बारामती, दीपक पडकर : आगामी विधानसभेच्या निवडणुकीत महाविकास आघाडीच्या १७० ते १७५ जागा निवडून येतील. तुम्ही सुप्रिया सुळेंसारख्या रणरागिनीला खासदार बनवून संसदेत पाठवलं आहे. मागच्या आठवड्यात झालेल्या लोकसभेच्या अधिवेशनात त्यांनी कुणाचीही ठेवली नाही. सगळ्यांची..xxx..असं म्हणत हातवारे करत राष्ट्रवादी काँग्रेस पक्षाचे शरद पवार गटाचे प्रदेशाध्यक्ष जयंत पाटलांनी विरोधकांवर टीका केली. शिवस्वराज्य यात्रा आज बारामतीत दाखल झाली होती. जयंत पाटील बोलत होते. यावेळी खासदार सुप्रिया सुळे, खासदार अमोल कोल्हे, युवा नेते युगेंद्र पवार यांच्यासहअनेक मान्यवर यावेळी उपस्थित होते.

पवार साहेबांच्या एकदा डोक्यात बसलं की मग काय खरं नाही. त्यांच्याकडे जिद्द एवढी प्रचंड आहे की, वयाचा अडसर त्यांच्यासमोर येत नाही. त्यांनी एकदा मनात घेतलं की, तर ते पाठ लावूनच सोडतात. त्यामुळे शहाण्या माणसाने त्यांना डिवचू नये, एकदा जागं केलं.. आणि आवाहन दिल..की पवार साहेब ते तडीस नेतात..असा ८४ वर्षांचा योद्धा तुम्ही सर्वांनी हाताच्या फोडासारखा जपला. त्यामुळे तुम्हा बारामतीकरांचे महाराष्ट्रावर लाख मोलाचे उपकार आहेत, असे जयंत पाटील म्हणाले.
महाविकास आघाडी १७० पेक्षा जास्त जागा जिंकणार, शिवस्वराज्य यात्रेच्या पहिल्याच दिवशी जयंत पाटलांचा हुंकार

लाडकी खुर्ची वाचवण्यासाठी तुम्ही चंद्र जरी मागितला तरी ते देण्याच्या तयारीत आहेत. असं म्हणत लाडक्या खुर्चीसाठी पडेल ते म्हणाल ते करायला तयार आहेत. कारण त्यांना लोकसभेच्या निकालावरून लक्षात आले आहे की, सत्ता जाण्याची शक्यता आहे. त्यामुळे त्यांच्यासाठी सर्व काही लाडके होऊ शकते. असं म्हणत त्यांनी टीकास्त्र सोडले. पुढे पाटील म्हणाले, महाविकास आघाडीने लोकसभा निवडणुकीत जनतेला दिलेली आश्वासने पूर्ण करण्याचे काम तुम्ही निवडून दिलेले महाविकास आघाडीचे शिलेदार करत आहेत.

भारतीय जनता पक्षामध्ये ‘राम’ राहिला नाही

आज भारतीय जनता पक्षामध्ये राम राहिला नाही. तो राम पार्टी सोडून गेला आहे. जिथे जिथे रामाची देवळे आहेत. तिथे तिथे भाजपचा पराभव झाला आहे. त्यामुळे नीतिमत्तेने वागले तर देव राहतो. मात्र अनितीचा पाठपुरावा सुरू केला.भ्रष्ट मार्गाने पुढे जायचा प्रयत्न केला.ती नीती तुम्हाला माफ करत नाही.असंही जयंत पाटील यावेळी म्हणाले.

बीड : राष्ट्रवादी कॉंग्रेस (शरदचंद्र पवार) पक्षाचे प्रदेशाध्यक्ष जयंत पाटील यांनी कृषी मंत्री धनंजय मुंडे यांच्याबद्दल एक खळबळजनक विधान केलं आहे. पंधरा वर्षांपूर्वी धनंजय मुंडे यांना राष्ट्रवादीत घेणे हा आमचा आत्मघातकी प्लॅन होता. जयंत पाटील यांच्या या विधानामुळे राजकीय वर्तुळामध्ये चर्चांना उधाण आलं आहे.

जयंत पाटील हे आगामी विधानसभा निवडणुकीच्या पार्श्वभूमीवर राज्यात फिरत आहेत. अशातच जयंत पाटील हे शनिवारी (27 जुलै) रोजी बीड जिल्ह्याच्या दौऱ्यावर होते. या दौऱ्यात जयंत पाटील यांनी विधानसभा निवडणुकीसाठी इच्छूक असणाऱ्या सदस्यांची बैठक घेतली.

