Pushpa 2 रीलिज होऊन ३१ दिवस झाले, तरी अवघ्या काहीच दिवसांपूर्वी रीलिज झालेल्या ‘बेबी जॉन’ला या सिनेमाने धूळ चारली आहे. वरुण धवनचा ‘बेबी जॉन’ गेल्यावर्षी ख्रिसमसला प्रदर्शित झाला. ‘थेरी’ या दाक्षिणात्य सिनेमाचा रीमेक असणारा ‘बेबी जॉन’ बॉक्स ऑफिसवर कमाल दाखवण्यात सपशेल नापास ठरला आहे. एकीकडे पाचव्या शनिवारी ‘पुष्पा २’ने ५.५ कोटी रुपयांची कमाई केली, तर दुसरीकडे रीलिजनंतरच्या दुसऱ्या शनिवारी ‘बेबी जॉन’ने १ कोटी रुपयेदेखील कमावले नाहीत. त्यामुळे हा मल्टिस्टारर सिनेमा ४० कोटींचा आकडा गाठेल की नाही, अशी शंका आहे.

लग्नाआधी बायकोला डेट करताना घाबरलेले गोविंदा; सुनीता यांचे वय अवघे १५ आणि अभिनेत्याचे…
सॅकनिल्कच्या रिपोर्टनुसार या शनिवारी ‘बेबी जॉन’ने केवळ ८० लाख रुपयांची कमाई केली आहे. ओपनिंग डेला या चित्रपटाने ११.२५ कोटी कमावले होते, तेव्हा या चित्रपटाडून अपेक्षा होत्या. मात्र आता व्यवसाय वाढेल याची शक्यता कमीच आहे. एकूण ११ दिवसात या चित्रपटाने केवळ ३७.७५ कोटी रुपयांची कमाई केली आहे. ‘पुष्पा २’च्या कमाईसमोर हे आकडे जवळपासही नाहीत, असे चित्र आहे.

रश्मिका मंदान्ना आणि अल्लू अर्जुन यांचा ‘पुष्पा 2’ हा चित्रपट केवळ या वर्षातील सर्वात मोठा चित्रपट नाही तर भारतातील सर्वात मोठा चित्रपट ठरला आहे. तीन आकड्यांनंतरही या चित्रपटाची कमाई दोन आकड्यांमध्येच आहे. मात्र, शुक्रवारी प्रथमच कलेक्शन सिंगल डिजिटवर पोहोचलं. मात्र दुसऱ्या दिवशी शनिवारी पुन्हा सिनेमाची कमाई पूर्वपदावर आली.

रविवारी ‘पुष्पा 2’ ने १६ कोटींची बंपर कमाई केली

Sacnilk च्या रिपोर्टनुसार, चित्रपटाने शनिवारी १२ कोटी ५ लाख रुपयांची कमाई केली होती, तर रविवारी १६ कोटी रुपयांची बंपर कमाई केलीये. या चित्रपटाने हिंदीत जवळपास १२ कोटी ७५ लाख रुपयांची कमाई केली आहे. एकूणच, चित्रपटाने केवळ देशांतर्गत बॉक्स ऑफिसवर ११५७ कोटी ३५ लाखांची कमाई केली आहे. सिनेमाच्या फक्त हिंदी भाषेच्या कमाईबद्दल सांगायचं तर या सिनेमाने ७५३ कोटी ९ लाख रुपये कमावले आहेत.

‘पुष्पा २’च्या जगभरातील कलेक्शनचा विचार केला तर या चित्रपटाने जवळपास १६३७ कोटींची कमाई केली आहे. या चित्रपटाने २४ दिवसांत जगभरात १६१८ कोटींची कमाई केली होती. तर परदेशात या चित्रपटाने जवळपास २६० कोटींची कमाई केली आहे. त्याचबरोबर इंडिया ग्रॉस कलेक्शनबद्दल सांगायचं तर ‘पुष्पा 2’ने १३८० कोटी रुपयांची कमाई केली आहे. ‘दंगल’ नंतर हा चित्रपट ‘बाहुबली 2’ च्या अगदी जवळ आला आहे आणि जगभरात सर्वाधिक कमाई करणारा चित्रपट आहे. मात्र, ‘बाहुबली 2’ला मागे टाकण्यासाठी ‘पुष्पा 2’ला १५० कोटींपेक्षा जास्त कमाई करावी लागणार आहे.

