सांगलीतील तासगाव कवठे महाकाळ मतदारसंघातून रोहित पाटील विजयी झाले आहेत. राष्ट्रवादी काँग्रेसचे दिवंगत नेते, माजी उपमुख्यमंत्री आर. आर. पाटील यांचे ते चिरंजीव आहेत. वयाच्या २५ व्या वर्षी ते आमदार झाले. आता पक्षानं त्यांच्याकडे प्रमुख प्रतोदपद सोपवलं आहे. त्यांच्या सोबत उत्तमराव जानकर यांची प्रतोद पदाची जबाबदारी देण्यात आलेली आहे. ते माळशिरस मतदारसंघातून विजयी झाले आहेत.
Avinash Jadhav: निवडणुकीत मनसेचा पालापाचोळा; राज ठाकरेंच्या डॅशिंग नेत्याचा राजीनामा; पराभव जिव्हारी
शरद पवारांचे विश्वासू, निष्ठावंत अशी ओळख असणाऱ्या जितेंद्र आव्हाड यांची पक्षानं विधानसभेचे गटनेते म्हणून निवड केली आहे. ते मुंब्रा-कळवा मतदारसंघातून सलग चौथ्यांदा विजयी झालेले आहेत. विधिमंडळ नेत्याची निवड पक्षाकडून करण्यात आलेली नाही. ती काही दिवसांनी करण्यात येईल, असं सांगण्यात आलेलं आहे. विधिमंडळातील नेत्यांच्या घोषणा पक्षाचे प्रदेशाध्यक्ष जयंत पाटील यांनी पत्रकार परिषदेत केली.

रोहित पाटील देशातील सर्वात तरुण प्रतोद
वयाच्या अवघ्या २५ व्या वर्षी आमदार झालेले रोहित पाटील आता देशातील सर्वात तरुण मुख्य प्रतोद ठरले आहेत. २००० मध्ये केरळच्या विधानसभेत काँग्रेसनं एन. चंद्रशेखरन यांची मुख्य प्रतोद म्हणून निवड केली होती. त्यावेळी चंद्रशेखरन अवघ्या २७ वर्षांचे होते. चंद्रशेखरन यांच्या नावे सर्वात तरुण मुख्य प्रतोद असा विक्रम झाला. रोहित पाटलांच्या निवडीनं तो विक्रम मोडला गेला आहे. ते केवळ २५ व्या वर्षी विधानसभेतील मुख्य प्रतोद झाले आहेत. विधानसभेचं सदस्य होण्यासाठी किमान वयाची अट २५ वर्ष इतकी आहे.
Eknath Shinde: शिवसेनेला हवा नैसर्गिक न्याय! फडणवीस पॅटर्नची मागणी; भाजपच्या त्यागाला लहान भावाकडून काऊंटर
शरद पवारांच्या पक्षाची विधानसभेत धूळधाण
लोकसभा निवडणुकीत शरद पवारांच्या पक्षानं १० जागा लढवत ८ जागांवर विजय मिळवला. तेव्हा पक्षाच्या स्ट्राईक रेटची बरीच चर्चा झाली. त्यामुळे विधानसभेत पक्ष काय करणार यावर चर्चा सुरु होती. पण महायुतीसमोर पक्षाचा टिकाव लागला आहे. शरद पवारांचे केवळ १० उमेदवारच विजयी झाले. महाविकास आघाडीतील मुख्य पक्षांचा विचार करता पवारांचे सर्वात कमी उमेदवार विजयी झाले आहेत.

