पुणे जिल्ह्यात गेल्या १५ वर्षांपासून इंधनचोरी करून धुमाकूळ घालणाऱ्या लोणी काळभोर (ता. हवेली) येथील इंधन माफिया टोळीचा प्रमुख प्रविण मडीखांबेसह त्याच्या ७ साथीदारांना जून महिन्यात तडीपार करण्यात आले होते. त्यामुळे इंधन चोरीला आता तरी आळा बसेल, अशी नागरिकांना अपेक्षा होती. मात्र, त्याच्याच मार्गदर्शनाखाली चोरलेले इंधन काळ्या बाजाराने विक्री केली जात होती. मुख्य सूत्रधारालाच पोलिसांनी अटक केल्याने इंधन चोरी आता थांबेल अशी अपेक्षा व्यक्त केली जात आहे.

लोणी काळभोर पोलीस ठाण्याचे वरिष्ठ पोलीस निरीक्षक करणकोट यांनी सांगितले की, डिझेल व पेट्रोल चोरी मधील सराईत गुन्हेगार मडीखांबे हा दोन महिन्यापासून पोलिसांना चकवा देत होता. लोणी काळभोर पोलीस व मुंढवा पोलीस चे सहाय्यक पोलीस निरीक्षक राजू महानोर हे त्याचा दोन महिन्यापासून शोध घेत होते. अखेर बुधवारी पुणे कॅम्प येथे आरोपी वकिला भेटायला आले असता सापळा रचून गजाआड केले.

मिळालेल्या माहितीनुसार, कार्तिक, सम्यक आणि प्रेम ही तीन मुले पौड येथील मामासाहेब मोहोळ विद्यालयामध्ये शिक्षण घेत आहेत. काल शनिवारी सायंकाळच्या सुमारास शाळा सुटल्यानंतर हे तिघेही रस्त्याच्या बाजूने घराकडे निघाले होते. त्यावेळी रस्त्यावरून येणारी पांढऱ्या रंगाची कार वेगात दुसऱ्या गाडीला ओव्हरटेक करत असताना कार चालकाने रस्त्याच्या कडेने चालणारे या तिघांना जोरात धडक दिली. कारचा वेग अधिक असल्याने हे तीनही विद्यार्थी हवेत उडून खाली पडले. एवढी घटना घडून देखील कार चालक घटनास्थळावर न थांबता त्याने तिथून पळ काढला.

याबाबत स्थानिक नागरिकांनी या तीनही विद्यार्थ्यांना रुग्णालयामध्ये उपचारासाठी दाखल केले. यातील एका विद्यार्थ्यावर रुग्णालयामध्ये शस्त्रक्रिया करण्यात आली. घटनेची माहिती मिळताच शाळेचे मुख्याध्यापक आणि पौड पोलीस कार चालकाचा शोध घेत आहेत. पुण्यात हिट अँड रनच्या प्रकरणांमध्ये दिवसेंदिवस वाढ होताना पाहायला मिळत आहे. त्यामुळे या घटनांना आळा बसवण्यासाठी पोलिसांनी ठोस पावले उचलणे गरजेचे आहे.

पुणे नाशिक महामार्गावर तिघांचा मृत्यू

मंचर परिसरातून एक धक्कादायक घटना समोर आली आहे. जुना पुणे नाशिक महामार्गावरून जात असलेल्या दुचाकी वरील तिघांचा खाजगी ट्रॅव्हल बसने धडक दिल्याने मृत्यू झाला आहे. काल शनिवारी पहाटे दीड वाजण्याच्या सुमारास ही घटना घडली आहे. या घटनेमुळे एकच खळबळ उडाली आहे.

