अजित दादांची साथ सोडणाऱ्या अजित गव्हाणेंच्या खांद्यावर ‘बंदूक’ आणि त्यामध्ये भाजपला रामराम ठोकनाऱ्या रवि लांडगे यांची ‘गोळी’… अन् या दोघांच्या रणनितीमागे विलास लांडे यांची ‘राजकीय खेळी’ असल्याची चर्चा सुरु झाली आहे. पिंपरी-चिंचवडमधील राजकारणातील मातब्बर नेता असलेले माजी आमदार विलास लांडे हे स्वतः महायुतीत असल्याचे भासवून त्यांची महाविकास आघाडीकडून निवडणूक लढवण्याच्या तयारी असल्याच्या चर्चांना आता पेव फुटला आहे.
Pune Crime News: बदलापुरनंतर आता पुण्यात संतापजनक प्रकार; नामांकित शाळेतच अल्पवयीन मुलीवर अत्याचाराचा प्रयत्न, १९ वर्षीय विद्यार्थ्याला अटक

२०१७ मध्ये भाजपाच्या तिकीटावर बिनविरोध निवडून आलेले रवि लांडगे यांनी आज शिवसेना उद्धव बाळासाहेब ठाकरे पक्षात प्रवेश केला आहे. महापालिकेत स्थायी समिती सभापती पद मिळाले नाही म्हणून स्थानिक नेते आणि त्यातही भोसरीचे आमदार महेश लांडगे यांच्यावर ते नाराज होते. नगरसेवकपदाचा कार्यकाळ संपत आला त्यावेळी ही नाराजी अधिक उफाळून आली. महापालिकेत प्रशासकीय राजवट लागू झाल्यानंतर रवि लांडगे यांनी तत्कालीन एकसंध राष्ट्रवादीचे नेते अजित पवार यांच्याशी जवळीक साधली. दोन वर्षांपूर्वीच त्यांनी भाजपाच्या सदस्यत्वाचा राजीनामा तत्कालीन प्रदेशाध्यक्ष चंद्रकांत पाटील यांच्याकडे अधिकृतपणे पाठवला होता.

सध्यस्थितीला रवि लांडगे भाजपाच्या कोणत्याही पदावर किंवा प्राथमिक सदस्य देखील नाहीत. त्यामुळे रवि लांडगे यांनी शिवसेना (उद्धव बाळासाहेब ठाकरे ) पक्षात प्रवेश केल्याने भाजपाला फटका बसेल अशी सुताराम शक्यता नाही. महायुतीविरोधात किंबहुना भाजपाविरोधात ही निवडणूक लढवायची असल्यामुळे दोनवर्षांपूर्वी राजीनामा दिलेल्या रवी लांडगे यांचब्या बंडामुळे भाजपाला फटका बसेल, असे शक्यता फार कमी आहे.

विलास लांडे यांचा परिवार शरद पवारांच्या मंचावर

विलास लांडे हे सध्या अजित पवारांच्या राष्ट्रवादीत आहेत. त्यांच्या सौभाग्यवती माजी महापौर मोहीनी लांडे आणि मुलगा माजी नगरसेवक विक्रांत लांडे हे जाहीरपणे राष्ट्रवादी शरदचंद्र पवार गटाच्या व्यासपीठावर दिसत आहेत.इतकंच नाही तर अजित पवारांची साथ सोडताना अजित गव्हाणे यांनी आपण हे सगळं आपले राजकीय गुरु विलास लांडे यांना विचारूनच करत असल्याचं म्हंटल होतं. त्यामुळे लांडे हे प्रथमदर्शनी महायुतीत दिसत असले तरी त्यांची रणनिती महाविकास आघाडीसाठी सुरू आहे का? अशी चर्चा आता शहराच्या राजकीय वर्तुळात दबक्या आवाजात सुरु झाली आहे.

दरम्यान, रवि लांडगे यांचा १५ ऑगस्ट रोजी वाढदिवस निमित्त अभिष्ठचिंतन कार्यक्रम झाला. त्यावेळी विलास लांडे यांनी केलेले वक्तव्य राजकीय संकेत देणारे आहे. ‘‘सध्या अजित आणि रवि दोघेही सक्षमपणे काम करीत आहेत. हे दोघे तयार आहेत, म्हणून मी थांबतो असे म्हटले. पण, मी अजून काही म्हातारा झालो नाही’’ हे वाक्य भोसरीसह पिंपरी-चिंचवडच्या राजकारणाची दिशा निश्चित करणारे आहे.