शहांची भेट घेऊन शिंदे, फडणवीस, अजित पवार मुंबईत परतले. आज महायुतीची महत्त्वाची बैठक होती. पण शिंदे अचानक त्यांच्या गावी निघून गेले. संध्याकाळच्या सुमारास शिंदे हेलिकॉप्टरनं साताऱ्यातील दरे गावी पोहोचले. शिंदे दोन दिवस मुक्कामी असणार आहेत. यामुळे आता आणखी दोन दिवस सत्ता स्थापनेची चर्चा बारगळणार आहे. काल चेहऱ्यावर दिसलेली नाराजी, त्यानंतर आज अचानक गाठलेलं गाव यामुळे शिंदेंच्या मनात नेमकं चाललंय, असा प्रश्न अनेकांना पडला आहे.
तीन दिवस लगबग, ‘वर्षा’वर लक्षवेधी हालचाली; अखेर त्यांना अश्रू अनावर, शिंदे निघताच ढसाढसा रडले
शिंदे ठाण्यातून दुपारी २ वाजता साताऱ्याला जाण्यास निघणार होते. दुपारी ३ वाजता ते साताऱ्यात पोहोचणार होते. तशी अधिकृत माहिती देण्यात आली होती. शिंदे यांचा कार्यक्रम तसाच होता. पण शिंदे दुपारी वर्षावर असताना त्यांना भेटण्यासाठी प्रहारचे नेते बच्चू कडू पोहोचले. राष्ट्रवादी शपचे आमदार जितेंद्र आव्हाडही वर्षावर गेले. त्यामुळे या नेत्यांची भेट घेऊन निघेपर्यंत संध्याकाळ झाली.

एकनाथ शिंदेंना भेटून निघणाऱ्या जितेंद्र आव्हाडांना पत्रकारांनी बैठकीबद्दल विचारलं. त्यावर त्यांनी बोलणं टाळलं. शिंदे अचानक गावी का निघालेत, असा प्रश्न माध्यमांनी आव्हाड यांना विचारण्यात आला. त्यावर मी याबद्दल शिंदे साहेबांना विचारलं. सततच्या भेटीगाठी, दौऱ्यांमुळे थकवा आला. त्यामुळे आराम करण्यासाठी गावाला जात असल्याचं ते म्हणाले, असं आव्हाडांनी माध्यमांना सांगितलं.
लाडक्या बहिणींचं महायुतीला जोरदार मतदान; नव्या सरकारमध्ये महिलांना खास स्थान, कोणाला संधी?
‘मुंबई, ठाण्यात असताना अनेक जण भेटायला येतात. दिवसरात्र भेटीगाठी सुरु असतात. यामुळे थकवा आला आहे. सततच्या दौऱ्यांमुळे आराम मिळत नव्हता. त्यामुळे आरामासाठी २ दिवस गावी जात आहे. तिथे जाऊन शेतीत लक्ष घालेन. गेल्या अनेक दिवसांपासून २४ तास राजकारण सुरु आहे. त्यातून थोडं बाहेर पडण्यासाठी, मनाला थोडी उसंत मिळावी यासाठी गावी चाललोय, असं शिंदेंनी मला सांगितलं,’ अशी माहिती आव्हाडांनी दिली.

उपमुख्यमंत्री देवेंद्र फडणवीस यांनी मंगळवारी उद्धव ठाकरे यांना आव्हान देताना मुंब्र्यात छत्रपती शिवाजी महाराज यांचा पुतळा उभारण्याचे आव्हान दिले होते. त्यावर डाॅ. जितेंद्र आव्हाड यांनी फडणवीस यांना प्रतिआव्हान दिले.

डाॅ. आव्हाड म्हणाले, मुसलमानांना कायम वाईट नजरेतून पहायचे, ही छत्रपती शिवाजी महाराज यांची शिकवण नाही. छत्रपती शिवाजी महाराज यांच्यासोबत औरंगजेबाच्या दरबारात गेलेला मदारी मेहतर हादेखील मुसलमानच होता. तेव्हा, उद्धव ठाकरे यांना जे आव्हान दिले आहे ते आपण स्वीकारतो. तुम्ही मला पुतळा आणि सरकारी परवानग्या द्या, आपण पुतळा उभारतो आणि पुतळ्याचे अनावरण करायला उद्धव ठाकरे यांना बोलावतो. पण, कृपा करून मुंब्र्याला बदनाम करू नका. मुंब्र्याला बदनाम करण्याची जी सवय लागली आहे; ती दूर करण्यासाठी बदलले मुंब्रा एकदा बघायला या. मुंब्र्यात तुमचे स्वागतच होईल, हेही मी तुम्हाला सांगतो.
Donald Trump: १९ गोल्फ कोर्स, ५८ बेडरुमचं घर, आलिशान विमान अन् गाड्या; ट्रम्प यांच्या संपत्तीत घसघशीत वाढ
मी कळवा – मुंब्र्याचे प्रतिनिधित्व करतो जिथे ५० टक्के मुस्लिम आहे ५० टक्के हिंदू आहेत. पण, कृपया मुंब्र्याला बदनाम करू नका ! मुंब्र्यात कुणीही छत्रपती शिवाजी महाराजांचा विरोधक रहात नाही. मतांसाठी हिंदू – मुस्लीम तुष्टीकरण करू नका, असेही डाॅ. जितेंद्र आव्हाड म्हणाले.