मुंडेंना राष्ट्रवादीत घेणे हा आमचा आत्मघातकी प्लॅन

जयंत पाटील यांना अजित पवारांना भाजपमध्ये आणण्याचा प्लॅन भाजपचा होता का ? असा प्रश्न विचारण्यात आला होता. त्यावर उत्तर देताना जयंत पाटील म्हणाले की, ” गोपीनाथ मुंडे यांनी जे राजकारण केलं ते भाजप सध्या करत नाही. तो आमचाच आत्मघातकी प्लॅन होता”. असं जयंत पाटील यांनी म्हंटलं आहे.
Sharad Pawar : विधानसभेसाठी शरद पवारांनी कंबर कसली! ८३ वर्षांचा योद्धा पुन्हा निवडणुकीच्या रिंगणात

लाडकी बहीण योजनेवरून अजित पवारांवर टीका

जयंत पाटील यांनी उपमुख्यमंत्री अजित पवार यांच्यावर देखील निशाणा साधला आहे. ते म्हणाले की,” राज्य सरकारने लाडकी बहीण योजनेसाठी 35 कोटींची तरतूद केली असल्याची माहिती अजित पवार यांनी ट्विट करत दिली. परंतु हे ट्विट अजित पवार यांनी केलं नाही. त्यांना बळजबरीने करायला लावले आहे. डॉन चित्रपटात बच्चनच्या पिस्तूलमध्ये गोली नव्हती हे फक्त अभिनेत्रीलाच माहीत होते. सध्या तशीच परिस्थिती लाडकी बहीण योजनेची झाली आहे”.

दरम्यान, 2024 च्या लोकसभा निवडणुकीत महायुतीला बीड मध्ये मोठा धक्का बसलेला आहे. महाविकास आघाडीचे उमेदवार बजरंग सोनवणे यांनी भाजपच्या पंकजा मुंडे यांचा पराभव केला. त्याचबरोबर मराठा आरक्षणाच्या मुद्यावरून लोकसभेच्या वेळी बीडमध्ये वातावरण चांगलंच तापलेलं पाहायला मिळालं होतं. आगामी विधानसभेच्या निवडणुकीसाठी अवघे काही दिवस शिल्लक राहिले आहेत. त्यामुळे सर्वच राजकीय पक्ष तयारीला लागले आहेत .

परभणी, डॉ.धनाजी चव्हाण : लोकसभा निवडणुकीपूर्वी महायुतीकडून विशेषतः भाजपकडून राज्यामध्ये सहा रस्ते कॉरिडॉर चे टेंडर प्रक्रिया राबविण्यात आली. या कॉरिडॉरची निविदा चार कंपन्यांना देण्यात आली विशेष म्हणजे ज्या कंपन्यांना ही कामे मिळाली याच कंपन्यांनी लोकसभा निवडणुकीपूर्वी इलेक्ट्रॉल बॉण्डच्या माध्यमातून भारतीय जनता पक्षाला आठ हजार कोटी रुपयांची देणगी दिल्याची धक्कादायक माहिती समोर आली आहे. आम्हाला शंका आहे की याच आठ हजार कोटी रुपये च्या माध्यमातून भाजपने लोकसभा निवडणुकीत पैशाचा धुमाकूळ घातला. एवढ्या मोठ्या प्रमाणावर भाजपकडे जो पैसा आला आहे तो हाच पैसा असल्याची शंका जयंत पाटील यांनी वर्तवली आहे.

राष्ट्रवादी शरद पवार गटाचे प्रदेशाध्यक्ष जयंत पाटील हे परभणी जिल्हा दौऱ्यावर आले होते यावेळी त्यांच्या उपस्थितीत परभणीच्या राष्ट्रवादी भवन येथे निष्ठावंतांचा कार्यकर्ता मेळावा संपन्न झाला या निष्ठावतांच्या कार्यकर्ता मेळाव्याला जिल्हाध्यक्ष माजी आमदार विजय गव्हाणे माजी आमदार विजय भांबळे माजी आमदार सिताराम घनदाट युवकचे जिल्हाध्यक्ष रितेश काळे अतिश गरड यांच्यासह प्रमुख पदाधिकारी उपस्थित होते. यावेळी जयंत पाटीलांनी खळबळजनक खुलासा केला.
Jayant Patil: रिंग रोडच्या कामात ‘रिंग’; ठेकेदार अन् सरकारची मिलीभगत असल्याचा जयंत पाटलांचा आरोप