२३व्या दिवशी किती झाली कमाई?

तिकीट विक्रीतही ‘पुष्पा २’ सिनेमाने १६% घट अनुभवली. २७ डिसेंबर रोजी या सिनेमाच्या तेलगू भाषेतील आवृत्तीने १.९१ कोटी रुपये आणि हिंदीमध्ये ६.५ कोटींची कमाई केली. तर तामिळ भाषेत ३० लाख रुपये, कन्नडमध्ये ३० लाख आणि मल्याळममध्ये १० लाख रुपयांची कमाई झाली आहे.

हिंदीमध्ये सर्वाधिक कमाई

Sacnilk ने दिलेल्या रिपोर्टनुसार, सुरुवातीच्या आकडेवारीचा अंदाज असा आहे की, या चित्रपटाने ११२८ कोटी रुपयांचा टप्पा ओलांडला आहे. हिंदी बॉक्स ऑफिसवर ७५० कोटींच्या कमाईकडे सिनेमाची वाटचाल सुरू आहे, सध्या हा आकडा ७३१.१५ कोटी रुपयांवर पोहोचला आहे. मूळ तेलुगू भाषेत प्रदर्शित झालेल्या या सिनेमाच्या हिंदी आवृत्तीचे बॉक्स ऑफिस कलेक्शन आघाडीवर आहे, तर तेलुगू आवृत्तीने आतापर्यंत ३२०.१३ कोटींची कमाई केली आहे. म्हणजेच तेलुगू भाषेतील या सिनेमाची कमाई हिंदीपेक्षा निम्मी आहे. सिनेमाच्या इतर व्हर्जननी एकत्रितपणे ७७.४८ कोटी रुपयांची कमाई केलीये.

कित्ती गोड! राहा कपूर ठरतेय पापाराझींची आवडती स्टारकिड; लेकीच्या कृतीमुळे आलियालाही आवरेना हसू
‘पुष्पा 2: द रुल’ची कमाई आठवड्यानुसार पाहिल्यास, पहिल्या आठवड्यात ७२५.८ कोटी रुपयांची कमाई झाली. तर दुसऱ्या आठवड्यात ही कमाई २६४.८ कोटी रुपयांपर्यंत घटली. यानंतर या कमाईत आणखी घट होऊन तिसऱ्या आठवड्यात १२९.५ कोटी रुपयांची कमाई झाली आहे.

आणखी एक रेकॉर्ड

पहिल्या आठवड्याच्या तुलनेत कमाई घटली असली तरीही, मिळालेल्या माहितीनुसार बॉक्स ऑफिसवर तिसऱ्या आठवड्यात १०० कोटी रुपयांचे नेट कलेक्शन करणाारा ‘पुष्पा २’ हा पहिलाच हिंदी सिनेमा आहे. ‘पुष्पा २’ आता २०२४ मधील सर्वाधिक कमाई करणारा भारतीय चित्रपट ठरला आहे.

‘बेबी जॉन’ची किती झाली कमाई?

Sacnilk च्या रिपोर्टनुसार, ‘बेबी जॉन’ने पहिल्या दिवशी देशभरात १२.५० कोटी रुपयांचे नेट कलेक्शन केले. रिलीजपूर्वी, आगाऊ बुकिंगमधून सिनेमाने ३.५२ कोटी रुपयांची कमाई केली. यानंतर स्पॉट बुकिंगमधून मिळणाऱ्या कमाईतही वाढ झाली. ही कमाई वाढण्याचे महत्त्वाचे कारण म्हणजे, आगाऊ बुकिंगसाठी ‘बेबी जॉन’ला तीन दिवसांचा अवधी मिळाला होता.