Aaditya Thackeray: महायुतीकडे CM पदासाठी कोणाचा चेहरा? ते तर योजनेच्या क्रेडिटवरुन भांडतात, आदित्य ठाकरेंकडून खिल्ली

पाय घसरला अन् सर्व काही संपले

दोन दिवसांपूर्वी मावळ तालुक्यातील एक धक्कादायक घटना समोर आली. कुंडमळा येथे फिरण्यासाठी आलेल्या सहा मुले आणि दोन मुलींपैकी एक मुलगा आणि एक मुलगी पाण्यात वाहून गेल्याची धक्कादायक घटना समोर आली. या घटनेमुळे मावळ तालुक्यात एकच खळबळ उडाली आहे. संबंधित मुले ही पर्यटनासाठी या भागात आल्याची माहिती समोर आली आहे. पोलीस प्रशासन आणि रेस्क्यू टीमकडून या दोन तरुणांचा शोध घेण्याचे काम सुरू आहे.

ते वाहून गेल्याची घटना प्रत्यक्षदर्शनींनी पोलिसांना दिली. घटनास्थळी वन्यजीव आपदा संस्था मावळ तसेच तळेगाव एमआयडीसी पोलीस अधिकारी कर्मचारी घटनास्थळी दाखल झाले होते आणि या दोघांना शोधण्याचे काम तेव्हा सुरु होते. या घटनेमुळे सोबत आलेले मित्र-मैत्रिणी पूर्णतः घाबरलेल्या आहेत. घटनेचा अधिक तपास पोलिसांकडून केला जात आहे.

या अगोदर देखील कुंडमळा धबधब्यामध्ये अनेक जण वाहून गेले आहेत. त्यात त्यांचा मृत्यू देखील झाला आहे. मात्र ही घटना घडल्याने एकच खळबळ उडाली आहे. या भागात शोधकार्य झपाट्याने सुरू असून पोलिसांकडून शर्तीचे प्रयत्न सुरू आहेत.

नेमकं काय घडलं होतं?

वनराज आंदेकर यांचा रविवारी रात्री नाना पेठेत पिस्तुलातून गोळ्या झाडून; तसेच कोयत्याने वार करून खून करण्यात आला. त्यांचे वडील बंडू उर्फ सूर्यकांत राणोजी आंदेकर (वय ६८, रा. नाना पेठ) यांनी समर्थ पोलिस ठाण्यात तक्रार दिली आहे. पोलिसांनी आतापर्यंत पंधरा आरोपींना अटक केली आहे, तर दोघांचा पोलिस शोध घेत आहेत. आंदेकर यांचा खून करण्यासाठी आरोपींनी वापरलेले पिस्तूल आणि कोयते अद्याप जप्त करण्यात आलेले नाहीत, आरोपींनी हत्यारे कोठून व कोणाकडून आणली आहेत, त्याचा तपास केला जात आहे. आरोपींनी कट रचून हा गुन्हा केला आहे. त्याच्या तपासासाठी आरोपींना चौदा दिवसांची पोलिस कोठडी आवश्यक आहे, अशी माहिती तपास अधिकारी व गुन्हे शाखेचे वरिष्ठ निरीक्षक शबीर सय्यद यांनी न्यायालयात दिली. आपसांत नियोजित कट करून आंदेकर यांचा निर्घृणपणे खून केल्याचा आरोप आरोपींवर आहे, असा युक्तिवाद सरकारी वकील नीलिमा इथापे-यादव यांनी केला. आरोपींच्या वतीने ॲड. एस. बी. रसाळ आणि ॲड. तृप्ती सावंत आणि विधी सेवा प्राधिकरणाच्या ॲड. ज्योती इंजे, ॲड. विजय लेंगरे यांनी युक्तिवाद केला.

अटक आरोपींची नावे

अनिकेत ज्ञानेश्वर दुधभाते (वय ३१), तुषार अंकुश कदम (वय ३०, दोघेही रा. आंबेगाव पठार), दीपक किसन तोरमकर (वय २९), आकाश बापू म्हस्के (वय २४, सर्व रा. आंबेगाव पठार), समीर किसन काळे (वय २६, रा. येवलेवाडी), विवेक प्रल्हाद कदम (वय २५, रा. आंबेगाव पठार), उमेश नंदू किरवे (वय २६, रा. आंबेगाव पठार), ओम धनंजय देशखैरे (वय २०, रा. आंबेगाव पठार), साहिल बबन केंदळे (वय २०, रा. दत्तनगर), अजिंक्य गजेंद्र सुरवसे (वय १९, रा. आंबेगाव पठार) अशी मंगळवारी अटक करण्यात आलेल्या आरोपींची नावे आहेत. या पूर्वी या गुन्ह्यात प्रकाश लक्ष्मण कोमकर (वय ५१), संजीवनी कोमकर (वय ४४, दोघेही रा. नाना पेठ), गणेश लक्ष्मण कोमकर (वय ३७), जयंत लक्ष्मण कोमकर (वय ५२, दोघेही रा. भवानी पेठ) आणि सोमनाथ सयाजी गायकवाड (वय ४१, रा. आंबेगाव पठार) यांना अटक करण्यात आली आहे.
Eknath Shinde On Elections: महाराष्ट्रात विधानसभा निवडणूका कधी? मुख्यमंत्री एकनाथ शिंदे यांनी दिले मोठे संकेत