पुढे बोलताना जयंत पाटील म्हणाले, लोकसभा निवडणुकीपूर्वी महाराष्ट्र सरकारने सहा एक्सप्रेस कॉरिडॉर जाहीर केले या कॉरिडोर साठी तब्बल ९० हजार कोटी रुपयांची कामे काढण्याचा निर्णय घेण्यात आला. या सहा कॉरिडोर पैकी मराठवाड्यात ला जालना ते नांदेड हा कॉरिडॉर आहे. १८४ किलोमीटर लांबीचा हा रस्ता आहे याचा टेंडर होतं ११४४१ कोटी रुपये पण हे टेंडर गेलं तब्बल ४००० कोटी रुपये वाढवून १५,४६४ कोटी रुपयांना. हे काम ज्या कंपनीला गेलो त्या कंपनीचं नाव रोडवेज असून ती मुळात ब्लॅकलिस्टमध्ये आहे. टेंडर प्रमाणे नुसार या रस्त्याच्या एक किलोमीटर कामासाठी तब्बल ८३ कोटी रुपये खर्च येणार आहे. भारताने चंद्रयान योजना राबवली चंद्रावर जाण्यासाठी केवळ ५०० कोटी रुपये लागले पण एक किलोमीटरचा रस्ता बनण्यासाठी ८३ कोटी रुपये सरकार करत खर्च करत असल्याचे जयंत पाटील म्हणाले.

हा पैसा कोणाचा आहे? तर हा पैसा सर्वसामान्यांच्या खिशातला आहे. कारण राज्य सरकारने या रस्त्याच्या कॉरिडोरची जी कामे काढली आहेत ती टोल प्रणाली द्वारे हा पैसा वसूल केला जाणार आहे. त्यामुळे सर्वसामान्य जनता टोलच्या रूपाने शासनाला पैसा जमा करून देते आणि याच टोलवर हे सरकार धाड घालण्याचे काम करत आहे. आपलाच पैसा घेऊन निवडणुकीच्या काळामध्ये तोच पैसा आपल्याला परत देऊन मतदान मागण्याचे घाणेरडे काम हे भाजप सरकार करत आहे त्यामुळे येणाऱ्या विधानसभा निवडणुकीमध्ये अशा जनतेच्या पैशावर धाड घालणाऱ्या पक्षाला धडा शिकवण्याची गरज असल्याचेही जयंत पाटील म्हणाले.
Jayant Patil : ज्यांच्याकडे पाहून भ्रष्ट्राचाराची टीका केली ते तुमच्यासोबत, जयंत पाटलांचे अमित शाहांना प्रत्युत्तर

राज्य सरकारने ही जी कामे काढली आहेत या कामाची डायरेक्ट टेंडर प्रक्रिया पूर्ण केली आहे. पण या कामांना टेक्निकल मंजुरी नाही एडमिनिस्टर अप्रुव्हल नाही भूसंपादनाची प्रक्रिया देखील पूर्ण झाली नाही. ही कामे ज्यांना देण्यात आली त्या केवळ चार कंपन्या आहेत ज्यामध्ये मेघा इंजीनियरिंग रोडवेज नवयुगा जीआर इन्फ्रा अशी नावे आहेत. भारतीय जनता पक्षाला या चारही कंपन्यांनी इलेक्ट्रॉल बोंड माध्यमातून तब्बल आठ हजार कोटी रुपयांची देणगी दिल्याचे समोर आले आहे. त्यामुळे येणाऱ्या विधानसभा निवडणुकीत अशा भ्रष्ट भाजपला सत्तेतून खाली खेचण्याचे काम करावे असेही जयंत पाटील म्हणाले.

राज्य सरकारला आता सर्वजण लाडके वाटू लागले

सध्या महाराष्ट्रातील महायुतीचे सरकार वेगवेगळ्या लोकप्रिय योजनांची घोषणा करत आहे नुकतीच लाडकी बहीण योजना जाहीर करण्यात आली आहे नुकत्याच झालेल्या लोकसभा निवडणुकीत दारुण पराभव पत्रा पत्करावा लागल्यानंतर भाजपसह महायुतीचे नेत्यांना आता सर्वजण लाडके वाटू लागले आहेत त्यामुळे जनतेला लोकप्रिय वाटणाऱ्या अशा नवीन नवीन योजना ते जाहीर करत आहेत पण या योजना दोन ते तीन महिनेच चालतील अशी परिस्थिती आहे निवडणुकीमध्ये या योजना सुरू ठेवायच्या असतील तर आम्हाला मतदान करा असे आम्ही शही हे लोक दाखवू शकतात असे जयंत पाटील म्हणाले