एक मास मूव्ही, ॲक्शन फिल्म आणि हॉलिडे रिलीज असल्याने ‘बेबी जॉन’ने पहिल्या दिवशी आणखी जास्त कमाई केली असती, पण असे झाले नाही. याचे कारण म्हणजे सकाळच्या आणि दिवसभराच्या शोजनंतर सायंकाळच्या आणि रात्रीच्या शोमध्ये प्रेक्षकांच्या संख्येत फारशी वाढ झाली नाही. ‘बेबी जॉन’चे बजेट १८५ कोटी रुपये आहे, सध्या ज्या बजेटचे चित्रपट बनतात त्या दृष्टीने हे फार नाही. त्यामुळे या चित्रपटाला अजूनही संधी आहे. रीलिजनंतर पहिलाच वीकेंड पाच दिवसांचा मिळाला आहे, त्यामुळे या कमाईत वाढ होऊ शकते. या वर्षातील आणखी एक हिट चित्रपट होण्याकडे ‘बेबी जॉन’ वाटचाल करू शकतो.

पुष्पा २ला अजूनही प्रेक्षकांची पसंती

२५ डिसेंबर रोजी अल्लू अर्जुनचा ‘पुष्पा २ – द रुल’ पुन्हा हिंदी बॉक्स ऑफिसवर प्रेक्षकांची पहिली पसंती राहिला. रिलीजच्या २१व्या दिवशी सिनेमाच्या हिंदी आवृत्तीमधून १५ कोटी रुपयांची कमाई झाली आहे. तर पाचही भाषांचा समावेश केला असता, या सिनेमाने बुधवारी १९.७५ कोटी रुपयांचा व्यवसाय केला. पुढचे काही दिवस या कमाईत घट होईल असे चिन्ह नाही. आतापर्यंत या सिनेमाने हिंदीमध्ये ११०९.८५ कोटी रुपयांची कमाई केली आहे. हिंदी व्हर्जनने आतापर्यंत ७१६.६५ कोटी, तर तेलुगू आवृत्तीने ३१६.३० कोटी रुपयांचा व्यवसाय केला आहे.

देशांतर्गत बॉक्स ऑफिसवर ११०९ कोटींचा गल्ला पार

सॅकनिल्कच्या रिपोर्टनुसार अल्लू अर्जुनच्या चित्रपटाने २१ व्या दिवशीही रेकॉर्ड तोडले. या चित्रपटाने तिसऱ्या बुधवारी १९.७५ कोटींची कमाई केली. एकूण या सिनेमाची कमाई भारतात आतापर्यंत ११०९.८५ कोटी रुपये झाली आहे. चित्रपटाने आतापर्यंत हिंदीमध्ये एकूण ७१६.६५ कोटी रुपयांची कमाई केली आहे, जी इतर भाषेतील व्हर्जनपेक्षा सर्वाधिक आहे. मूळ तेलगू भाषेत या चित्रपटाने २१ दिवसांत ३१६.३ कोटी कमावले. ही कमाई हिंदी आवृत्तीच्या जवळपास निम्मी आहे . या चित्रपटाची तुलना गेल्या वर्षी याच काळात प्रदर्शित झालेल्या रणबीर कपूरच्या ‘ॲनिमल’शी केली तर ‘पुष्पा २’ या शर्यतीत खूप पुढे आहे. रणबीरच्या ‘ॲनिमल’ने गेल्या वर्षी ख्रिसमसला केवळ ०१.८५ कोटींची कमाई केली होती. तर जगभरात मिळून ‘पुष्पा २’ने १५७० कोटी रुपयांची कमाई केली आहे. याविषयी योग्य आकडे अद्याप समोर आलेले नाहीत.

