुळे त्यांचीही भेट झाली. त्यामुळे मी शहांच्या भेटीसाठी गेलो होतो, ते डोक्यातून काढून टाका. शहांसोबत गेल्याच आठवड्यात चर्चा झालेली आहे, असं अजित पवार म्हणाले.

राष्ट्रवादी काँग्रेसला विधानसभा निवडणुकीतील स्ट्राईक रेटच्या आधारावर मंत्रिपदं वाढवून हवी आहेत. त्यासाठीच अजित पवार दिल्लीला शहांच्या भेटीसाठी गेले आहेत. पण अद्याप तरी त्यांची भेट झालेली नाही. महायुतीच्या नव्या सरकारमध्ये राष्ट्रवादी काँग्रेसला शिवसेनेइतकीच खाती मिळावीत यासाठी पक्ष आग्रही आहे. हीच बाब अजित पवार शहांना सांगणार आहेत.
Chandrakant Patil: एकच दादा, बाकींना वादा? चंद्रकांत पाटलांमुळे भाजप आमदारांची धाकधूक वाढली, कारण काय?
विधानसभा निवडणुकीत आमचा स्ट्राईक रेट चांगला राहिला आहे. त्यामुळे आम्हाला अधिकची मंत्रिपदं देण्यात यावीत, अशी राष्ट्रवादीची मागणी आहे. यासंदर्भात राष्ट्रवादी काँग्रसेचे वरिष्ठ नेते छगन भुजबळ यांनी सविस्तर भाष्य केलं. ‘अजितदादांच्या अध्यक्षतेखाली आमची बैठक झाली. त्यात आम्ही लढवलेल्या आणि जिंकलेल्या जागांचा हिशोब केला. शिवसेनेला जास्त जागा लढवायला मिळाल्या, त्यामुळे त्यांचे जास्त उमेदवार निवडून आले. आम्हाला त्या मानानं फार कमी जागा मिळाल्या. त्यामुळे आमचे कमी उमेदवार निवडून आले. पण स्ट्राईक रेटच्या बाबतीत आमच्यात भाजप १ नंबरला आहे. त्यानंतर राष्ट्रवादी काँग्रेस दुसऱ्या, तर शिवसेना तिसऱ्या स्थानी आहे,’ असं भुजबळ म्हणाले.
Eknath Shinde: मी तुमच्या जागी असतो तर…; उप होण्यासाठी शिंदेंना ‘वरुन’ आग्रह; परिणामांची दिली कल्पना
विधानसभा निवडणुकीत शिवसेनेचे ५७, तर राष्ट्रवादीचे ४१ उमेदवार विजयी झाले. नव्या सरकारमध्ये शिवसेनेला १२ ते १३ मंत्रिपदं मिळण्याची शक्यता आहे. तर राष्ट्रवादी काँग्रेसला ८ ते ९ मंत्रिपदं मिळू शकतात. पण राष्ट्रवादीला आता स्ट्राईक रेटच्या आधारे अधिकची मंत्रिपदं हवी आहेत. एकनाथ शिंदे बैठकांपासून दूर राहत त्यांची बार्गेनिंग पॉवर कायम ठेवत असताना आता राष्ट्रवादीनं अधिकच्या मंत्रिपदासाठी व्यूहरचना आखली आहे. भाजप शिवसेनेला गृहमंत्रिपद सोडण्यास तयार नाही. त्यामुळे सेनेकडून अर्थमंत्रिपदाची मागणी होऊ शकते. हीच शक्यता विचारात घेऊन अजित पवारांनी दिल्ली गाठली आहे.

