फॅशन स्ट्रीटच्या बाजूला एक मोठा मंच उभारण्यात आला आहे. फॅशन स्ट्रीटसमोरील फाटकातून महत्त्वाच्या व्यक्तींच्या प्रवेशाची सोय करण्यात आली आहे. पुद्दुचेरी येथे आलेल्या चक्रीवादळमुळे महाराष्ट्रात पावसाचा अंदाज वर्तवण्यात आला आहे. त्याचा विचार करत संपूर्ण मंडप आच्छादित करण्यात आला आहे. या मंडपाचे छत आतून भगव्या रंगाच्या कपड्याने सजवले आहे. त्याशिवाय खाली पांढऱ्या-हिरव्या रंगाचे कापडही घातले आहे.
फडणवीसच मुख्यमंत्री! मुंबईत आझाद मैदानावर आज महायुतीचा शपथविधी सोहळा, मंत्रिमंडळात संधी कोणाला?

आंदोलक मैदानाबाहेर

आझाद मैदानातील एक कोपरा आंदोलकांसाठी राखून ठेवलेला आहे, मात्र गुरुवारी शपथविधी होईपर्यंत त्या कोपऱ्यात एकही आंदोलक दिसणार नाही, याची खबरदारी घेण्यात आली आहे. ज्या ठिकाणी आंदोलन होते, ती जागा पोलिसांनी ताब्यात घेतली आहे. त्याशिवाय जिथे आंदोलक बसतात, त्या ठिकाणी पोलिस पथाऱ्या पसरून बसल्याचेही चित्र होते.

आझाद मैदानात चोहूबाजूंनी कडेकोट पोलिस बंदोबस्त आहे. शपथविधीच्या ठिकाणी पोहोचण्यासाठी महापालिकेसमोरील मार्ग आणि इतर मार्ग उपलब्ध असतील. मात्र, बुधवारी या सर्व मार्गांवर, आझाद मैदानात मोठ्या प्रमाणावर पोलिस होते. मुंबईतील सर्व पोलिस ठाण्यातील बहुतांश कर्मचाऱ्यांना आझाद मैदानात ड्युटी लावल्याचे काही पोलिसांनी सांगितले. पोलिसांच्या श्वान पथकातील स्फोटके शोधणारे दोन श्वानही या ठिकाणी तैनात करण्यात आले होते. काही पोलिस गुरुवारच्या मुख्य कार्यक्रमाआधी आराम करत होते. वरिष्ठ अधिकारी काही पथकांना सूचना देत गुरुवारच्या कार्यक्रमाची रूपरेषा, सुरक्षेची व्यवस्था आदींबाबत सांगत होते.

उपमुख्यमंत्री देवेंद्र फडणवीस यांनी मंगळवारी उद्धव ठाकरे यांना आव्हान देताना मुंब्र्यात छत्रपती शिवाजी महाराज यांचा पुतळा उभारण्याचे आव्हान दिले होते. त्यावर डाॅ. जितेंद्र आव्हाड यांनी फडणवीस यांना प्रतिआव्हान दिले.

डाॅ. आव्हाड म्हणाले, मुसलमानांना कायम वाईट नजरेतून पहायचे, ही छत्रपती शिवाजी महाराज यांची शिकवण नाही. छत्रपती शिवाजी महाराज यांच्यासोबत औरंगजेबाच्या दरबारात गेलेला मदारी मेहतर हादेखील मुसलमानच होता. तेव्हा, उद्धव ठाकरे यांना जे आव्हान दिले आहे ते आपण स्वीकारतो. तुम्ही मला पुतळा आणि सरकारी परवानग्या द्या, आपण पुतळा उभारतो आणि पुतळ्याचे अनावरण करायला उद्धव ठाकरे यांना बोलावतो. पण, कृपा करून मुंब्र्याला बदनाम करू नका. मुंब्र्याला बदनाम करण्याची जी सवय लागली आहे; ती दूर करण्यासाठी बदलले मुंब्रा एकदा बघायला या. मुंब्र्यात तुमचे स्वागतच होईल, हेही मी तुम्हाला सांगतो.
Donald Trump: १९ गोल्फ कोर्स, ५८ बेडरुमचं घर, आलिशान विमान अन् गाड्या; ट्रम्प यांच्या संपत्तीत घसघशीत वाढ
मी कळवा – मुंब्र्याचे प्रतिनिधित्व करतो जिथे ५० टक्के मुस्लिम आहे ५० टक्के हिंदू आहेत. पण, कृपया मुंब्र्याला बदनाम करू नका ! मुंब्र्यात कुणीही छत्रपती शिवाजी महाराजांचा विरोधक रहात नाही. मतांसाठी हिंदू – मुस्लीम तुष्टीकरण करू नका, असेही डाॅ. जितेंद्र आव्हाड म्हणाले.