सई ताम्हणकरने गाजवलं २०२४! सिनेमा, सीरिज अन् OTTवर मराठमोळ्या अभिनेत्रीची हवा; बॉलिवूडमध्येही चर्चा

चेंगराचेंगरीत घडलं अघटित

४ डिसेंबर रोजी या चित्रपटाच्या प्रीमियरच्या वेळी हैदराबादमध्ये थिएटरमध्ये झालेल्या चेंगराचेंगरीत एका महिलेचा मृत्यू झाला होता आणि त्या महिलेचा मुलगा गंभीर जखमी झालेला. परिस्थिती एवढी चिघळली होती की, त्याला व्हेंटिलेटरवर ठेवले होते. आता असे अपडेट समोर आले आहे की, त्याला व्हेंटिलेटरवरून काढण्यात आले असून त्यांना बरे होण्यासाठी वेळ लागेल. या दरम्यान असे वृत्त आहे की, या कुटुंबाला ‘पुष्पा २’च्या निर्मात्यांनी आधी ५० लाख रुपयांची आर्थिक मदत दिली होती आणि आता अल्लू अर्जुनने आणखी २ कोटी रुपये दिले आहेत.

अल्लू अर्जुनची साडेतीन तास झाली चौकशी

याच प्रकरणात नुकतीच अभिनेत्याला अटक करण्यात आली होती आणि दुसऱ्या दिवशी त्याची जामिनावर सुटका करण्यात आली. संध्या थिएटर चेंगराचेंगरी प्रकरणी हैदराबाद पोलिसांनी पुन्हा गेल्या मंगळवारी त्याची साडेतीन तासांहून अधिक वेळ चौकशी केली. गरज पडल्यास त्याला पुन्हा चौकशीसाठी यावे लागेल, असेही पोलिसांनी सांगितले.

तीन विवाहित पुरुषांच्या प्रेमात पडलेली अभिनेत्री, सौरव गांगुलींशीही जोडलेले नाव! आता सिंगल राहून सांभाळतेय राजकारण
‘पुष्पा २’ ने १०८९.८५ कोटींची कमाई केली आहे

Sacnilk च्या रिपोर्टनुसार, तिसऱ्या मंगळवारीही या चित्रपटाच्या कमाईत लक्षणीय वाढ झाली आहे. मंगळवारी या चित्रपटाने १४.२५ कोटींची बंपर कमाई केली आहे. पुष्पा २ ने केवळ हिंदीत ११.५ कोटींची कमाई केली आहे. आतापर्यंत सिनेमाने एकूण १०८९.८५ कोटींची कमाई केली आहे. एकट्या हिंदीत चित्रपटाची कमाई ७०१.६५ कोटींवर पोहोचली आहे.

जगभरात १५५० कोटींचे केलक्शन

जगभरातील कलेक्शनबद्दल बोलायचे झाले तर या चित्रपटाने जवळपास १५५० कोटींची कमाई केली आहे. या चित्रपटाने परदेशात १९ दिवसांत १५२६.९५ कोटींची कमाई केली. तेथील एकूण कमाई २५० कोटींच्या पुढे गेली आहे. जगभरातील कमाईच्या बाबतीत हा चित्रपट अजूनही या दोन चित्रपटांच्या तुलनेत मागे आहे.

पोटापाण्यासाठी मुंबईत रिक्षाचालकाचे केले काम, ५० रुपयांत स्टेज करणारे कॉमेडियन बनले कोट्यवधींचे मालक
‘पुष्पा २’ या दोन चित्रपटांच्या मागे आहे

‘बाहुबली २’ ने १७८८.०६ कोटी रुपयांच्या कलेक्शनचा रेकॉर्ड केला होता, जो ‘पुष्पा २’ सहज गाठू शकतो. तर ‘दंगल’ने जगभरात सर्वाधिक म्हणजेच २०७०.३ कोटी रुपयांची कमाई करण्याचा विक्रम केला होता. मात्र, अल्लू अर्जुनला आमिर खानच्या चित्रपटाचा विक्रम मोडणे कठीण होणार असे वाटते.

अल्लू अर्जुनने ३०० कोटी रुपयांची तगडी फी घेतली

रिपोर्ट्सनुसार, अल्लू अर्जुनने या चित्रपटासाठी ३०० कोटी रुपये इतकी मोठी रक्कम घेतली आहे. हा चित्रपट बनवण्यासाठी निर्मात्यांनी जवळपास ५०० कोटी रुपये खर्च केले आहेत.