धनाजी चव्हाण, परभणी : विधानसभा निवडणुकांच्या तोंडावर अजित पवार यांच्या राष्ट्रवादी काँग्रेसला पुन्हा एक धक्का बसण्याची शक्यता आहे. कारण राष्ट्रवादी काँग्रेस : शरदचंद्र पवार यांच्या पक्षाचे प्रदेशाध्यक्ष जयंत पाटील यांनी अजितदादा गटातील माजी आमदार बाबाजानी दुर्रानी यांची भेट घेतली. जयंत पाटील यांनी परभणी दौऱ्यात दुर्रानी यांची पाथरी येथील घरी जाऊन भेट घेतली. यावेळी काल रात्री दोघांमध्ये बंद दाराआड झालेल्या चर्चेने भुवया उंचावल्या आहेत. परभणी जिल्ह्यातील राजकीय वातावरण ढवळून निघालं आहे.

जयंत पाटील काय म्हणाले?

बाबाजानी दुर्रानी आणि आमचे जुने संबंध आहेत. त्यांनी आम्हाला जेवणाचं निमंत्रण दिलं होतं. तिथे आमचे राष्ट्रवादीचे असंख्य जुने कार्यकर्ते भेटले. त्यांच्याशी हितगूज केलं, असं जयंत पाटील या भेटीनंतर माध्यमांशी संवाद साधताना म्हणाले.
Pune Floods : पावसाने पुसल्या धर्माच्या रेषा, पूरग्रस्तांना जेवणाची सोय, हिंदू-मुस्लीम-शीख धर्मीय एकवटले
दुर्रानींना पक्षात परत घेणार का? असा प्रश्न पत्रकारांनी विचारला असता, आम्ही उद्या पक्षाची बैठक बोलवू, त्यात काय परिस्थिती आहे पाहू, मी अजून काहीच अभ्यास केलेला नाही, असं मोघम उत्तर जयंत पाटलांनी दिलं.

राष्ट्रवादीत फूट पडल्यानंतर बाबाजी दुर्रानी अजित दादा यांच्यासोबत गेले. निधी मिळवण्यासाठी त्यांनी हा निर्णय घेतल्याचं बोललं जातं. गेल्या वर्षभरात मात्र ते दादा गटाबाबत समाधानी नव्हते. त्यातच मुस्लीम समाजाकडून महायुतीऐवजी महाविकास आघाडीत राहण्याबाबत त्यांच्यावर दबाव होता.

कोण आहेत बाबाजानी दुर्रानी?

बाबाजानी दुर्रानी पाथरी नगरपरिषद सदस्य म्हणून कारकीर्द सुरु केली. शिवसेनेचे तीनवेळ आमदार हरीभाऊ लहाने यांचा पराभव करत राष्ट्रवादीच्या तिकिटावर त्यांनी २००४ मध्ये पहिल्यांदा परभणीतील पाथरी विधानसभा मतदारसंघातून विजय मिळवला होता. २०१२ मध्ये ते परभणी हिंगोली मतदारसंघातून विधान परिषदेवर निवडून गेले. २०१८ मध्ये ते पुन्हा परिषदेवर बिनविरोध विजयी झाले.

नुकताच दुर्रानींच्या विधानपरिषद सदस्यत्वाचा कार्यकाळ संपला. त्यांनी दादांकडे तिकीटही मागितलं. मात्र शरद पवारांनी दोनदा संधी दिलेल्या दुर्रानींची हॅट्ट्रिकची संधी अजितदादांनी रोखली. त्यांच्या जागी राजेश विटेकरांना तिकीट मिळालं. कारण लोकसभेला उमेदवारी मागे घेण्याच्या मोबदल्यात विधानपरिषद देण्याचा शब्द दादांनी विटेकरांना दिला होता. त्यामुळे दुर्रानी काहीसे नाराज असल्याचं बोललं जात होतं.

येत्या काही दिवसात विधानसभा निवडणुका असून बाबाजानी दुर्रानी हे पाथरीतून लढण्यास उत्सुक असल्याचं बोललं जातं. त्यामुळे शरद पवार गटात प्रवेश करुन विधानसभेच्या रिंगणात उतरण्याची मोर्चेबांधणी बाबाजानी यांनी सुरु केल्याचे दिसते.
Dilip Mohite Patil : मोहिते पाटलांना शह देण्याचा चंग, ठाकरेंच्या शिलेदाराने कंबर कसली; पुरंदर, खेड, जुन्नरला मोठी ताकद
नुकतेच अजित पवार गटातील आमदार अतुल बेनके यांनीही शरद पवारांची भेट घेतली होती. त्यांनी दादा-काका एकत्र येण्याविषयी सूचक वक्तव्य केलं होतं. त्यानंतर पिंपरीचे आमदार आणि अजितदादांचे निकटवर्तीय अण्णा बनसोडे यांनीही अजित पवार-शरद पवार यांनी एकत्र येण्याची साद घातली होती.