राम मंदिराच्या उभारणीत भ्रष्टाचार झाल्यानेच आता छत गळत आहे. मी देखील २८ मंदिरे बांधली आहेत. पण, त्याचा गाजावाजा करीत नाही. मुंब्रा स्टेशनच्या बाजूला सुंदर मंदिर बांधले आहे. लोकांकडून वर्गणी गोळा करून तुळजाभवानीचे मंदिर बांधत आहे. देव हृदयात असावा लागतो. त्याचे प्रदर्शन करायचे नसते. मी हिंदू आहे. पण, मंदिरांच्या नावावर द्वेष पसरविणारा नाही.

संविधानाबाबत त्यांना छेडले असता जे राहुल गांधी यांनी संविधान दाखवले होते; त्याचा रंग लाल का आहे, याचा अर्थ त्यांनी यावेळी समजून सांगितला. लाल रंगाचा अर्थ प्रेम , हृदय , क्रांतीचा रंग लाल आहे, असे ते म्हणाले. आमचं रक्त सळसळत आहे. कारण तुम्ही संविधान बदलणार म्हणून, हृदयाचा रंग लाल आहे त्याचा काय नक्षलवाद्यांशी संबध आहे का, लहान पोरांसारखे खेळ करतात. राज ठाकरे म्हणाले होते की, मदरशांमध्ये मशिनगन मिळतील; पण, आजही माझे म्हणणे आहे की, मदरशांमध्ये वस्तराही मिळणार नाही. तुम्हाला हिंदूंना मुसलमानांच्या नावाने भडकवायचे आहे, असेही ते म्हणाले.

बारामतीचा विकास शरद पवारांनी केला

अजित पवार यांनी जाहीर केलेल्या अहवालात बारामतीचा विकास आपण केला असा उल्लेख केला आहे, यावर आव्हाड यांना विचारले असता बारामतीचा विकास शरद पवार यांनी केला असल्याचे त्यानी स्पष्ट केले. अजित दादांचे योगदान नाकारत नाही, मात्र शरद पवार मायनस म्हणजे बारामती काहीही उरत नाही असेही ते म्हणाले. अजित पवार म्हणत आहेत की, “कधी नव्हे एवढा निधी त्यांनी बारामतीत आणला आहे”. या वाक्यातून त्यांच्या मनातील पराभवाची भीती प्रतित होत आहे. मी कळवा – मुंब्र्यात अद्ययावत रूग्णालय उभे केले आहे. पैशाशिवाय उपचार ही अरविंद केजरीवाल यांची संकल्पना मी माझ्या मतदारसंघात राबविली आहे. आता अजित पवार कॅन्सर हॉस्पिटलची घोषणा करीत आहेत. पण, त्यांना सांगतो की, मी उभारलेल्या हाॅस्पीटलमध्ये कँन्सरसंबधीत सर्व उपचारांची यंत्रणा सज्ज आहे. अगदी केमोथेरपी, रेडियशन यांचीही व्यवस्था आहे. जे मी केले ते गेली ३० वर्षे मंत्री असलेले अजित पवार आता करीत आहेत. यावरून ते पराभवाच्या भीतीने पछाडले आहेत, हे दिसून येत आहे, असेही डाॅ. जितेंद्र आव्हाड म्हणाले.

शरद पवारांनी संन्यास घ्यावा, असे अजित पवार म्हणाले. त्यावर, संसदीय निवडणूकीतून शरद पवार माघार घेतील पण राजकारणातून त्यांना माघार घेता येणार नाही, असेही ते म्हणाले. राजकारणातून निवृत्त होण्याचा निर्णय आम्हाला विचारल्या शिवाय ते घेणार नाहीत, असेही डाॅ. जितेंद्र आव्हाड यांनी सांगितले.

