गेल्या वर्षात ‘स्त्री २’ या चित्रपटानं सगळ्यात जास्त, म्हणजे जवळपास ६२७ कोटींची कमाई केली. या चित्रपटाला ‘पुष्पा २’नं मागे टाकलंय. याआधी प्रभासच्या ‘बाहुबली २’ या चित्रपटानंही हिंदीत ५११ कोटींची कमाई केली होती. या दोन चित्रपटांव्यतिरिक्त ‘केजीएफ २’ या चित्रपटानंही हिंदीत ४३५ कोटींची कमाई केली. ‘कल्की’, ‘आरआरआर’ या चित्रपटांनाही हिंदीत उत्तम प्रतिसाद मिळाला. कमाईच्या या आकडेवारीवरून हिंदी भाषेची ताकद समजल्यानंतर दाक्षिणात्य सिनेनिर्मात्यांमध्ये हिंदीत चित्रपट प्रदर्शित करण्यासाठी चढाओढ सुरू आहे.

परदेशात हिंदी चित्रपट लोकप्रिय
जगभरात हिंदी चित्रपटांची लोकप्रियता वाढतेय, हे कमाईचे आकडे बघून लक्षात येतं. परदेशात शाहरुखच्या चित्रपटांसाठी प्रेक्षक वेडे आहेत, केवळ हे चित्रपट बघता यावेत, यासाठी परदेशी लोक हिंदी शिकतात. आमिर खानचा ‘दंगल’ (१४३० कोटी) आणि ‘सिक्रेट सुपरस्टार’ (७९४ कोटी) हे दोन चित्रपट परदेशात सर्वाधिक कमाई करणारे हिंदी चित्रपट आहेत. सलमान खानच्या ‘बजरंगी भाईजान’ या चित्रपटानंही ४७३ कोटींची कमाई केली. करोनानंतर प्रदर्शित झालेल्या चित्रपटांमध्ये शाहरुखच्या ‘पठाण’ (३९६ कोटी) आणि ‘जवान’ (३८६ कोटी) तर रणबीर कपूरच्या ‘अॅनिमल’ (२५५ कोटी) या चित्रपटांनी उत्तम कमाई केली होती. आयुषमान खुरानाच्या ‘अंदाधुन’ चित्रपटानं ३६१ तर आमिर खानच्या ‘पीके’ नं २९६ कोटींची कमाई केली. अमेरिका, ब्रिटन, युरोप वगळता इतरही देशांमध्ये आता हिंदी चित्रपट प्रदर्शित होत आहेत. ‘पठाण’ आणि ‘जवान’ हे दोन्ही चित्रपट जपानमध्येही प्रदर्शित झाले आहेत.

हिंदी चित्रपटांना वाढती मागणी !
काही दिवसांपूर्वी पंतप्रधान नरेंद्र मोदी यांनी हिंदी चित्रपट हे आपल्या देशाची ताकद आहेत असं म्हटलं. गेल्या काही वर्षांत जगभरातील विविध देशांमध्ये भारतीयांचं प्रमाण वाढलं असून त्यामुळे आपोआपच बाहेरील देशांमध्ये हिंदी चित्रपट बघण्याचं प्रमाण वाढलं आहे. निर्मात आणि चित्रपट अभ्यासक गिरीश जोहर यांनी सांगितलं, ‘हिंदी चित्रपटांमुळे जगभरात हिंदी भाषेची लोकप्रियता वाढली आहे यात दुमत नाही. सोशल मीडियामुळे हिंदी भाषा जगाच्या कानाकोपऱ्यात पोहोचली. शाहरुख खानच्या चित्रपटांना भारताबाहेरही खूप मोठा प्रेक्षकवर्ग आहे. अमिताभ बच्चन यांच्या चित्रपटांनाही परदेशात पसंती मिळते. शाहरुखच्या ‘जवान’ आणि ‘पठाण’ या सिनेमांबरोबरच परदेशात रणबीर कपूरच्या ‘अॅनिमल’ नंही चांगली कमाई केली.