‘केस डायरीत त्रुटी नसाव्यात’

या गुन्ह्याचा केस डायरीत तांत्रिक त्रुटी असल्याचे न्यायालयाच्या निदर्शनास आले. त्यावर कायद्यात असलेल्या नियमांनुसार केस डायरी तयार करण्यात यावी. तपासाची माहिती देणाऱ्या बाबी त्यात क्रमानुसार असाव्यात, अशी सूचना न्यायालयाने पोलिसांना केली.

पोलिसांनी सोमवारी या खूनप्रकरणी प्रकाश कोमकर, सोमनाथ गायकवाड आणि संजीवनी जयंत कोमकर यांना अटक केली होती. आता यामध्ये आणखी 13 जणांना ताब्यात घेण्यात आला आहे. ताब्यात घेण्यात आलेल्यांपैकी काही जण अल्पवयीन असल्याचे पोलिसांनी सांगितले.
Maratha Reservation: सरकारला इशारा देणाऱ्या मनोज जरांगेंना मराठा नेत्यांकडून ८ दिवसाचा ‘अल्टिमेटम’; राज्यात सर्वांच्या भुवया उंचावल्या
रविवारी रात्री नऊच्या सुमारास पुण्यातील नाना पेठ मध्ये माजी नगरसेवक वनराज आंदेकर यांना या 13 जणांनी घेऊन त्यांच्यावर पिस्तुलातून गोळ्या झाडल्या होत्या. तसेच कोयत्याने देखील वार केले होते. यामध्ये आंदेकर यांना एकही गोळी लागली नाही मात्र वैद्याने केलेल्या वार मध्ये त्यांचा मृत्यू झाला होता. त्यानंतर घटनास्थळावरून या आरोपींनी पळ काढला होता. मात्र दोन दिवसानंतर पोलिसांनी तामिनी घाटामधून तेरा जणांना ताब्यात घेतले आहे.
कसोटी क्रिकेटच्या इतिहासात घरच्या मैदानावर कोणाचा असा पराभव झाला नाही; पाकिस्तानच्या नावावर झाला लाजिरवाणा रेकॉर्ड
या खुणा मागे कौटुंबिक पार्श्वभूमी असली तरी टोळीवरच्या स्वातंत्र हा खून झाल्याची शक्यता वर्तवली जात आहे. या घटनेमुळे पुण्यातील गुन्हेगारी दिवसागणित वाढत असल्याची चर्चा संपूर्ण राज्यभर होऊ लागले आहे. सांस्कृतिक ओळख असलेल्या पुणे आता गुन्हेगारीमुळे पुन्हा एकदा चर्चेत आले आहे. पुण्यामध्ये पुन्हा एकदा टोळी युद्ध भडकण्याची शक्यता वर्तवली जात आहे.

या प्रकरणांमध्ये पोलिसांकडून वेगाने पावले उचलले जात असून आरोपींना ताब्यात घेतले जात आहे. त्यातच ताम्हिणी घाटातून आज तेरा जणांना ताब्यात घेतले आहे. या प्रकरणाचा अधिक तपास पोलिसांकडून केला जात आहे. आंदेकर यांच्यावर पुण्यातील नाना पेठ येथे गोळीबार करण्यात आला होता. त्यानंतर कोयत्याने वार देखील केले गेले होते. या घटनेतील गोळीबारावेळीचा व्हिडिओ समोर आला होता.