देवेंद्र फडणवीस यांचे निकटवर्तीय, संकटमोचक अशी गिरीश महाजन यांची ओळख आहे. शुक्रवारी सकाळी दिल्लीहून परतलेले शिंदे त्याच दिवशी थेट गावाला निघून गेले. तिथे त्यांची प्रकृती खालावली. डॉक्टरांनी त्यांच्यावर उपचार केले. साताऱ्यातील गावाता मुक्काम केलेले शिंदे रविवारी ठाण्यात परतले. पण त्यांनी आजच्या सगळ्या बैठका रद्द केल्या. डॉक्टरांनी त्यांना आराम करण्याचा सल्ला दिलेला आहे. त्यामुळे शिंदे कोणालाही भेटत नसल्याचं समजतं.
Eknath Shinde: शिंदे उप होणार नाहीत, पण ते…; मोदींच्या मंत्र्यांचं विधान, भाईंना मोठं पद मिळणार?
शिंदे यांची प्रकृती बिघडल्यानं महायुतीच्या बैठका रद्द झाल्या. आता शिंदे यांच्या प्रकृतीची विचारपूस करण्यासाठी माजी मंत्री गिरीश महाजन शुभदीपवर पोहोचले आहेत. तिथे शिवसेनेचे काही माजी मंत्री, आमदार उपस्थित आहेत. महाजन शिंदे यांची भेट घेणार आहेत. सत्ता स्थापनेच्या हालचाली मंदावलेल्या आहेत. या घडामोडींना वेग देण्याचा प्रयत्न आता भाजपकडून सुरु आहे. त्याचाच भाग म्हणून महाजन ठाण्यात शिंदेंच्या घरी गेले आहेत.

विधानसभा निवडणुकीचा निकाल लागून आठवडा उलटला आहे. निकाल लागल्यानंतर शिंदे यांनी मुख्यमंत्री म्हणून माध्यमांना प्रतिक्रिया दिल्या. पण त्यानंतर त्यांनी दोन दिवस मौन बाळगलं. या कालावधीत शिवसेनेच्या आमदार, खासदारांनी पुन्हा एकदा शिंदेच मुख्यमंत्री व्हावेत, असा सूर लावला. यानंतर शिंदे माध्यमांसमोर आले. दोन दिवस मौन राहिल्यानंतर त्यांनी पत्रकार परिषद घेतली. सत्ता स्थापनेचा निर्णय भाजप नेतृत्त्व घेईल. त्यांचा निर्णय आम्हाला मान्य असेल, असं शिंदे म्हणाले.
Eknath Shinde: गावावरुन येताच बैठका रद्द; शिंदे काय करणार? ३ शक्यता; तिसरी प्रत्यक्षात आल्यास भाजपला फटका
मुख्यमंत्रिपदावरील दावा शिंदेंनी सोडल्यामुळे भाजपचा मार्ग मोकळा आहे. गुरुवारी रात्री शिंदे दिल्लीला गेले. तिथे त्यांनी केंद्रीय गृहमंत्री अमित शहांची भेट घेतली. त्यावेळी देवेंद्र फडणवीस, अजित पवार उपस्थित होते. दिल्लीवरुन परतताच मुंबईतील बैठकांना न जाता शिंदे थेट गावाला निघून गेले. तिथे त्यांनी मुक्काम केला. तब्येत बरी नसल्यानं त्यांनी भेटीगाठी टाळल्या. आज ठाण्यात आल्यानंतरही शिंदे कोणालाही भेटत नाहीएत. त्यामुळे शिंदेंच्या मनात नेमकं काय चाललंय, असा प्रश्न सगळ्यांना पडला आहे.