हिंदी चित्रपटांमुळे हिंदी भाषेची लोकप्रियता जगभरात वाढलीय. सोशल मीडियाचंही हिंदी भाषेच्या प्रसारात महत्त्वाचं योगदान आहे.
– गिरीश जोहर, निर्माते आणि चित्रपट अभ्यासक

हिंदीत सुपरहिट झालेले दाक्षिणात्य चित्रपट
पुष्पा २ – ८२० कोटी
बाहुबली २ – ५११ कोटी
केजीएफ २- ४३५ कोटी
कल्की – २९४ कोटी
आरआरआर २७४ कोटी
शब्दांकन : देविका जोशी-गोखले

Pushpa 2 रीलिज होऊन ३१ दिवस झाले, तरी अवघ्या काहीच दिवसांपूर्वी रीलिज झालेल्या ‘बेबी जॉन’ला या सिनेमाने धूळ चारली आहे. वरुण धवनचा ‘बेबी जॉन’ गेल्यावर्षी ख्रिसमसला प्रदर्शित झाला. ‘थेरी’ या दाक्षिणात्य सिनेमाचा रीमेक असणारा ‘बेबी जॉन’ बॉक्स ऑफिसवर कमाल दाखवण्यात सपशेल नापास ठरला आहे. एकीकडे पाचव्या शनिवारी ‘पुष्पा २’ने ५.५ कोटी रुपयांची कमाई केली, तर दुसरीकडे रीलिजनंतरच्या दुसऱ्या शनिवारी ‘बेबी जॉन’ने १ कोटी रुपयेदेखील कमावले नाहीत. त्यामुळे हा मल्टिस्टारर सिनेमा ४० कोटींचा आकडा गाठेल की नाही, अशी शंका आहे.

लग्नाआधी बायकोला डेट करताना घाबरलेले गोविंदा; सुनीता यांचे वय अवघे १५ आणि अभिनेत्याचे…
सॅकनिल्कच्या रिपोर्टनुसार या शनिवारी ‘बेबी जॉन’ने केवळ ८० लाख रुपयांची कमाई केली आहे. ओपनिंग डेला या चित्रपटाने ११.२५ कोटी कमावले होते, तेव्हा या चित्रपटाडून अपेक्षा होत्या. मात्र आता व्यवसाय वाढेल याची शक्यता कमीच आहे. एकूण ११ दिवसात या चित्रपटाने केवळ ३७.७५ कोटी रुपयांची कमाई केली आहे. ‘पुष्पा २’च्या कमाईसमोर हे आकडे जवळपासही नाहीत, असे चित्र आहे.

रश्मिका मंदान्ना आणि अल्लू अर्जुन यांचा ‘पुष्पा 2’ हा चित्रपट केवळ या वर्षातील सर्वात मोठा चित्रपट नाही तर भारतातील सर्वात मोठा चित्रपट ठरला आहे. तीन आकड्यांनंतरही या चित्रपटाची कमाई दोन आकड्यांमध्येच आहे. मात्र, शुक्रवारी प्रथमच कलेक्शन सिंगल डिजिटवर पोहोचलं. मात्र दुसऱ्या दिवशी शनिवारी पुन्हा सिनेमाची कमाई पूर्वपदावर आली.

रविवारी ‘पुष्पा 2’ ने १६ कोटींची बंपर कमाई केली

Sacnilk च्या रिपोर्टनुसार, चित्रपटाने शनिवारी १२ कोटी ५ लाख रुपयांची कमाई केली होती, तर रविवारी १६ कोटी रुपयांची बंपर कमाई केलीये. या चित्रपटाने हिंदीत जवळपास १२ कोटी ७५ लाख रुपयांची कमाई केली आहे. एकूणच, चित्रपटाने केवळ देशांतर्गत बॉक्स ऑफिसवर ११५७ कोटी ३५ लाखांची कमाई केली आहे. सिनेमाच्या फक्त हिंदी भाषेच्या कमाईबद्दल सांगायचं तर या सिनेमाने ७५३ कोटी ९ लाख रुपये कमावले आहेत.