लाडकी बहिण कोणाची आहे अजित दादांची आहे , मुख्यमंत्र्यांची आहे की देवा भाऊंची आहे की प्रत्येकाची एक- एक आहे अशी खिल्ली त्यांनी उडवली. लाडक्या बहिणींची महागाईतील दिवाळी कशी गेली हे या तिघांनीही विचारलेले नाही. मतांच्या नादात तिजोरीवर भार वाढला आहे. इथे पोलिसांचा पगार झाला नाही, पुढच्या महिन्यात शासकीय नोकरांच्या पगार होईल की नाही ते सांगता येत नाही केवळ घोषणांचा पाऊस पडायला काय लागत असा सवाल त्यांनी केला.

चित्रा वाघ काय म्हणाल्या?

चित्रा वाघ म्हणाल्या की, ” देवेंद्र फडणवीस हे एक व्हिजन असणारे नेते आहेत. त्यांच्या नेतृत्वात महाराष्ट्राने विकासकामांमध्ये आणि प्रगतीमध्ये एक नंबर गाठला आहे. जात पात बाजूला ठेऊन काम करणारा आमचा नेता आहे. त्यामुळे आगामी विधानसभेमध्ये भाजपच्या जास्तीत जास्त जागा निवडणून येऊ द्या. आणि पुन्हा एकदा देवेंद्र फडणवीस यांना मुख्यमंत्री पदावर काम करण्याची संधी बाप्पाने द्यावी अशी इच्छा आमची आहे. असं मागणं चित्रा वाघ यांनी बाप्पाकडे मागितले आहे.

अमोल मिटकरींनी अजित पवारांसाठी व्यक्त केली इच्छा

चित्रा वाघ यांच्या अगोदर अजित पवार गटाचे नेते अमोल मिटकरी यांनी अजित पवार मुख्यमंत्री व्हावे अशी इच्छा गणपतीकडे व्यक्त केली आहे. ते म्हणाले की, ”सालाबाद प्रमाणे याही वर्षी माझ्या घरी गणपतीचा उत्सव आहे. सर्व धर्म समभाव जपणारा आमचा गणपती आहे. सर्व समाजाची मुलं आमच्या गणपती उत्सवात सहभागी होतात. राज्याचे उपमुख्यमंत्री अजित पवार यांनी दहाव्यांदा राज्याचा अर्थसंकल्प मांडला आहे. त्यामध्ये महिलांसाठी ई -पिंक रिक्षा योजना आहे. मोफत शिक्षणाची सुविधा आहे. शेतकऱ्यांना मोफत विजबील आहे. आणि सर्वात महत्वाची लाडकी बहिण योजना राबवण्यात आली आहे. याच योजनेच्या भरवश्यावर 2024 ची विधानसभा निवडणूक जिंकून अजितदादा पुढच्या वर्षी मुख्यमंत्री होतील आणि बाप्पाची पूजा करतील.असं मिटकरी म्हणाले आहेत.

दरम्यान, थोड्याच दिवसांत राज्यात विधान सभा निवडणुका पार पडणार आहेत. त्यामुळे मुख्यमंत्रिपदावरून दावे प्रतीदावे सुरू झाल्याचे पाहायला मिळत आहेत.

आता या सगळ्या पार्श्वभूमीवर लोकसभा निवडणुकीच्या वेळी महायुतीतील घटक पक्ष म्हणून भाजप आणि राष्ट्रवादी काँग्रेस यांच्या मध्ये झालेले मनोमिलन आता औटघटकेचेच ठरले आहे. हर्षवर्धन पाटलांनी मात्र अजून ही संयमाची भूमिका ठेवली आहे. हर्षवर्धन पाटील यांनी काही भूमिका व्यक्त न करताच भाजपचे प्रदेशाध्यक्ष चंद्रशेखर बावनकुळे यांनी थेट मत व्यक्त केल्याने हर्षवर्धन पाटील देखील दुखावले आहेत. आपण भाजपमध्ये काही मागण्यासाठी गेलो नव्हतो. आपला जो अनुभव होता, त्या अनुभवाचा फायदा भाजपने करून घ्यायला हवा होता. अशा शब्दात हर्षवर्धन पाटील यांनी थेट नाराजी व्यक्त केली. संपूर्ण राज्यात इतर कुठेच काही घडत नाही, मात्र प्रत्येक वेळी इंदापूरच्या जागी बाबत तिढा निर्माण होतो अशा शब्दात हर्षवर्धन पाटील यांनी आपल्या स्वपक्षाला देखील फटकारले.
Maharashtra BJP: लोकसभेला कामगिरी दमदार; भाजपनं विदर्भात उतरवले २९ पैकी २९ जागा जिंकणारे ४ शिलेदार

