जे तुम्हाला अडीच वर्षांत जमलं नाही ते आमच्या शिंदे साहेबांनी करुन दाखवलं, अशा शब्दांत माजी मंत्री आणि शिवसेनेचे नेते गुलाबराव पाटील यांनी अजित पवारांवर निशाणा साधला. ‘एकनाथ शिंदे लाडक्या बहिणांचे लाडके भाऊ झाले. शेतकऱ्यांचे लाडके भाऊ झाले. तरुणांचा मित्र झाले. मायबहिणींचे आशीर्वाद घेऊन हा माणूस लढतोय. शिंदे साहेबांवर टीका करणं योग्य नाही, असं पाटील म्हणाले.
Rohit Pawar: शरद पवारांकडून रोहित पाटलांवर मोठी जबाबदारी; आबांच्या लेकाच्या नावावर मोठा विक्रम
‘आम्ही विधानसभा निवडणुकीत केवळ ८५ जागा लढलो. कदाचित अजितदादा मध्ये आले नसते, तर त्या जागा आमच्या वाट्याला आल्या असत्या, तर आज तुम्हाला शिवसेनेच्या ९० ते १०० जागा दिसल्या असत्या. भाजपनं अजितदादांना सोबत घेतलं. त्यावेळी आमच्या नेत्यांनी तुम्ही यांना सोबत का घेतलं, असा प्रश्न विचारला नाही,’ असं गुलाबराव यांनी म्हटलं.

गुलाबराव पाटील यांच्या टिकेला राष्ट्रवादी काँग्रेसचे आमदार अमोल मिटकरींनी प्रत्युत्तर दिलं. ‘महायुती म्हणून एकत्र लढलो आहोत तर आता तिघांनी एकत्र राहिलं पाहिजे. विधानसभा निवडणुकीतील विजयासाठी अजित दादांनी मेहनत घेतली. पण आम्ही तिन्ही पक्षांची मेहनत नाकारत नाही. शिंदे साहेबांची मेहनतही आहे. आम्ही नाकारत नाही. फडणवीसांची मेहनतदेखील आम्ही नाकारत नाही,’ असं मिटकरी म्हणाले.
Eknath Shinde: शिवसेनेला हवा नैसर्गिक न्याय! फडणवीस पॅटर्नची मागणी; भाजपच्या त्यागाला लहान भावाकडून काऊंटर
‘तिघांनी मिळून महायुतीची सत्ता आणल्यानंतर महायुतीमधील रामदास कदम, गुलाबराव पाटील हे नेते अजित पवारांना जाणीवपूर्वक लक्ष्य करत आहे. गुलाबराव यांनी त्यांच्या नावाप्रमाणेच राहावं. त्यांचा सुगंध कमी झालेला दिसत आहे. गुलाबराव यांनी गुलाबराव राहावं. जुलाबराव होऊ नये, असा टोला मिटकरींनी लगावला.

एकनाथ शिंदेंनी मुख्यमंत्रिपदाचा निर्णय भाजपच्या नेतृत्त्वावर सोपवला आहे. शिंदे उपमुख्यमंत्रिपद होण्यास फारसे उत्सुक नाहीत. सत्तेबाहेर राहून पक्ष सांभाळायचा असा विचार त्यांच्याकडून सुरु आहे. बाळासाहेब ठाकरे यांच्याप्रमाणे सत्तेत सहभागी न होता पक्ष चालवायचा असा त्यांचा मानस आहे. पण शिंदेंनी सत्तेत सहभागी व्हावं, असा शिवसेनेच्या आमदारांचा, माजी मंत्र्यांचा आग्रह आहे.

एकनाथ शिंदेंनी काल त्यांच्या ठाण्यातील निवासस्थानी पत्रकार परिषद घेतली. त्यानंतर शिवसेनेच्या नेत्यांनी त्यांच्याशी संवाद साधला. तुम्ही सरकारमध्ये या, उपमुख्यमंत्रिपद स्वीकारा, अशी मागणी त्यांनी शिंदे यांच्याकडे केली. सत्तेबाहेर राहून नव्हे, तर सत्तेत सहभागी होऊन सरकार चालवा, असा आग्रह नेत्यांनी शिंदेंकडे धरला. माजी मंत्री गुलाबराव पाटील, दादा भुसे, शंभुराज देसाई, आमदार संजय शिरसाट, प्रताप सरनाईक, भरत गोगावले यांनी शिंदेंशी चर्चा केली.

केंद्रीय गृहमंत्री अमित शहांशी चर्चा करण्यासाठी एकनाथ शिंदे आज दिल्लीला गेले आहेत. ते दिल्लीला जाण्यापूर्वीही शिवसेनेचे नेते त्यांच्या भेटीला पोहोचले. ‘तुम्ही आमचे सर्वोच्च नेते आहेत. तुम्ही आम्हाला सत्तेत हवे आहात. केवळ पक्षप्रमुख म्हणून काम न करता तुम्ही सत्तेत सहभागी व्हा. उपमुख्यमंत्रिपद मिळत असल्यास ते स्वीकारा. सरकारमध्ये चांगल्या पदावर काम करा. तुम्ही मंत्रिमंडळात असणं आमच्यासाठी महत्त्वाचं आहे,’ अशी भूमिका नेत्यांनी शिंदेंकडे मांडली.