‘सत्ता स्थापनेसाठी मोदी, शहा जो निर्णय घेतील तो मंजूर असेल असं शिंदेंनी आधीच सांगितलं आहे. त्यांची थोडी नाराजी समजू शकतो. भाजपच्या जागा खूप जास्त आल्या आहेत. शिंदेंना अडीच वर्ष मुख्यमंत्रिपद मिळालं आहे. त्यात त्यांनी खूप चांगलं काम केलं. ते माणूस म्हणूनही चांगले आहेत. मुख्यमंत्रिपदाबद्दल मोदी, शहा जो निर्णय घेतील, तो आम्हाला मान्य असेल. शिंदे यांचं नाव जाहीर झालं तर स्वागत करु. फडणवीसांचं नाव निश्चित झाल्यास तेही चांगलंच असेल. भाजपचं नेतृत्त्व निर्णय घेईल, तो निर्णय शिंदे, फडणवीस मान्य करतील,’ असं आठवले म्हणाले.
Eknath Shinde: गावावरुन येताच बैठका रद्द; शिंदे काय करणार? ३ शक्यता; तिसरी प्रत्यक्षात आल्यास भाजपला फटका
शिंदे खरोखर नाराज आहेत का, असा प्रश्न आठवलेंना विचारण्यात आला. त्यावर थोडी नाराजी असणं साहजिक आहे. अडीच वर्षे त्यांना मुख्यमंत्रिपद मिळालं. यानंतर भविष्यात पुन्हा अशी संधी मिळणार की नाही याबद्दल त्यांना शंका आहे. थोडी नाराजी आपण समजू शकतो. ते नाराज जरुर आहेत. पण महायुतीचं सरकार स्थापन व्हायला हवं. विकासाच्या अजेंड्यावर आम्हाला काम करायचं आहे. ते स्वत: उपमुख्यमंत्री होणार नाहीत. पण ते महायुतीचे अध्यक्ष होऊ शकतात. आमच्या युतीचं अध्यक्षपद त्यांना दिलं जाऊ शकतं. सरकारवर कमांड ठेवण्याचं काम ते करु शकतात. त्यामुळे त्यांना महायुतीचं अध्यक्षपद द्यायला हवं असं मला वाटतं,’ असं आठवलेंनी म्हटलं.
Ladki Bahin Yojana: लाडक्या बहिणांना १५००चे २१०० रुपये कधी मिळणार? मुनगंटीवारांनी सांगितल्या ३ शक्यता
शिंदे यांना मुख्यमंत्रिपदासाठी कोणताही शब्द देण्यात आलेला नव्हता, याचा पुनरुच्चार आठवलेंनी केला. ‘त्यांना मुख्यमंत्रिपदासाठी शब्द दिला गेला नव्हता. निवडणूक त्यांच्याच नेतृत्त्वात लढली गेली. पण सरकार पुन्हा आल्यावर तुम्हालाच मुख्यमंत्री करु, असं आश्वासन त्यांना दिलेलं नव्हतं. भाजपला मिळालेल्या जागा पाहता त्यांचाच मुख्यमंत्री होईल. पण नेतृत्त्वानं अद्याप निर्णय घेतलेला नाही. नेतृत्त्वानं कोणाचंही नाव निश्चित केलं तरीही आम्ही त्यांचं स्वागत करु, असं आठवले शेवटी म्हणाले.