पुष्पा २चं २०व्या दिवसाचं कलेक्शन

पुष्पा 2 च्या २० व्या दिवसाच्या कलेक्शनबद्दल सांगायचं तर, सॅकनिल्कच्या रिपोर्टनुसार, चित्रपटाने आतापर्यंत ७.८६ कोटी रुपये कमावले असून हे आकडे अजूनही अपडेट केले जात आहेत. रात्री ही संख्या वाढणार आहे. अंतिम डेटा सकाळीच अपडेट केला जातो. एवढ्या कलेक्शननंतर पुष्पा 2 चं कलेक्शन आता १०८३.४६ कोटी झालं आहे.

‘लक्ष्मी निवास’ मालिकेत आणखी एका अभिनेत्याची एन्ट्री; साकारणार धमाकेदार भूमिका
तिसऱ्या आठवड्यात पुष्पा २ सिनेमाची उत्सुकता कमी झालीये. या चित्रपटाने शुक्रवारी १४ कोटी ३ लाख रुपये, शनिवारी २४ कोटी ७५ लाख रुपये, रविवारी ३२ कोटी ९५ लाख रुपये आणि सोमवारी १३ कोटी रुपये कमावले आहेत. ही आकडेवारी भारताची आहे. सिनेमाच्या जगभरातील कमाईबद्दल बोलायचं झाल्यास या चित्रपटाने १६०० कोटींचा आकडा पार केला आहे.

‘महाराष्ट्राची हास्यजत्रा’ फेम अभिनेता झळकतोय नाना पाटेकरांच्या सिनेमात; ‘वनवास’मधील भूमिकेचं होतंय कौतुक
पुष्पा 2 लवकरच KGF Chapter 2 च्या जागतिक कलेक्शनला भारतीय कलेक्शनमधून मागे टाकेल. दरम्यान, या सिनेमात अल्लू अर्जुनसोबत रश्मिका मंदान्ना आणि फहद फासिल मुख्य भूमिकेत आहेत. अशातच पुष्पा २च्या भरगोस यशानंतर आता प्रेक्षकांना पुष्पाच्या तिसऱ्या भागाची उत्सुकता लागली आहे.

‘पुष्पा २: द रुल’ हा चित्रपट देशभरात आणि जगभरात बॉक्स ऑफिसवर राज्य करत आहे. भारतात या सिनेमाचं वेड सर्वांनाच लागलं आहे आणि त्यामुळे हा सिनेमा बॉक्स ऑफिसवर बक्कळ कमाई करतोय. दुसऱ्या वीकेंडला या चित्रपटाने जोरदार कमाई केली होती, मात्र दुसऱ्या सोमवारी चित्रपटाच्या कमाईत घट दिसून आली.
कहाणी चोरुन तयार केलेला आमिर खानचा लोकप्रिय सिनेमा? ज्येष्ठ अभिनेत्याचे गंभीर आरोप
अशातच, ‘पुष्पा 2: द रुल’च्या कमाईबद्दल बोलायचं झाल्यास, या चित्रपटाने देशांतर्गत बाजारात रिलीजच्या पहिल्या आठवड्यात ७२५ कोटी ८ लाख रुपयांचा व्यवसाय केला. यानंतर चित्रपटाने दुसऱ्या शुक्रवारी ३६ कोटी ४ लाख आणि दुसऱ्या शनिवारी ६३ कोटी ३ लाख रुपयांची कमाई केली. दुसऱ्या रविवारी ७६ कोटी ६ लाख रुपये आणि दुसऱ्या सोमवारी २६ कोटी ९५ लाख रुपयांची कमाई केली आहे.