विलास लांडे शरद पवार यांचे विश्वासू

दरम्यान, विलास लांडे यांनी शरद पवार यांचा फोटो आपल्या देव्हाऱ्यात ठेवला आहे. याचा उल्लेख त्यांनी जाहीरपणे अनेकदा केला आहे. त्यामुळे ८० वर्षांच्या पवारांशी निष्ठा असल्याचे सांगणारे विलास लांडे राजकारणातून निवृत्ती घेतील, असे म्हणणे हे आज मितीला घाईचे ठरेल.

विलास लांडे महाविकास आघाडीचा चेहरा, पवारांची न उमजणारी खेळी?

त्यामुळे शरद पवार यांच्यावर निष्ठा असणारे विलास लांडे हेच भोसरीतून निवडणुकीच्या रिंगणात महाविकास आघाडीकडून उतरू शकतात आणि महाविकास आघाडीला पिंपरी-चिंचवडमध्ये सर्वाधिक प्रभावी चेहरा मिळू शकतो. हाच शरद पवार आणि त्यांचा निकटवर्ती नेत्याचा ‘मास्टर प्लान’ असू शकतो. तोपर्यंत अजित गव्हाणे आणि रवि लांडगे यांच्यासह ठाकरे गटाच्या सुलभा उबाळे, धनंजय आल्हाट ही मंडळी महायुतीविरोधात रान पेटवण्याचे काम करीत राहतील यात शंका नाही.

‘महामेट्रो’च्या पिंपरी-चिंचवड ते स्वारगेट या मेट्रो ‘मार्गिका-१’चा विस्तार अनुक्रमे निगडी आणि कात्रजपर्यंत करावा, अशी मागणी सातत्याने केली जात होती. त्यापैकी पिंपरी-चिंचवड ते निगडी दरम्यानच्या विस्तारित मार्गाचे काम नुकतेच सुरू झाले आहे. स्वारगेट-कात्रज दरम्यानच्या मार्गाच्या मंजुरीची प्रतीक्षा होती. केंद्रीय मंत्रिमंडळाची मान्यता गृहीत धरून महामेट्रोने काही दिवसांपासून या मार्गावर माती परीक्षणाचे (सॉइल टेस्टिंग) काम सुरू केले होते. मंत्रिमंडळाच्या शुक्रवारच्या बैठकीत मेट्रोच्या या विस्तारित मार्गिकेला मान्यता देण्यात आली.

हा मार्ग का महत्त्वाचा?

— कात्रजहून स्वारगेट, मध्यवर्ती शहर, कोथरूड, रामवाडी असा सर्व भाग जोडला जाणार
— कात्रजच्या आसपासच्या परिसरातील नागरिकांना पिंपरी-चिंचवड, निगडीपर्यंत जाणे शक्य
— हिंजवडी-शिवाजीनगर मेट्रो मार्गिका सुरू झाल्यानंतर त्याचा फायदा कात्रजच्या नागरिकांना होणार

पुढील प्रक्रिया काय?
— भुयारी मार्गासाठी महामेट्रो निविदा मागविणार
— त्याद्वारे कंत्राटदाराची निवड करून टनेल बोअरिंग मशिनद्वारे (टीबीएम) मेट्रोसाठी बोगद्याचे खोदकाम
— स्टेशन्स आणि इतर पूरक कामे यासाठीचे बांधकाम त्यासोबतच केले जाणार
‘ठाणे अंतर्गत मेट्रो’ला केंद्र सरकारची मान्यता, मुख्यमंत्री शिंदे यांच्या पाठपुराव्याला यश
प्रस्तावित स्टेशन्स

— मार्केट यार्ड (गुलटेकडी)
— पद्मावती
— कात्रज

स्वारगेट ते कात्रज भुयारी मेट्रोचे अंतर

५.४६ किमी
२,९४६ कोटी रुपये
या मार्गासाठी अपेक्षित खर्च
२०२९
मार्ग कार्यान्वित करण्यासाठी मुदत