सत्ता स्थापनेसाठी भाजप नेतृत्त्व घेईल तो निर्णय मला आणि माझ्या शिवसेनेला मान्य असेल, असं शिंदे दोनच दिवसांपूर्वी पत्रकार परिषदेत म्हणाले. माझ्याकडून कोणताही अडसर येणार नाही, असं शिंदेंनी स्पष्ट केलं. त्यामुळे शिंदेंनी मुख्यमंत्रिपदावरील दावा सोडल्याची चर्चा झाली. यानंतर काल शिंदे दिल्लीला गेले होते. तिथे त्यांनी केंद्रीय मंत्री अमित शहांशी चर्चा केली. यावेळी त्यांच्यासोबत देवेंद्र फडणवीस, अजित पवार उपस्थित होते.
…आणि म्हणून शिंदे गेले गावाला! निघण्यापूर्वी आव्हाडांकडे ‘मन की बात’, वर्षावर काय घडलं आज?
मुख्यमंत्रिपद सोडणाऱ्या शिवसेनेला उपमुख्यमंत्रिपदाची ऑफर आहे. शिंदेंनी उपमुख्यमंत्रिपद व्हावं अशी भाजप नेत्यांची इच्छा आहे. काल झालेल्या बैठकीत शिंदेंनी अमित शहांसमोर त्यांच्या चार प्रमुख मागण्या ठेवल्या. शिवसेनेला कॅबिनेट, राज्यमंत्री अशी मिळून १२ मंत्रिपदं मिळावीत. विधान परिषदेचं सभापतीही शिवसेनेला मिळावं, अशा मागण्या शिंदेंनी शहांसमोर ठेवल्या. महायुती-१ सरकारमध्ये शिवसेनेकडे नऊ मंत्रिपदं होती. या सरकारच्या कालावधीत मंत्रिमंडळातील सदस्य संख्या २८ इतकी होती. ती कमाल ४३ इतकी ठेवता येते.
तीन दिवस लगबग, ‘वर्षा’वर लक्षवेधी हालचाली; अखेर त्यांना अश्रू अनावर, शिंदे निघताच ढसाढसा रडले
पालकमंत्रिपदांचं वाटप करताना शिवसेनेचा योग्य सन्मान राखला जावा. खाते वाटपात गृह, नगर विकास विभाग शिवसेनेला मिळावेत, अशाही मागण्या शिंदे यांच्याकडून करण्यात आलेल्या आहेत. नगर विकास खातं याआधी शिंदे यांच्याचकडे राहिलं आहे. पण गृह खातं फडणवीसांनी सांभाळलं आहे. २०१४ ते २०१९ या कालावधीत फडणवीस मुख्यमंत्री होते. तर २०२२ ते २०२४ या कालावधीत फडणवीस उपमुख्यमंत्री राहिले. या दोन्ही कार्यकाळात त्यांनी गृह मंत्रालय स्वत:कडे ठेवलं. गृह मंत्रालय अतिशय महत्त्वाचं मानलं जातं. त्यामुळे भाजप हे खातं शिंदेंसाठी सोडण्याची शक्यता अतिशय कमी आहे.

शिंदेंनी शहांसोबतच्या भेटीत गृह आणि नगरविकास मंत्रालयांची मागणी केली. राज्यात महाविकास आघाडी सरकार असतानाही शिंदेंकडे नगरविकास खातं होतं. याच खात्याच्या माध्यमातून त्यांनी शिवसेनेच्या आमदारांना मोठ्या प्रमाणात निधी दिला. त्यासाठी त्यांना काहीवेळा अर्थमंत्री अजित पवार यांच्याशी संघर्ष करावा लागला. आताही शिंदेंना नगरविकास खातं हवं आहे. या खात्याचं महत्त्व शिंदेंना उत्तमरित्या समजलं आहे. त्यामुळे ते या खात्यासाठी आग्रही आहेत.
दिल्लीवरुन रिपोर्ट, अंमलबजावणी होणार; ५० आकड्यानं महायुतीच्या बड्या नेत्यांची धडधड वाढली
मुख्यमंत्रिपदावरील दावा सोडत असल्यानं गृह मंत्रालय द्या, अशी स्पष्ट मागणी शिंदेंनी केली आहे. त्याबद्दल शिंदेंना कोणताही शब्द देण्यात आलेला नाही. गृह विभाग अतिशय शक्तिमान मानला जातो. या मंत्रालयाची जबाबदारी मिळाल्यास शिंदे राज्यावर कमांड ठेऊ शकतात. सर्वोच्च पद मिळत नसेल तर गृह विभाग मिळवून वर्चस्व राखण्याचा शिंदेंचा प्रयत्न आहे. विशेष म्हणजे शिवसेना आतापासून