Sacknilk च्या सुरुवातीच्या ट्रेंड रिपोर्टनुसार, ‘पुष्पा 2: द रुल’ ने रिलीजच्या १३व्या दिवशी म्हणजेच दुसऱ्या मंगळवारी सर्व भाषांसह देशांतर्गत बाजारात २४.२५ कोटी रुपयांची कमाई केली आहे. यांसह, ‘पुष्पा 2: द रुल’ची १३ दिवसांची एकूण कमाई आता ९५३.३ कोटींवर पोहोचली आहे. यामध्ये ‘पुष्पा 2: द रुल’ने १३ दिवसांत तेलुगूमध्ये २९०.९ कोटी रुपये, हिंदीमध्ये ५९१.१ कोटी रुपये, तामिळमध्ये ५०.६५ कोटी रुपये, कन्नडमध्ये ६.८७ कोटी रुपये आणि मल्याळममध्ये १३.७८ कोटी रुपये कमावले आहेत. ‘पुष्पा 2’ १३व्या दिवशी हिंदी भाषेत सर्वाधिक कमाई करणारा चित्रपट ठरला आहे.
कपूर कुटुंबात कोणालाच नाही शिक्षणाची गोडी, एकमेव अभिनेता ठरला अपवाद, शिकण्यासाठी सोडलं बॉलिवूड
सुकुमार दिग्दर्शित ‘पुष्पा 2: द रुल’ने आणखी एक यश संपादन केलं असून १३व्या दिवशी १८.५ कोटींची कमाई करून हा चित्रपट हिंदी भाषेतील सर्वाधिक कलेक्शन करणारा चित्रपट ठरला आहे. यासह या चित्रपटाने अनेक मोठे चित्रपट मागे टाकले आहेत.

अल्लू अर्जुन स्टारर पुष्पा 2 हा भारतातील दुसरा सर्वाधिक कमाई करणारा चित्रपट आहे. त्याने टॉप ३ मध्ये प्रवेश करण्यासाठी कल्की 2898 एडी, स्त्री 2, पठाण आणि गदर 2 यांसह अनेक चित्रपटांना मागे टाकलं आहे. आता सा सिनेमाची टक्कर बाहुबली २ सिनेमासोबत आहे. भारतीय चित्रपटसृष्टीत इतिहास रचण्यासाठी पुष्पा 2 ला आता जवळपास ७८ कोटी रुपयांची गरज आहे.

पुष्पा २ सिनेमाचं जगभरातील कलेक्शनबद्दल सांगायचं झाल्यास, या सिनेमाने KGF चॅप्टर 2 चा रेकॉर्ड देखील मोडला आहे. लोक हा चित्रपट एकदा नाही तर २-३ वेळा पाहत असल्याचं मीडिया रिपोर्टनुसार समजून आलंय.

RRR चा रेकॉर्ड मोडला

Sacnilkच्या रिपोर्टनुसार, पुष्पा २ने जगभरात १३२२ कोटींची कमाई केली आहे. या सिनेमाने RRR KGF Chapter 2 ला मागे टाकून तिसरा सर्वाधिक कमाई करणारा भारतीय चित्रपट बनला आहे. RRR सिनेमाचं कलेक्शन १२३० कोटी आहे आणि KGF चॅप्टर २चं कलेक्शन १२१५ कोटी आहे. त्याचबरोबर बाहुबली २ने १७९० कोटींची कमाई केली होती तर दंगलने २०७० कोटींची कमाई केलीये. त्यामुळे अल्लू अर्जुनचा पुष्पा २ सिनेमा लवकरच लांबचा पल्ला गाठण्याची शक्यता आहे.

पुष्पा २ने भारतात जवळपास ९२९ कोटींची कमाई केली असून या सिनेमाला १००० कोटींच्या क्लबमध्ये सामील व्हायला जास्त वेळ लागणार नाही.
CM चा लेक म्हणजे तो बिघडलेलाच! जिनिलियाचा पहिल्या भेटीत झालेला गैरसमज, असं फुललं रितेशसोबतचं नातं
दरम्यान, पुष्पा २ सिनेमात अल्लू अर्जुनसोबत रश्मिका मंदान्ना आणि फहद फासिल महत्त्वपूर्ण भूमिका साकारताना दिसत आहेत. चाहत्यांना या चित्रपटाचं वेड लागलं असून या सिनेमाला पहिल्या भागापासून ते दुसऱ्या भागापर्यंत प्रेक्षकांचं प्रेम मिळत आहे. त्यामुळे आता प्रेक्षकांच्या मनात पुष्पाच्या तिसऱ्या भागाची उत्कंठा वाढली असून तिसरा भाग कधी प्रदर्शित होणार याकडे सर्वांचं लक्ष लागलं आहे.