‘पुष्पा २’च्या जगभरातील कलेक्शनचा विचार केला तर या चित्रपटाने जवळपास १६३७ कोटींची कमाई केली आहे. या चित्रपटाने २४ दिवसांत जगभरात १६१८ कोटींची कमाई केली होती. तर परदेशात या चित्रपटाने जवळपास २६० कोटींची कमाई केली आहे. त्याचबरोबर इंडिया ग्रॉस कलेक्शनबद्दल सांगायचं तर ‘पुष्पा 2’ने १३८० कोटी रुपयांची कमाई केली आहे. ‘दंगल’ नंतर हा चित्रपट ‘बाहुबली 2’ च्या अगदी जवळ आला आहे आणि जगभरात सर्वाधिक कमाई करणारा चित्रपट आहे. मात्र, ‘बाहुबली 2’ला मागे टाकण्यासाठी ‘पुष्पा 2’ला १५० कोटींपेक्षा जास्त कमाई करावी लागणार आहे.

तीन विवाहित पुरुषांच्या प्रेमात पडलेली अभिनेत्री, सौरव गांगुलींशीही जोडलेले नाव! आता सिंगल राहून सांभाळतेय राजकारण
‘पुष्पा २’ ने १०८९.८५ कोटींची कमाई केली आहे

Sacnilk च्या रिपोर्टनुसार, तिसऱ्या मंगळवारीही या चित्रपटाच्या कमाईत लक्षणीय वाढ झाली आहे. मंगळवारी या चित्रपटाने १४.२५ कोटींची बंपर कमाई केली आहे. पुष्पा २ ने केवळ हिंदीत ११.५ कोटींची कमाई केली आहे. आतापर्यंत सिनेमाने एकूण १०८९.८५ कोटींची कमाई केली आहे. एकट्या हिंदीत चित्रपटाची कमाई ७०१.६५ कोटींवर पोहोचली आहे.

जगभरात १५५० कोटींचे केलक्शन

जगभरातील कलेक्शनबद्दल बोलायचे झाले तर या चित्रपटाने जवळपास १५५० कोटींची कमाई केली आहे. या चित्रपटाने परदेशात १९ दिवसांत १५२६.९५ कोटींची कमाई केली. तेथील एकूण कमाई २५० कोटींच्या पुढे गेली आहे. जगभरातील कमाईच्या बाबतीत हा चित्रपट अजूनही या दोन चित्रपटांच्या तुलनेत मागे आहे.

पोटापाण्यासाठी मुंबईत रिक्षाचालकाचे केले काम, ५० रुपयांत स्टेज करणारे कॉमेडियन बनले कोट्यवधींचे मालक
‘पुष्पा २’ या दोन चित्रपटांच्या मागे आहे

‘बाहुबली २’ ने १७८८.०६ कोटी रुपयांच्या कलेक्शनचा रेकॉर्ड केला होता, जो ‘पुष्पा २’ सहज गाठू शकतो. तर ‘दंगल’ने जगभरात सर्वाधिक म्हणजेच २०७०.३ कोटी रुपयांची कमाई करण्याचा विक्रम केला होता. मात्र, अल्लू अर्जुनला आमिर खानच्या चित्रपटाचा विक्रम मोडणे कठीण होणार असे वाटते.

अल्लू अर्जुनने ३०० कोटी रुपयांची तगडी फी घेतली

रिपोर्ट्सनुसार, अल्लू अर्जुनने या चित्रपटासाठी ३०० कोटी रुपये इतकी मोठी रक्कम घेतली आहे. हा चित्रपट बनवण्यासाठी निर्मात्यांनी जवळपास ५०० कोटी रुपये खर्च केले आहेत.

प्रत्येक जन्मी मला तुझा बाबा होऊ दे किंवा मग तुझा मुलगा तरी… लेकीसाठी सलील कुलकर्णींची हृदयस्पर्शी पोस्ट
‘पुष्पा २’ १८ दिवसांत देशातील नंबर १ चित्रपट ठरला आहे

‘पुष्पा २’ चित्रपटाने १८ व्या दिवशी ९ व्या दिवशीही तेवढीच मोठी कमाई केली आहे. चित्रपटाने १७ व्या दिवशी शनिवारी २४.७५ कोटी रुपयांची कमाई केली होती, तर १८ व्या दिवशी ३३.२५ कोटींची कमाई केली. रविवारी या चित्रपटाने हिंदीत शनिवारच्या एकूण कमाईपेक्षा जास्त कमाई केली आहे, जी जवळपास २६.७५ कोटी रुपये होती. sacnilk च्या अहवालानुसार, साऊथमधील या सुपरहिट चित्रपटाने १८ व्या दिवशी ३३.२५ कोटी रुपये कमवले आहेत आणि एकूणच चित्रपटाने १०६२.९ कोटी रुपयांची कमाई केली आहे.