राज्यात जेव्हा जेव्हा युती सरकार आलं, तेव्हा तेव्हा भाजपनं गृह खातं आपल्याकडे ठेवलं. १९९५ मध्ये बाळासाहेब ठाकरे हृयात होते. तेव्हा राज्यात युतीचं सरकार आलं. सेनेचे मनोहर जोशी मुख्यमंत्री झाले. त्यावेळी गृह खातं भाजपकडे होतं. उपमुख्यमंत्री मनोहर जोशी यांच्याकडे गृहची जबाबदारी होती. २०१४ मध्ये पुन्हा भाजप, सेनेचं सरकार आलं. या सरकारमध्ये उपमुख्यमंत्रिपदचं नव्हतं. मुख्यमंत्री असलेल्या देवेंद्र फडणवीस यांनी गृह खातं आपल्याकडे ठेवलं. पूर्ण ५ वर्षे त्यांनी हे खातं कोणालाही दिलं नाही. या कालावधीत सेनेला दुय्यम दर्जाची खाती दिली गेली.
Eknath Shinde: ‘शाही’भेटीत शिंदेंच्या ४ प्रमुख मागण्या; चौथ्या मागणीनं भाजपात खळबळ, सत्ता वाटपाचा पेच कायम
बाळासाहेब ठाकरे, उद्धव ठाकरेंना भाजपकडून वाटाघाटीच कधीच गृह खातं मिळवता आलं नाही. २०१९ मध्ये उद्धव ठाकरेंनी महाविकास आघाडी करत सत्ता आणली. ते मुख्यमंत्री झाले. पण तेव्हाही त्यांना गृह मंत्रालय मिळवता आलं नाही. तेव्हा हे खातं शरद पवारांच्या राष्ट्रवादीकडे होतं. २०२२ मध्ये शिंदेंनी बंड करत भाजपशी हातमिळवणी केली. ते मुख्यमंत्री झाले. फडणवीसांना नाईलाजास्तव उपमुख्यमंत्री व्हावं लागलं. पण यावेळीही त्यांनी गृह मंत्रालय स्वत:कडे राखलं. आता शिंदेंनी मुख्यमंत्रिपदावरील दावा सोडलेला आहे. त्यांना उपमुख्यमंत्रिपद मिळण्याची शक्यता आहे. भाजपनं आतापर्यंत उपमुख्यमंत्रिपदासह कायम स्वत:कडे राखलेलं गृह मंत्रालय शिंदेंनी मागितलं आहे. आता याबद्दल महाशक्ती याबद्दल काय निर्णय घेणार याकडे लक्ष लागलं आहे.

राज्यात मुख्यमंत्री, दोन उपमुख्यमंत्री अशी रचना असेल. शिवसेनेकडे असलेलं मुख्यमंत्रिपद भाजपकडे जाईल. तर भाजपकडे असलेलं उपमुख्यमंत्रिपद शिवसेनेला मिळेल. शहर विकास, एमएसआरडीसी मंत्रालयं शिंदे पुन्हा एकदा स्वत:कडे ठेवतील. याशिवाय गृह, महसूल, कृषी, आरोग्य, ग्रामविकास, उद्योग, सामाजिक न्याय यांच्यासारख्या महत्त्वाच्या विभागांसाठी शिवसेना आग्रही आहे. शिंदेंना केंद्रात एक कॅबिनेट आणि एक राज्यमंत्रिपददेखील हवं आहे. देवेंद्र फडणवीसांनी कायम आपल्याकडे ठेवलेल्या गृह मंत्रालयावर शिवसेनेचा डोळा आहे.

वजनदार खात्यांसह शिंदेंनी सरकारमध्ये उपमुख्यमंत्री व्हावं, अशी शिवसेना आमदारांची, माजी मंत्र्यांची मागणी आहे. याचा फायदा पक्षाला आणखी मजबूत करण्यासाठी होईल, असं नेत्यांना वाटतं. शिंदे सरकारमध्ये नसल्यास शिवसेनेच्या मंत्र्यांना, आमदारांना विकासनिधी मिळवताना अडचण होऊ शकते. त्यामुळे शिंदेंनी उपमुख्यमंत्रिपद व्हावं, अशी गळ शिवसेना नेत्यांनी घातली आहे.

अजित पवार पुन्हा एकदा उपमुख्यमंत्रिपदासह अर्थ मंत्रालय स्वीकारण्यास उत्सुक आहेत. राष्ट्रवादी कृषी, अन्न आणि नागरी पुरवठा, महिला आणि बाल कल्याण, वैद्यकीय शिक्षण, क्रीडा, ग्राम विकास, सहकार मंत्रालयांसाठी आग्रही आहे. अजित पवारांच्या अर्थ विभागावर भाजपचीही नजर आहे. याशिवाय अर्थ, शहर विकास, सिंचन, उर्जा, पीडब्ल्यूडी, पर्यावरण, पर्यटन, संसदीय कामकाज, कौशल्य विकास, सामान्य प्रशासन ही मंत्रालयंदेखील भाजपला हवी आहेत.