पुण्याच्या गणेशोत्सवासाठी राज्याच्या कानकोपऱ्यातून आणि देश-विदेशातून लोक येत असतात. विशेषत: विसर्जन मिरवणूक गणेशोत्सवाचे मुख्य आकर्षण असून, लक्ष्मी रस्त्यासह मध्यवर्ती भागात मोठ्या प्रमाणावर गर्दी असते; तसेच गणेशोत्सवाचे दहाही दिवस देखावे पाहण्यासाठी लोक गर्दी करतात. या गर्दीचा गैरफायदा घेऊन चोरटे नागरिकांच्या मुद्देमालावर डोळा ठेवून असतात. तर, काही जण महिला, तरुणींसोबत अश्लील वर्तन करतात, असे दिसून आले आहे. त्या पार्श्वभूमीवर पोलिसांनी महिला, मुलींचा छेड काढणाऱ्यांना निर्वाणीचा इशारा दिला आहे.

‘गणेशोत्सवात सुरक्षेच्या दृष्टीकोनातून पोलिसांकडून खबरदारी घेतली जाते असून, महिलांच्या सुरक्षेला प्राधान्य दिले आहे. त्यासाठी महिला पोलिस, दामिनी मार्शलची पथके नेमण्यात येणार आहेत. गुन्हे शाखेच्या पथकांना छेडछाड करणाऱ्या रोडरोमिओंवर कठोर कारवाई करण्याच्या सूचना देण्यात आल्या आहेत. महिलांच्या सोबत गैरकृत्य करताना कोणी आढळून आल्यास, त्यांचे फोटो काढून शहरात फ्लेक्सवर नावासह लावणार आहेत. त्यांची रस्त्यावर परेड सुद्धा घेणार आहेत,’ अशी माहिती पोलिस आयुक्त अमितेशकुमार यांनी दिली.

शहराच्या मध्यवस्तीत प्रमुख सहा ठिकाणी पोलिसांच्या शीघकृती दलाची पथके नेमली जाणार आहेत. प्रामुख्याने विसर्जन मिरवणुकीच्या मार्गावर ही पथके असतील. दहा दिवस त्यांच्याकडून मचाणावरून बारकाईने लक्ष ठेवले जाणार आहे.

पोलिसांची अठरा मदत केंद्रे

गणेशोत्सवात नागरिकांना माहिती देण्यासाठी आणि सुक्षेच्या दृष्टीकोनातून गौरसोय होऊ नये, म्हणून पोलिसांकडून अठरा मदत केंद्रे उभारण्यात येणार आहेत. शहराच्या मध्यवस्तीत ही केंद्रे २४ तास सुरू राहतील. स्थानिक पोलिस ठाणे, विशेष शाखा, गुन्हे शाखा, वाहतूक विभाग यांचे अधिकारी कर्मचारी या केंद्रावर कार्यरत राहतील.

चोरट्यांवर ठेवणार लक्ष

गणेशोत्सवातील गर्दीचा गैरफायदा घेऊन चोरटे नागरिकांच्या किमती मुद्देमालावर डल्ला मारतात. यात मोबाइल चोरट्यांची संख्या अधिक असते. बाहेरील राज्यातून चोरट्यांच्या टोळ्या या काळात शहरात दाखल होतात, असे दिसून आले आहे. त्यामुळे गुन्हे शाखेची पथके चोरट्यांवर लक्ष ठेवून असतील. त्यांनी आतापासून पोलिस रेकॉर्डवरील चोरट्यांवर प्रतिबंधात्मक कारवाई सुरू केली आहे.

गणेशोत्सव काळात नागरी सुरक्षेसाठी पोलिस सज्ज आहेत. विशेषत: महिला सुरक्षेवर विशेष लक्ष केंद्रीत करण्यात आले आहे. महिला, मुलींची छेडछाड करणाऱ्यांना कायमची अद्दल घडविण्यासाठी त्यांची छायाचित्रे फलकांवर छापून ते चौकाचौकात लावले जातील – अमितेशकुमार, पोलिस आयुक्त, पुणे शहर