‘पुष्पा 2: द रुल’ ने ११व्या दिवशी किती कमाई केली?

‘पुष्पा 2: द रुल’ रिलीजच्या दुसऱ्या आठवड्यात आहे आणि त्याची क्रेझ अजूनही प्रेक्षकांच्या मनात आहे. रिलीजच्या पहिल्या आठवड्यातच या चित्रपटाने प्रचंड कमाई केली नाही तर दुसऱ्या आठवड्यामध्येही या ॲक्शन थ्रिलरने धमाल केली. दुसऱ्या शनिवारीही हा चित्रपट पाहण्यासाठी चित्रपटगृहांमध्ये प्रेक्षकांच्या रांगा लागल्या होत्या. दुसऱ्या रविवारीही चित्रपट पाहण्यासाठी प्रेक्षक मोठ्या संख्येने आले होते. यासोबतच ‘पुष्पा 2: द रुल’नेही दुसऱ्या वीकेंडला धुमाकूळ घातलाय.
Ustad Zakir Hussain Passed Away : उस्ताद झाकीर हुसेन काळाच्या पडद्याआड, कुटुंबीयांनी दिलं निधनाचं वृत्त
चित्रपटाच्या कमाईबद्दल बोलायचं झाल्यास, ‘पुष्पा 2: द रुल’ने पहिल्या आठवड्यात ७२५ कोटी ८ लाखांची कोटींची कमाई केली आहे. ९व्या दिवशी चित्रपटाने ३६ कोटी ४ लाखांची कमाई केली, तर १०व्या दिवशी ‘पुष्पा 2: द रुल’चं कलेक्शन ६३.३ कोटी रुपये होतं. आता चित्रपटाच्या ११व्या दिवसाच्या कमाईचे प्रारंभिक आकडे आले आहेत.

Sacknilk च्या सुरुवातीच्या ट्रेंड रिपोर्टनुसार, ‘पुष्पा 2: द रुल’ ने रिलीजच्या ११व्या दिवशी म्हणजेच दुसऱ्या रविवारी ७५ कोटी रुपयांची कमाई केली आहे. यांसह, ‘पुष्पा 2: द रुल’चे ११ दिवसांचं एकूण कलेक्शन आता ९०० कोटींवर पोहोचलं आहे. रिलीजच्या ११ दिवसांत, चित्रपटाने तेलगूमध्ये २७९.३५ कोटी रुपये, हिंदीमध्ये ५५३.१ कोटी रुपये, तामिळमध्ये ४८.१ कोटी रुपये, कन्नडमध्ये ६.५५ कोटी रुपये आणि मल्याळममध्ये १३.४ कोटी रुपये कमावले आहेत.
हे सुंदर क्षण…. झाकीर हुसेन यांची ती पोस्ट ठरली अखेरची, भारताने हिरा गमवल्याचे चाहत्यांचे म्हणणे

‘पुष्पा 2: द रुल’ ने यशच्या KGF 2 चा रेकॉर्ड मोडला

‘पुष्पा 2: द रुल’ने दुसऱ्या वीकेंडलाही बॉक्स ऑफिसवर खळबळ उडवून दिली आहे. या चित्रपटाने रिलीजच्या ११ दिवसांत विक्रमी ९००.५ कोटींची कमाई करून इतिहास रचला आहे. सुकुमार दिग्दर्शित या चित्रपटाने यशच्या ब्लॉकबस्टर चित्रपट ‘KGF चॅप्टर 2’ च्या कलेक्शनचा विक्रम मोडीत काढला आहे. ‘पुष्पा 2: द रुल’ हा देशातील सर्वाधिक कमाई करणारा दुसरा चित्रपट ठरला आहे.