राज्य मंत्रिमंडळाची कमाल सदस्य संख्या ४३ आहे. विधानसभा निवडणुकीत सर्वाधिक १३२ जागा जिंकणारा भाजप २१ मंत्रिपदांसाठी आग्रही आहे. शिवसेनेला १२, तर राष्ट्रवादी काँग्रेसला १० मंत्रिपदं मिळण्याची शक्यता आहे. मुख्यमंत्रिपदावरील दावा सोडल्याच्या बदल्यात शिवसेना महत्त्वाच्या मंत्रिपदांसाठी आग्रही आहे. राष्ट्रवादीला ८ कॅबिनेटसह ३ राज्यमंत्रिपदं हवी आहेत.

भाजपनं १४८ जागा लढवत १३२ जागांवर विजय मिळवला. तर शिवसेनेनं ८० जागा लढवून ५७ जागा जिंकली. एकनाथ शिंदे मुख्यमंत्रिपदासाठी बरेच आग्रही आहेत. आपणच मुख्यमंत्री राहिल्यास त्याचा महायुतीला कसा फायदा होईल, हे पटवून देण्याचा प्रयत्न त्यांच्याकडून सुरु आहे. त्यासाठी ते भाजप नेतृत्त्वाशी वाटाघाटी करत आहेत. तर दुसरीकडे उपमुख्यमंत्री अजित पवारांनी भाजपचा मुख्यमंत्री व्हावा म्हणत आपलं वजन देवेंद्र फडणवीसांच्या पारड्यात टाकलं आहे. या सगळ्या पार्श्वभूमीवर अमित शहा उद्या मुंबईत येत आहेत. भाजपमधील सुत्रांनी दिलेल्या माहितीनुसार, सध्या तीन फॉर्म्युल्यांच्या आधारे मुख्यमंत्रिपदाचा चेहरा ठरू शकतो.
Eknath Shinde: शिंदेच व्हावेत पुन्हा मुख्यमंत्री! शिवसेनेची एकमुखी मागणी, ६ प्रमुख कारणांची यादीच वाचली
सरप्राईज चेहरा दिला जाण्याची शक्यता
महायुतीमधील मित्रपक्षांना सत्तेत वाटा देण्यासाठी भाजप नव्या सरकारमध्ये दोघांना उपमुख्यमंत्रिपद देईल. त्यामुळे राजस्थानमध्ये भाजपनं वापरलेला फॉर्म्युला चर्चेत आहे. तिकडे भाजप नेतृत्त्वानं भजनलाल शर्मा यांना मुख्यमंत्रिपद दिलं. शर्मा पहिल्यांदाच आमदार झाले होते. त्यांना थेट मुख्यमंत्री करण्यात आलं. तशाच प्रकारे भाजप एका नव्या चेहऱ्याला संधी देऊ शकतो.

कॅबिनेटमधील वरिष्ठ सहकारीदेखील स्पर्धेत
भाजपला महाराष्ट्रात मध्य प्रदेशप्रमाणेच तीन चतुर्थांश बहुमत मिळालं आहे. मध्य प्रदेशात भाजपनं मुख्यमंत्री शिवराजसिंह चौहान यांना हटवून मोहन यादव यांच्याकडे धुरा सोपवली. यादव त्याआधी सिंह यांच्या मंत्रिमंडळात कॅबिनेट मंत्री होते. त्याच प्रकारे एखाद्या कॅबिनेट मंत्र्याला मुख्यमंत्रिपदी बढती मिळू शकते.
CM पद सोडा, त्याबदल्यात…; भाजपकडून शिंदेंना ऑफर, मुख्यमंत्रिपदाचा चेहरा ठरला
बिहार पॅटर्न, शिंदेच मुख्यमंत्री?
तिसरा फॉर्म्युला बिहारचा आहे. बिहारमध्ये २०२० मध्ये एनडीएला बहुमत मिळालं. निकालात मुख्यमंत्री नितीश कुमार यांचा पक्ष तिसऱ्या क्रमांकावर राहिला. त्यांचे ४३ उमेदवार निवडून आले. पण भाजपनं कुमार यांना दिलेलं आश्वासन पाळलं आणि त्यांना मुख्यमंत्री केलं. राज्यात महायुती शिंदेंच्या नेतृत्त्वात विधानसभा लढली आहे. त्यामुळे बिहार पॅटर्नच्या आधारे शिंदेच पुन्हा एकदा मुख्यमंत्री होऊ शकतात.