राम मंदिराच्या उभारणीत भ्रष्टाचार झाल्यानेच आता छत गळत आहे. मी देखील २८ मंदिरे बांधली आहेत. पण, त्याचा गाजावाजा करीत नाही. मुंब्रा स्टेशनच्या बाजूला सुंदर मंदिर बांधले आहे. लोकांकडून वर्गणी गोळा करून तुळजाभवानीचे मंदिर बांधत आहे. देव हृदयात असावा लागतो. त्याचे प्रदर्शन करायचे नसते. मी हिंदू आहे. पण, मंदिरांच्या नावावर द्वेष पसरविणारा नाही.

संविधानाबाबत त्यांना छेडले असता जे राहुल गांधी यांनी संविधान दाखवले होते; त्याचा रंग लाल का आहे, याचा अर्थ त्यांनी यावेळी समजून सांगितला. लाल रंगाचा अर्थ प्रेम , हृदय , क्रांतीचा रंग लाल आहे, असे ते म्हणाले. आमचं रक्त सळसळत आहे. कारण तुम्ही संविधान बदलणार म्हणून, हृदयाचा रंग लाल आहे त्याचा काय नक्षलवाद्यांशी संबध आहे का, लहान पोरांसारखे खेळ करतात. राज ठाकरे म्हणाले होते की, मदरशांमध्ये मशिनगन मिळतील; पण, आजही माझे म्हणणे आहे की, मदरशांमध्ये वस्तराही मिळणार नाही. तुम्हाला हिंदूंना मुसलमानांच्या नावाने भडकवायचे आहे, असेही ते म्हणाले.

बारामतीचा विकास शरद पवारांनी केला

अजित पवार यांनी जाहीर केलेल्या अहवालात बारामतीचा विकास आपण केला असा उल्लेख केला आहे, यावर आव्हाड यांना विचारले असता बारामतीचा विकास शरद पवार यांनी केला असल्याचे त्यानी स्पष्ट केले. अजित दादांचे योगदान नाकारत नाही, मात्र शरद पवार मायनस म्हणजे बारामती काहीही उरत नाही असेही ते म्हणाले. अजित पवार म्हणत आहेत की, “कधी नव्हे एवढा निधी त्यांनी बारामतीत आणला आहे”. या वाक्यातून त्यांच्या मनातील पराभवाची भीती प्रतित होत आहे. मी कळवा – मुंब्र्यात अद्ययावत रूग्णालय उभे केले आहे. पैशाशिवाय उपचार ही अरविंद केजरीवाल यांची संकल्पना मी माझ्या मतदारसंघात राबविली आहे. आता अजित पवार कॅन्सर हॉस्पिटलची घोषणा करीत आहेत. पण, त्यांना सांगतो की, मी उभारलेल्या हाॅस्पीटलमध्ये कँन्सरसंबधीत सर्व उपचारांची यंत्रणा सज्ज आहे. अगदी केमोथेरपी, रेडियशन यांचीही व्यवस्था आहे. जे मी केले ते गेली ३० वर्षे मंत्री असलेले अजित पवार आता करीत आहेत. यावरून ते पराभवाच्या भीतीने पछाडले आहेत, हे दिसून येत आहे, असेही डाॅ. जितेंद्र आव्हाड म्हणाले.

शरद पवारांनी संन्यास घ्यावा, असे अजित पवार म्हणाले. त्यावर, संसदीय निवडणूकीतून शरद पवार माघार घेतील पण राजकारणातून त्यांना माघार घेता येणार नाही, असेही ते म्हणाले. राजकारणातून निवृत्त होण्याचा निर्णय आम्हाला विचारल्या शिवाय ते घेणार नाहीत, असेही डाॅ. जितेंद्र आव्हाड यांनी सांगितले.