‘ते भारताचे नव्हे पाकिस्तानचे राष्ट्रपिता आहेत’, महात्मा गांधीजींबद्दल बॉलिवूड गायकाचे वादग्रस्त विधान
जगभरातील कमाईच्या बाबतीत दोन चित्रपट अजूनही ‘पुष्पा २’ च्या पुढे आहेत.

‘पुष्पा २’ आता भारतीय नेट कलेक्शनच्या बाबतीत देशातील नंबर १ चित्रपट बनला आहे. त्याने बाहुबली २ ची जागा घेतली आहे. बाहुबली २ चे एकूण भारतातील एकूण कलेक्शन सुमारे १०३०.४२ कोटी रुपये होते. त्याला मागे टाकून ‘पुष्पा २’ ने पहिला क्रमांक पटकावला आहे., ‘पुष्पा २’ अजूनही जगभरातील कलेक्शनच्या बाबतीत दोन चित्रपटांपेक्षा मागे दिसत आहे. २०१७ मध्ये रिलीज झालेल्या ‘बाहुबली २’ ने जगभरात १७८८.०६ कोटी रुपयांचे संपुर्ण कलेक्शन केले होते, तर ‘दंगल’चे अजूनही २०७०.३ कोटी रुपयांचे कलेक्शन आहे. अल्लू अर्जुनचा चित्रपट लवकरच येथेही यश मिळवेल असे दिसते.

अल्लू अर्जुनच्या ‘पुष्पा २’ ने १५०० कोटींचा टप्पा पार केला आहे

‘पुष्पा २’च्या जगभरातील कलेक्शनबद्दल बोलायचे झाले तर, चित्रपटाने १७ दिवसांत १४६७.८० कोटी रुपयांची कमाई केली आहे, तर आता या चित्रपटाने १८ दिवसांत सुमारे १५१० कोटी रुपयांची कमाई केली आहे. या चित्रपटाने परदेशात १८ दिवसांत २५० कोटींची कमाई केली असण्याची शक्यता आहे.

हे जरा अती झालं! TRP साठी लहान मुलांसोबत तसले सीन नको, ‘अप्पी आमची…’ च्या चालू ट्रॅकवर प्रेक्षकांचा राग
‘पुष्पा २’ इतिहास रचण्यापासून फक्त २६ कोटी दूर

विशेष बाब म्हणजे ‘पुष्पा २’ आता देशातील सर्वाधिक कमाई करणाऱ्या भारतीय सिनेमाच्या रेकॉर्डपेक्षा केवळ २६.०७ कोटी रुपये दूर आहे. सात वर्षांपूर्वी ‘बाहुबली २’ ने १०३०.४२ कोटींची संपुर्ण कमाई करून हा विक्रम केला होता. अल्लू अर्जुनचा चित्रपट रविवारी हा विक्रम सहज पार करेल आणि भारतीय चित्रपटसृष्टीत एक नवा इतिहासही रचेल हे निश्चित झाले आहे.

‘पुष्पा २’चे बॉक्स ऑफिस कलेक्शन

sacnilk च्या अहवालानुसार, पहिल्या आठवड्यात ७२५.८० कोटी रुपये आणि दुसऱ्या आठवड्यात २६४.८० कोटी रुपयांची कमाई केल्यानंतर, तिसऱ्या शुक्रवारी ‘पुष्पा २’ ने देशात १३.७५ कोटी रुपयांची कमाई केली आहे. गुरुवारी सिनेमाने १७.६५ कोटी रुपयांची कमाई केली होती. कमाईत -२२% ची घट झाली आहे. मात्र आता शनिवार आणि रविवारी पुन्हा कमाई वाढण्याची चिन्हे आहेत. शुक्रवारी या चित्रपटाने हिंदीत ११ कोटी रुपये, तेलुगूमधून २.४० कोटी रुपये, तामिळमध्ये ३० लाख रुपये, कन्नडमधून ३ लाख रुपये आणि मल्याळममधून २ लाख रुपयांचा सर्वाधिक व्यवसाय केला आहे.