स्वारगेट-कात्रज मेट्रो मार्गाला केंद्र सरकारने दिलेली मंजुरी पुण्याच्या विकासाबाबत मोदी सरकारची कटिबद्धता सिद्ध करणारी आहे. या मंजुरीमुळे कामाला वेग येणार असून दक्षिण पुण्याची सार्वजनिक वाहतूक व्यवस्था मजबूत होणार आहे. हा मार्ग पूर्ण झाल्यावर कात्रज ते निगडी हे दोन महत्त्वाची टोके मेट्रोने जोडली जाणार आहेत. – मुरलीधर मोहोळ, केंद्रीय राज्यमंत्री

राज्याचे उपमुख्यमंत्री अजित पवार यांनी पिंपरी चिंचवड शहराचा चेहरामोहरा बदलून टाकला आहे. त्यांची ओळखच विकासाचा दादा अशी आहे. परंतु त्यांच्या पक्षातील विद्यमान आमदार अण्णा बनसोडे यांनी पिंपरी मतदारसंघात मागील पाच वर्षात कोणतंही काम केले नाही. एका बाजूला अजितदादांचं काम तर दुसऱ्या बाजूला या आमदाराचं काम आहे. अजितदादांना तसेच त्यांच्या पक्षाला सुध्दा हे शोभत नाहीत. त्यामुळे पिंपरीची जागा महायुतीत आरपीआयला ( आठवले गट ) सोडावी अशी मागणी आरपीआयच्या महिला प्रदेशाध्यक्ष चंद्रकांता सोनकांबळे यांनी महाराष्ट्र टाईम्स ऑनलाईनशी बोलताना केली आहे. तसेच वेळ पडल्यास मी घड्याळाच्या चिन्हावर देखील लढायला तयार असल्याचं देखील त्यांनी म्हटलं आहे.

चंद्रकांता सोनकांबळे म्हणाल्या…

पिंपरी मतदारसंघात एकूण ३५ ते ४० झोपडपट्ट्या आहेत. या झोपडपट्ट्यांत विद्यार्थ्यांसाठी ग्रंथालय, समाज मंदिर, एखादा रूग्णालय, खेळाचे मैदान असणं महत्वाचं आहे. परंतु अण्णा बनसोडे यांनी यापैकी कोणतेही काम केले नाही. मागील पाच वर्षात त्यांनी कोणतं काम केलं आहे. त्याची कुणालाच कल्पना नाही, त्यांचं मतदारसंघात कुठेही काम दिसत नाही. फक्त मंडळांना वर्गणी देणे हे एकच काम त्यांनी आतापर्यंत केले असून त्यावरच ते आमदार होऊ शकतात. असा आत्मविश्वास त्यांना आहे. परंतु हे लोकांना आता कळून चुकलं आहे. त्यांच्यात कुठलंही काम करण्याची धमक नाही. येणाऱ्या निवडणुकीत लोकांची मते घ्यायची असतील तर अजितदादांसारखा माणूस हवा आहे. तिथे अण्णा बनसोडे सारखा माणूस देऊन चालणार नाही. त्यांना निवडणुकीत उतरवलं तर महायुतीचा पराभव निश्चित आहे, असं चंद्रकांता सोनकांबळे म्हणाल्या.

उद्धव ठाकरे आमदार नसताना CM, पृथ्वीराजबाबा केंद्रातून राज्यात आले, मुख्यमंत्रिपदाला नशीब लागते : अजित पवार
अजितदादांसोबत आम्ही जवळपास सात ते आठ वर्षे काम केलं आहे. स्वत: पिंपरी चिंचवड महानगरपालिकेत काम करत असतांना अजितदादा पालकमंत्री होते. यातच २००२ ला राष्ट्रवादीसोबत रिपब्लिकन पक्षाची युतीही होती. अजितदादांसोबत माझी चांगली ओळख असून त्यांनी जर मला उमेदवारी दिली तर मी तयारच आहे. असंही त्यांनी स्पष्ट केले आहे. तसेच लोकसभा निवडणुकीत राष्ट्रवादी, शिवसेना आणि भाजपसह रिपब्लिकन पार्टीने चांगलं काम केलं आहे. लोकांचा देखील विश्वास आता आमच्यावर बसला आहे. असंही त्यांनी सांगितलं आहे.