लाडकी बहिण कोणाची आहे अजित दादांची आहे , मुख्यमंत्र्यांची आहे की देवा भाऊंची आहे की प्रत्येकाची एक- एक आहे अशी खिल्ली त्यांनी उडवली. लाडक्या बहिणींची महागाईतील दिवाळी कशी गेली हे या तिघांनीही विचारलेले नाही. मतांच्या नादात तिजोरीवर भार वाढला आहे. इथे पोलिसांचा पगार झाला नाही, पुढच्या महिन्यात शासकीय नोकरांच्या पगार होईल की नाही ते सांगता येत नाही केवळ घोषणांचा पाऊस पडायला काय लागत असा सवाल त्यांनी केला.

जितेंद्र आव्हाडांनी अजित पवारांवर केलेल्या टीकेचा राष्ट्रवादी काँग्रेस अजित पवार गटाचे आमदार अमोल मिटकरी यांनी सडेतोड उत्तर दिला आहे. जितेंद्र आव्हाड हे कोणाची अवलाद आहे हे मी जाहीर भाषणातून मुंब्रात येऊन सांगणार असल्याच मिटकरी म्हणाले आहेत. तर जितेंद्र आव्हाड यांनी त्यांच्या गुंडांना या सभेत भाषण ऐकण्यासाठी पाठवण्याचा चॅलेंज सुद्धा केले आहे. आव्हाड ही एक व्यक्ती असू शकत नाही ती एक विषप्रवृत्ती आहे. ज्या पद्धतीने त्यांनी अजितदादांच्या वडिलांबद्दल वक्तव्य केले आणि त्यांच्या आई-वडिलांचा अपमान केला. हे शरद पवारांना मान्य आहे का? हे एकदा त्यांनी स्पष्ट करावे. किंवा सुप्रिया सुळे यांना मान्य आहे का? तुमच्या पक्षातील एक नेता दादांच्यावर ज्या खालच्या पातळीवर टीका करतो आणि तुम्ही त्याला मुकसंमती देता म्हणजे तुम्ही अजित दादांच्या वडिलांचा अपमान सहन करत आहात का? आणि जर तुम्हाला हा अपमान सहन होत नसेल तर जितेंद्र आव्हाडांना मुंबा येथून परत बोलवा आणि पवार साहेबांनी त्यांचे थोबाड फोडावे.

ज्या पद्धतीने आज जितेंद्र आव्हाड बोलले आहेत. त्याला त्याच पद्धतीने उत्तर मी स्वत: मुंब्रा येथे जाऊन सभा घेऊन देणार आहे, असे मिटकरी म्हणाले.

जितेंद्र आव्हाड यांच्या मेंदूला लकवा मारला

अजित पवारांवर केलेल्या या टीकेवर रुपाली ठोंबरे यांनी देखील उत्तर दिले आहे. आव्हाड हे स्वत: महापाकीटमार चोर आहेत. ज्यांना कावीळ झाली असते त्यांना जग पिवळे दिसते. त्यांच्या पक्षातील लोकांना विनंती आहे की आव्हडांवर तातडीने उपचार करा अन्यथा आम्ही कायदेशीर उपचार करत जशास तसे उत्तर देऊ असे रुपाली ठोंबरे म्हणाल्या.

आमदार जितेंद्र आव्हाड काय म्हणाले?

ही पाकिटमारांची टोळी आहे, तुमच्यात हिंमत होती, अजित पवार मर्दाची औलाद असते तर बोलले असते शरद पवार यांनी तुतारी निशाणी घेतली आणि म्हटलं असतं की मी पण दुसरं कोणतं चिन्ह घेऊन निवडणूक लढवतो तर त्यांना मर्द म्हटलं तर असतं. काकाने देशात वाढवलेला पक्ष माझा पक्ष असल्याचं म्हणून फिरत आहात. पण जनतेला वास्तव माहित आहे. असं जितेंद्र आव्हाड म्हणाले.

आव्हाडांच्या मेंदूला लकवा मारलाय- रूपाली ठोंबरे-पाटील

जितेंद्र आव्हाडांनी दादांवर केलेल्या टीकेनंतर राष्ट्रवादीचे नेते आक्रमक झाले आहे. पुण्यातील राष्ट्रवादीच्या नेत्या रूपाली ठोंबरे-पाटील यांनी आव्हाड यांच्या मेंदूला लकवा मारला आहे. आव्हाड हे घरभेदी असून शरद पवार आणि अजित पवार यांना दूर करणाऱ्यांमध्ये प्रथमस्थानी असल्याचा गंभीर आरोप केला आहे.