शिवसेनेच्या नेत्यांच्या आग्रही मागणीबद्दल एकनाथ शिंदे सकारात्मक आहेत. त्यामुळे ते नव्या मंत्रिमंडळात दिसण्याची शक्यता वाढली आहे. मुख्यमंत्रिपद सोडणारे शिंदे महत्त्वाच्या खात्यांसह महायुती २.० सरकारमध्ये सहभागी होऊ शकतात. या सगळ्या पार्श्वभूमीवर महायुतीच्या दिल्लीतील बैठकीकडे राजकीय वर्तुळाचं लक्ष लागलं आहे.

याआधीच शिवसेनेचे नेते आरोग्यमंत्री डॉ. तानाजी सावंत यांनी राष्ट्रवादीसोबत कॅबिनेटमध्ये सोबत बसत असलो तरी बाहेर आल्यावर उलटी होते. असे विधान केले होते. याच वादग्रस्त विधानावरून महायुतीत वाद चव्हाट्यावर आला होता. त्यावर राष्ट्रवादीचे आमदार अमोल मिटकरी यांनी सावंत यांना ‘एक्स’वर प्रत्युत्तर दिले. ‘जे खेकड्यामुळे धरण फुटले म्हणू शकतात, हाफकिन संस्थेला माणूस म्हणू शकतात, धाराशीव येथील भैरवनाथ साखर कारखान्याचे उद्घाटन शरद पवार यांच्या हस्ते करू शकतात आणि अजित पवार यांच्याकडून निधी घेऊ शकतात ते काहीही बोलू शकतात,’ अशी उपरोधिक टीका मिटकरींनी केली होती. एकंदरीत महायुतीत विधानसभेच्या तोंडावर रोज नवनवे वाद चव्हाट्यावर आलेले दिसत आहेत.

तर वड्डेटीवारांचे अन्न पाणी बंद होईल..

दरम्यान, अजित पवार मोदींच्या जीवावर जगत असल्याचा हल्लाबोल विरोधी पक्षनेते विजय वडेट्टीवार यांनी केला आहे. याच विधानाचा खरपूस समाचार घेत अमोल मिटकरी यांनी वक्तव्यावर पलटवार केला आहे. विजय वडेट्टीवार हेच चंद्रपूर जिल्ह्यातील अवैध धंद्यांच्या भरोशावर जगत असल्याचा आरोप आमदार मिटकरी यांनी केला आहे. चंद्रपूर जिल्ह्यात दारूबंदी झाली तर वडेट्टीवार यांचे अन्न पाणी बंद होईल, असा टोला सुद्धा आमदार मिटकरी यांनी लगावला.

मिटकरींचा महायुतीला सल्ला

भाजपने लाडकी बहीण योजनेचा श्रेय एकट्याने न उचलता महायुतीतील सर्व पक्षांनी घेतला तर याचा चांगला परिणाम आगामी विधानसभेच्या निवडणुकीत मिळेल असा सल्लाही मिटकरी यांनी दिला आहे. जर महायुती असे करत नसेल तर तुमचे राजकीय भविष्याचे काही खरे नाही असा सल्ला मिटकरींनी महायुतीला दिला आहे.

अर्थ मंत्रालयाकडे फाईल पाठवल्यानंतर होणारा उशीर, त्यांच्याकडून काढल्या जाणाऱ्या त्रुटी, त्यामुळे कामं करताना होणारा विलंब यावर गुलाबराव पाटील सविस्तर बोलले. त्यांनी त्यांचा अनुभव यावेळी जाहीरपणे सांगितला. ‘खरं तर मी असं म्हणायला नको. टीव्हीवाले आणि पत्रकारांची मी आधीच माफी मागतो. त्यांनी ही बातमी नाही दाखवली तर बरं होईल. पण अर्थ खात्यासारखं नालायक खातं दुसरं नाही,’ असं गुलाबराव पाटील म्हणाले.
Abhishek Ghosalkar Mueder Case: अभिषेक घोसाळकर हत्या प्रकरणात मुंबई पोलिसांना मोठा धक्का; हायकोर्टाचा महत्त्वाचा आदेश
पाटील यांनी त्यांच्यासोबत घडलेला प्रकार यावेळी कथन केला. ‘आमची फाईल १० वेळा अर्थ विभागाकडे गेली. पण मी पण पक्का आहे. खात्यात फाईल गेली की मी माणूस पाठवायचो. शेख वहा जा के देख क्या चल रहा है. शेख तू आगे का देख. मे तेरे पिछे है, असं त्याला सांगायचो. तिथे जाऊन आमची फाईल निगेटिव्ह होऊन व्हायची. पण मी पिच्छा सोडला नाही. आमच्या लोकांनी पिच्छा सोडला नाही. जर हे पाच-सात लोक माझ्या मागे राहिले नसते तर मीही माझ्या कामाच्या व्यापात दुर्लक्ष केलं असतं. सतत फॉलो अप घेणारा माणूस असला की काम होतं,’ असा घटनाक्रम त्यांनी सांगितला.

पाटील यांच्या विधानाला, अर्थ विभागाच्या कारभारावर घेतलेल्या आक्षेपाला अजित पवार गटाचे प्रवक्ते उमेश पाटील यांनी उत्तर दिलं. ‘गुलाबराव पाटील जबाबदार मंत्री आहेत. ते नेमकं कोणत्या अर्थ खात्याबद्दल बोलताहेत? राज्यातील की केंद्रातील? की इन जनरल अर्थ विभागाबद्दल बोलताहेत? हा प्रश्न त्यांना विचारायला हवा. अर्थ खात्यामधून सर्वाधिक निधी जल जीवन मिशनच्या माध्यमातून त्यांच्या खात्याला मिळालेला आहे. त्यामुले ते राज्याच्या अर्थ खात्यासंदर्भात बोलत असतील असं वाटत नाही, असं पाटील म्हणाले.