कट्टा म्हणजे माहित आहे का? लग्नापूर्वी गौरी खानच्या भावाने शाहरुखला दिलेली धमकी, हे होते अभिनेत्याचे उत्तर
देशात १६ दिवसात ‘पुष्पा २’ चे नेट कलेक्शन- १००४.३५ कोटी रु

हिंदीमध्ये नेट कलेक्शन – ६३२.६० कोटी

तेलगू नेट कलेक्शन- २९७.८० कोटी रु

तामिळमध्ये नेट कलेक्शन – रु ५२.८० कोटी*

मल्याळममध्ये नेट कलेक्शन – रु. १३.९९ कोटी*

कन्नडमधून नेट कलेक्शन – ७.१६ कोटी*

देशात १६ दिवसात ‘पुष्पा २’ चे एकूण कलेक्शन – १२०८.०० कोटी रु

‘पुष्पा २’ चे परदेशात एकूण कलेक्शन – २३७.०० कोटी रु

‘पुष्पा २’ चे जागतिक एकूण कलेक्शन – १४४५.०० कोटी

‘पुष्पा २’ जगभरातील कलेक्शन

जगभरातील कलेक्शनबद्दल बोलायचे झाले अल्लू अर्जुनच्या चित्रपटाने जागतिक बॉक्स ऑफिसवर १६ दिवसांत सुमारे १४४५ कोटी रुपयांचा गल्ला जमवला आहे. सध्या जगभरात सर्वाधिक कमाई करणाऱ्या भारतीय चित्रपटांमध्ये हा तिसऱ्या क्रमांकावर आहे. त्याखालोखाल ‘बाहुबली २’ १७८८.०६ कोटी रुपयांवर नंबर आहे, तर सर्वात वर आमिर खानचा ‘दंगल’ आहे, ज्याने २०७०.३० कोटी रुपयांची कमाई केली होती.

‘बेबी जॉन’ मुळे ‘पुष्पा २’ धोका?

बॉक्स ऑफिसवर राज्य करणाऱ्या ‘पुष्पा २’साठी ‘बेबी जॉन’ ४ दिवसांनंतर अडचणी निर्माण करु शकतो. वरुण धवनचा हा ॲक्शन चित्रपट २५ डिसेंबरला प्रदर्शित होत आहे. ॲटलीच्या बॅनरखाली बनलेल्या या चित्रपटाबाबत बरीच चर्चा निर्माण झाली आहे. ‘पुष्पा २’ याला बळी पडतो की त्याची जादू कायम राहते हे पाहणे नक्कीच उत्सुकतेचे ठरणार आहे.

पुष्पा २चं बॉक्स ऑफिस कलेक्शन

Sacnilkच्या रिपोर्टनुसार, पुष्पा 2 ने १५ व्या दिवशी १७.७५ कोटी रुपयांची कमाई केली आहे. ज्यामध्ये तेलुगूमध्ये २.७५ कोटी रुपये, हिंदीमध्ये १४ कोटी रुपये, तामिळमध्ये ८ लाख रुपये, कन्नडमध्ये १३ लाख रुपये आणि ७ लाख रुपये मल्याळम मध्ये मिळवले आहे. यानंतर या सिनेमाचं भारतातील कलेक्शन ९९० कोटी ७ लाख रुपये झालं आहे. तर जगभरातील कलेक्शन १५०८ कोटी रुपयांवर पोहोचलं आहे.
जगभरातील कलेक्शन शेअर करताना ‘पुष्पा 2: द रुल’च्या प्रोडक्शन हाऊसने लिहिले – ‘व्यावसायिक सिनेमा पुन्हा परिभाषित केलं गेलं आणि बॉक्स ऑफिसवर इतिहास रचला. #Pushpa2TheRule ने जगभरात १५०८ कोटी रुपयांची कमाई केली असून हा आकडा गाठणारा सर्वात वेगवान भारतीय चित्रपट ठरला आहे.