आव्हाडांनी याआधीसुद्धा अनेकदा चुकीच्या शब्दांचा वापर केलाय, ज्यामुळे ते अनेकदा अडचणीत सापडले होते हे त्यांनी लक्षात ठेवावं. आपण कोणाला चोर, पाकिटमार म्हणतो याचा विचार केला पाहिजे, कारण तुमच्यासोबत जे २०-२५ वर्षे सोबत राहिले त्यांनाही हे वक्तव्य लागू होत असल्याचं छगन भुजबळ यांनी म्हटलं आहे. आता यावर अजित पवार काय प्रतिक्रिया देतात हे पाहणं महत्त्वाचं ठरणार आहे.

या मतदारसंघात आव्हाडांना घेरण्याचे मनसुबे अजित पवार यांच्या राष्ट्रवादीने सुरू केले असून आव्हाडांच्या विरोधात ठाणे महापालिकेचे माजी नगरसेवक नजीब मुल्ला यांना उमेदवारी देण्यात आली आहे. मात्र आता जितेंद्र आव्हाडांसाठी गृहसंकुलांनी केलेला प्रचार सध्या चर्चेचा विषय ठरत आहे.

महाराजांनी सूरत लुटली नव्हती

देवेंद्र फडणवीस म्हणाले की, ” आम्हाला कॉंग्रेसने इतिहासात शिकवली की, छत्रपती शिवाजी महाराज यांनी सुरतेची लूट केली. पण, महाराजांनी सूरत लुटली नव्हती. महाराजांनी आपल्या स्वराज्याच्या खजिना योग्य त्या लोकांकडून घेतला होता. महाराजांनी सूरत कधी लुटलीच नव्हती, महाराज जणू काही सर्व सामान्य लोकांची लूट करायला गेले असा इतिहास कॉंग्रेसने आम्हाला शिकवला, त्यांना माफी मागायला सांगणार आहात का?” असं विधान देवेंद्र फडणवीस यांनी केलं आहे.
Ajit Pawar VS Sharad Pawar : पवारांचा कोणता पैलवान बारामतीची गदा जिंकणार? असं आहे संपूर्ण गणित

फडणवीस साहेबांनी कहर केला

फडणवीसांच्या या विधानावरून जितेंद्र आव्हाड यांनी जोरदार हल्लाबोल केला आहे. ते म्हणाले की, ” फडणवीस साहेबांनी कहर केला आहे. ते म्हणताय की महाराजांनी फक्त छावणी लुटली सूरत लुटली नाही. माझं फडणवीसांना आव्हान आहे. बर्नियर नावाच्या इतिहासकाराने हे लिहून ठेवलं आहे. त्याकाळी सूरत हे व्यापाऱ्यांचे मोठे ठिकाण होते. त्यांच्या मनात लढाईच्या वेळी सुरतेतून मदत झाली हा राग होता. हा आमचा अभिमान आहे. आणि फडणवीस म्हणतात हे सगळं कॉंग्रेसने केलं आहे. इतिहासकारांना कॉंग्रेस पक्ष सांगायला गेला होता का? महाराज छावणी लुटायला गेले असं म्हणतात. परंतु हे चुकीचे आहे. महाराज स्वराज्य निर्माण करण्यासाठी जन्माला आले होते. तुम्ही महाराजांना लहान करण्याचा प्रयत्न करत आहात. तसेच त्यांचे शौर्य कमी करण्याचा प्रयत्न करत आहात”.

पंतप्रधान नरेंद्र मोदींनी मागितली माफी

पंतप्रधान नरेंद्र मोदी यांनी छत्रपती शिवाजी महाराज यांच्या पुतळा दुर्घटनेवरून माफी मागितली आहे. छत्रपती शिवाजी महाराज आमचे आराध्य दैवत आहे. त्यांच्या चरणी नतमस्तक होऊन माफी मागतो. असं पंतप्रधान मोदी म्हणाले होते.

दरम्यान, देवेंद्र फडणवीसांच्या या विधानामुळे पुन्हा नव्याने वाद होण्याची शक्यता आहे.