येत्या दोन तीन दिवसात निर्णय जाहीर करणार

हर्षवर्धन पाटलांनी येत्या तीन ते चार दिवसांमध्ये आपण प्रमुख पदाधिकाऱ्यांशी गावागावातील नेत्यांशी बोलून निर्णय जाहीर करणार आहोत असे सांगितले आहे. एकंदरीत हर्षवर्धन पाटील यांच्या कार्यकर्त्यांचा कल हा हर्षवर्धन पाटलांनी अपक्ष उमेदवारी जाहीर करावी अथवा थेट तुतारी हातात घ्यावी अशा स्वरूपाचा आहे. अर्थात तुतारीकडेच जाण्याकडे सर्वांचा कल आहे. त्याला कारण असे की, जर अपक्ष उमेदवारी जाहीर केली. तर राष्ट्रवादी काँग्रेस शरदचंद्र पवार पक्ष देखील इंदापुरात स्वतःचा उमेदवार उभा करू शकतो. अशा पार्श्वभूमीवर मतांचे विभाजन होऊन हर्षवर्धन पाटलांना फटका बसू शकतो. हा फटका टाळायचा असेल तर तुतारीकडे जाण्याशिवाय पर्याय नाही असेच मत प्रमुख पदाधिकाऱ्यांचे आहे. सध्या तरी हर्षवर्धन पाटील यांनी वेट अँड वॉच ची भूमिका घेतली असून ते देवेंद्र फडणवीस यांना देखील भेटणार आहेत. अर्थात दोन दिवसापूर्वीच देवेंद्र फडणवीस यांनी हर्षवर्धन पाटील आमचे नेते आहेत. इंदापूरचा तिढा निर्माण झाला आहे. आमच्या समोर पेच आहे, मात्र तो चर्चा करून सोडू असे वक्तव्य केले आहे. खरोखरच देवेंद्र फडणवीस यांना हा तिढा सोडवता आला तर भाजपमधील इतरही पदाधिकाऱ्यांचे आउटगोइंग फडणवीस थांबवू शकतात.

मात्र, जर हर्षवर्धन पाटील इतरत्र गेले, तर त्याचा मोठा फटका भाजपला बसू शकतो, कारण हर्षवर्धन पाटील हे मोठे नेते आहेत. त्यांच्या जाण्याने भाजपचे मोठे नुकसान होऊ शकते. अगोदरच मोहिते पाटील राष्ट्रवादी काँग्रेस शरदचंद्र पवार पक्षात गेले आहेत. हर्षवर्धन पाटील जर पुन्हा त्याच मार्गाने गेले तर भाजपमध्ये यापूर्वी 2014 ते 19 च्या दरम्यान आलेले काँग्रेसचे अनेक नेते पुन्हा आपापल्या पक्षात परतू शकतात.

या पार्श्वभूमीवर हर्षवर्धन पाटलांचे जाणे भाजपला परवडणार नाही, याचीही जाणीव भाजपच्या शीर्षस्थ नेतृत्वाला आहे. मात्र जिंकणाऱ्याची जागा हे गृहीत आणि महायुतीतील जागा वाटपाचे गणित मेळात धरले तर इंदापूरची जागा राष्ट्रवादी काँग्रेस अजित पवारांच्याच पक्षाला द्यावी लागेल. अशा वेळी देवेंद्र फडणवीस यांनी लोकसभेच्या निवडणुकी वेळी अजित पवारांसोबत मनोमिलन करण्यासाठी हर्षवर्धन पाटलांच्या उपस्थितीत भाजपच्या कार्यकर्त्यांना दिलेले पालकत्वाचे आश्वासन फुसके ठरण्याची शक्यता नाकारता येत नाही. त्यामुळेच या पार्श्वभूमीवर हर्षवर्धन पाटील येत्या काही दिवसात राष्ट्रवादी काँग्रेस शरदचंद्र पवार पक्षात गेले तर नवल वाटायला नको.