पुष्पा २च्या १४ दिवसांच्या दिवसांच्या कलेक्शनबद्दल बोलायचं झालं तर या सिनेमाने पहिल्या दिवशी १६४.२५ कोटी, दुसऱ्या दिवशी ९३.८ कोटी, तिसऱ्या दिवशी ११९.२५ कोटी, चौथ्या दिवशी १४१.०५ कोटी, पाचव्या दिवशी ६४.४५ कोटी, सहाव्या दिवशी ५१.५५ कोटी कमावले होते. सातव्या दिवशी ४३.३५ कोटी आणि आठव्या दिवशी ३७.४५ कोटींची कमाई केली. तर या चित्रपटाने एका आठवड्यात ७२५.८ कोटींचा व्यवसाय केला. अल्लू अर्जुनच्या पुष्पा २ने नवव्या दिवशी ३६.३ कोटी रुपये, १२व्या दिवशी २४.३५ कोटी रुपये कमावले आहेत. १४ व्या दिवशी २० कोटी ५५ लाख रुपये कमावले असून त्यानंतर दुसऱ्या आठवड्याचं कलेक्शन २६४ कोटी ९लाख रुपये आहे.

पुष्पा २ सिनेमाचं जगभरातील कलेक्शनबद्दल सांगायचं झाल्यास, या सिनेमाने KGF चॅप्टर 2 चा रेकॉर्ड देखील मोडला आहे. लोक हा चित्रपट एकदा नाही तर २-३ वेळा पाहत असल्याचं मीडिया रिपोर्टनुसार समजून आलंय.

RRR चा रेकॉर्ड मोडला

Sacnilkच्या रिपोर्टनुसार, पुष्पा २ने जगभरात १३२२ कोटींची कमाई केली आहे. या सिनेमाने RRR KGF Chapter 2 ला मागे टाकून तिसरा सर्वाधिक कमाई करणारा भारतीय चित्रपट बनला आहे. RRR सिनेमाचं कलेक्शन १२३० कोटी आहे आणि KGF चॅप्टर २चं कलेक्शन १२१५ कोटी आहे. त्याचबरोबर बाहुबली २ने १७९० कोटींची कमाई केली होती तर दंगलने २०७० कोटींची कमाई केलीये. त्यामुळे अल्लू अर्जुनचा पुष्पा २ सिनेमा लवकरच लांबचा पल्ला गाठण्याची शक्यता आहे.

पुष्पा २ने भारतात जवळपास ९२९ कोटींची कमाई केली असून या सिनेमाला १००० कोटींच्या क्लबमध्ये सामील व्हायला जास्त वेळ लागणार नाही.
CM चा लेक म्हणजे तो बिघडलेलाच! जिनिलियाचा पहिल्या भेटीत झालेला गैरसमज, असं फुललं रितेशसोबतचं नातं
दरम्यान, पुष्पा २ सिनेमात अल्लू अर्जुनसोबत रश्मिका मंदान्ना आणि फहद फासिल महत्त्वपूर्ण भूमिका साकारताना दिसत आहेत. चाहत्यांना या चित्रपटाचं वेड लागलं असून या सिनेमाला पहिल्या भागापासून ते दुसऱ्या भागापर्यंत प्रेक्षकांचं प्रेम मिळत आहे. त्यामुळे आता प्रेक्षकांच्या मनात पुष्पाच्या तिसऱ्या भागाची उत्कंठा वाढली असून तिसरा भाग कधी प्रदर्शित होणार याकडे सर्वांचं लक्ष लागलं आहे.

‘पुष्पा 2: द रुल’ ने ११व्या दिवशी किती कमाई केली?

‘पुष्पा 2: द रुल’ रिलीजच्या दुसऱ्या आठवड्यात आहे आणि त्याची क्रेझ अजूनही प्रेक्षकांच्या मनात आहे. रिलीजच्या पहिल्या आठवड्यातच या चित्रपटाने प्रचंड कमाई केली नाही तर दुसऱ्या आठवड्यामध्येही या ॲक्शन थ्रिलरने धमाल केली. दुसऱ्या शनिवारीही हा चित्रपट पाहण्यासाठी चित्रपटगृहांमध्ये प्रेक्षकांच्या रांगा लागल्या होत्या. दुसऱ्या रविवारीही चित्रपट पाहण्यासाठी प्रेक्षक मोठ्या संख्येने आले होते. यासोबतच ‘पुष्पा 2: द रुल’नेही दुसऱ्या वीकेंडला धुमाकूळ घातलाय.
Ustad Zakir Hussain Passed Away : उस्ताद झाकीर हुसेन काळाच्या पडद्याआड, कुटुंबीयांनी दिलं निधनाचं वृत्त
चित्रपटाच्या कमाईबद्दल बोलायचं झाल्यास, ‘पुष्पा 2: द रुल’ने पहिल्या आठवड्यात ७२५ कोटी ८ लाखांची कोटींची कमाई केली आहे. ९व्या दिवशी चित्रपटाने ३६ कोटी ४ लाखांची कमाई केली, तर १०व्या दिवशी ‘पुष्पा 2: द रुल’चं कलेक्शन ६३.३ कोटी रुपये होतं. आता चित्रपटाच्या ११व्या दिवसाच्या कमाईचे प्रारंभिक आकडे आले आहेत.