देवेंद्र फडणवीस यांच्या नावाला भाजपच्या नेतृत्त्वानं हिरवा कंदिल दिला आहे. त्यांच्या नावाला शिवसेना आणि राष्ट्रवादी काँग्रेसनंदेखील मान्यता दिली आहे, अशी माहिती द इंडियन एक्स्प्रेसनं सुत्रांच्या हवाल्यानं दिली आहे. ‘मुख्यमंत्रिपासाठी फडणवीस यांच्या नावाला भाजपच्या नेतृत्त्वानं मंजुरी दिलेली आहे,’ अशी माहिती भाजपमधील सुत्रांनी दिली आहे. फडणवीस मुख्यमंत्री होतील आणि शिवसेना, राष्ट्रवादी काँग्रेसला उपमुख्यमंत्रिपद देण्यात येणार आहे. महायुतीमधील सुत्रांनी ही माहिती दिलेली आहे.
भाजपला रोखा, मविआची सत्ता आणा! ओवेसींच्या नेत्यानं सांगितला सरकार स्थापनेचा भन्नाट फॉर्म्युला
मुख्यमंत्रिपद आपल्याकडेच राहावं यासाठी एकनाथ शिंदे यांचे बरेच प्रयत्न सुरु आहेत. त्यासाठी ते गेल्या ३६ तासांपासून वाटाघाटी करत आहेत. पण शिंदेंना पुन्हा मुख्यमंत्रिपद मिळण्याची शक्यता नाही. त्यांना उपमुख्यमंत्रिपद दिलं जाऊ शकतं. शिवसेनेला १२ मंत्रिपदं दिली जाण्याची शक्यता आहे. त्यात काही महत्त्वाची खाती असतील. तर राष्ट्रवादी काँग्रेसला १० मंत्रिपदं मिळतील. भाजप स्वत:कडे २१ मंत्रिपदं ठेवणार आहे.

गृह, अर्थ, शहर विकास, महसूल ही महत्त्वाची खाती मित्रपक्षांना सोडण्यास भाजप सुरुवातीला तयार नव्हता. पण आता यातील काही खाती मित्रपक्षांना देण्याची तयारी भाजपनं दर्शवली आहे. गृह आणि अर्थ खाती आपल्याकडेच असावीत असा भाजपचा आग्रह आहे. यासाठी सध्या वाटाघाटी सुरु आहेत. अखेरच्या क्षणी मंत्रिपदांमध्ये, विभागांमध्ये बदल होऊ शकतो, असं सुत्रांनी सांगितलं आहे.
महायुतीच्या आणखी ६ जणांना आमदार होण्याची संधी; दणदणीत विजयानं लॉटरी, कोणाकोणाची वर्णी?
केंद्रीय गृहमंत्री अमित शहांनी दिल्लीत आज महत्त्वाची बैठक बोलावली आहे. या बैठकीला शिंदे, फडणवीस आणि पवार हजर असतील. यामध्ये मुख्यमंत्रिपदासह अन्य मंत्रिपदांवर चर्चा करण्यात येईल. मित्रपक्षांना मंत्रिमंडळात सन्मानजनक वाटा देण्यात येईल, असा शब्द भाजपच्या केंद्रीय नेतृत्त्वाकडून शिंदे, पवारांना देण्यात आला आहे.