परभणी(धनाजी चव्हाण): राष्ट्रवादी शरद पवार गटाचे प्रदेशाध्यक्ष जयंत पाटील आज परभणी जिल्हा दौऱ्यवर आले असून त्यांनी परभणीत येतात अजित पवार गटाचे जिल्हाध्यक्ष तथा आमदार बाबाजानी दुर्राणी यांच्या घरी जाऊन सदिच्छा भेट घेतली. रात्रीचे दहा वाजलेले असताना देखील आमदार बाबाजानी दुर्राणी यांच्या घरासमोर शेकडो कार्यकर्ते जमा होते. आमदार दुर्राणी यांच्या घरी बंद दराआड जयंत पाटील यांनी चर्चा देखील केली. त्यामुळे आमदार दुर्राणी आपल्या समर्थकांसह अजित पवारांची साथ सोडून शरद पवार गटात सहभागी होणार का? असा प्रश्न आता निर्माण होत आहे.

परभणी जिल्हा हा शिवसेने पाठवा राष्ट्रवादी काँग्रेसचा देखील बालेकिल्ला आहे. पण राष्ट्रवादी काँग्रेसमध्ये फूट पडल्यानंतर अजित पवारांसोबत परभणी जिल्ह्यातील राष्ट्रवादीचे बहुतांश नेते गेले होते. आमदार बाबाजानी दुर्राणी यांच्यासह त्यांचे सर्व समर्थक अजित पवार गटात सहभागी झाले होते. पण विधान परिषदेला आमदार दुर्राणी यांना विधान परिषदेवर पुन्हा एकदा उमेदवारी अजित पवार यांनी नाकारली. त्यामुळे मागील काही दिवसापासून आमदार बाबाजानी दुर्राणी हे नाराज असल्याचे दिसत होते. त्यामुळे राष्ट्रवादी अजित पवार गटामध्ये अल्बेल असल्याचेही दिसून येत होते. त्यातच राजेश विटेकर यांना विधान परिषदेची उमेदवारी देऊन त्यांना आमदार केल्याने देखील राष्ट्रवादीत दुफळी निर्माण झाल्याचे दिसून येत होते.
Anil Deshmukh: अनिल देशमुखांनी पेन ड्राईव्ह दाखवला; देवेंद्र फडणवीसांना थेट आवाहन, काही पुरावे असेल तर ते उघड करा

त्यातच आज राष्ट्रवादी शरद पवार गटाचे प्रदेशाध्यक्ष जयंत पाटील परभणी जिल्हा दौऱ्यावर आले आहेत. जयंत पाटील यांनी परभणी जिल्ह्यात प्रवेश करतात सर्वात प्रथम त्यांनी अजित पवार गटाच्या आमदार बाबाजानी दुरानी यांच्या घरी जाऊन त्यांची सदिच्छा भेट घेतली. त्यांच्यासोबत माजी आमदार विजय भांबळे यांच्यासह पदाधिकारी उपस्थित होते. जयंत पाटील यांनी स्वतः बाबाजानी दुर्राणी यांच्या घरी जाऊन भेट घेतल्याने पाथरी शहरासह जिल्हाभरामध्ये मात्र सर्वांच्याच भुवया उंचावल्या आहेत.
Solapur News: वृद्धाश्रमात मयत झालेल्या वडिलांच्या मृतदेहाकडे मुलांची पाठ; बाप म्हणायला लाज वाटते;निष्ठुर मुलांचा निरोप

आमदार बाबाजानी दुरानी हे आपल्या समर्थकांसह अजित पवारांची साथ सोडून पुन्हा एकदा शरद पवारांनी यांच्यासोबत जातील का? असा प्रश्न आता सर्वांनाच निर्माण झाला आहे. शरद पवार गटांसोबत बाबाजानी दुर्रणी यांच्या वाटाघाटी यशस्वी झाल्या तर अजित पवार गटाला परभणी जिल्ह्यामध्ये मोठे खिंडार पडणार आहे.

परभणी जिल्ह्यात आमदार बाबाजानी दुर्राण यांना म्हणणारे मोठ्या संख्येने कार्यकर्ते आणि पदाधिकारी आहेत. त्यामुळे जर बाबाजानी दुर्राणी हे शरद पवार गटात गेले तर अजित पवार गटाला प्रचंड नुकसान सहन करावे लागणार आहे.