Sacknilk च्या सुरुवातीच्या ट्रेंड रिपोर्टनुसार, ‘पुष्पा 2: द रुल’ ने रिलीजच्या ११व्या दिवशी म्हणजेच दुसऱ्या रविवारी ७५ कोटी रुपयांची कमाई केली आहे. यांसह, ‘पुष्पा 2: द रुल’चे ११ दिवसांचं एकूण कलेक्शन आता ९०० कोटींवर पोहोचलं आहे. रिलीजच्या ११ दिवसांत, चित्रपटाने तेलगूमध्ये २७९.३५ कोटी रुपये, हिंदीमध्ये ५५३.१ कोटी रुपये, तामिळमध्ये ४८.१ कोटी रुपये, कन्नडमध्ये ६.५५ कोटी रुपये आणि मल्याळममध्ये १३.४ कोटी रुपये कमावले आहेत.
हे सुंदर क्षण…. झाकीर हुसेन यांची ती पोस्ट ठरली अखेरची, भारताने हिरा गमवल्याचे चाहत्यांचे म्हणणे

‘पुष्पा 2: द रुल’ ने यशच्या KGF 2 चा रेकॉर्ड मोडला

‘पुष्पा 2: द रुल’ने दुसऱ्या वीकेंडलाही बॉक्स ऑफिसवर खळबळ उडवून दिली आहे. या चित्रपटाने रिलीजच्या ११ दिवसांत विक्रमी ९००.५ कोटींची कमाई करून इतिहास रचला आहे. सुकुमार दिग्दर्शित या चित्रपटाने यशच्या ब्लॉकबस्टर चित्रपट ‘KGF चॅप्टर 2’ च्या कलेक्शनचा विक्रम मोडीत काढला आहे. ‘पुष्पा 2: द रुल’ हा देशातील सर्वाधिक कमाई करणारा दुसरा चित्रपट ठरला आहे.

४ डिसेंबर रोजी झालेल्या या चित्रपटाच्या प्रीमियर शो दरम्यान हैदराबाद याठिकाणी असणाऱ्या संध्या थिएटरमध्ये मोठी चेंगराचेंगरी झाली आणि या चेंगराचंगरीत एका ३९ वर्षीय महिलेचा मृत्यू झाला, तर तिचा मुलगा जखमी झाला होता. त्या महिलेच्या पतीने एफआयआर दाखल केला, ज्यानंतर पोलिसांनी अल्लू अर्जुनला अटक केली. या घटनाक्रमाचा चित्रपटाच्या व्यवसायावर उलट परिणाम झाला आणि कमाईत मोठी वाढ झाली आहे.

‘पुष्पा २’चे बॉक्स ऑफिस कलेक्शन

दुसऱ्या शनिवारी १४ डिसेंबर रोजी ‘पुष्पा २’ने ६२.३ कोटी रुपयांची कमाई केली, त्यापैकी ४६ कोटी रुपये हिंदीतून आणि १३ कोटी रुपये तेलुगूमधून आले. शुक्रवारी एकूण कलेक्शन केवळ ३६.५ कोटी रुपये होते. त्यामुळे चित्रपटाची कमाई थेट दुप्पट झाली आहे. Sacnilk च्या रिपोर्टनुसार, भारतातील सर्व भाषांमध्ये चित्रपटाचे एकूण कलेक्शन आता ८२४.५ कोटी रुपये झाले आहे.

दाक्षिणात्य भाषांपेक्षा हिंदीतून सर्वाधिक कमाई

आश्चर्याची गोष्ट म्हणजे या एकूण कलेक्शनपैकी ४९८ कोटी रुपये हिंदीतून आले आहेत, जे तेलगू व्हर्जनच्या कमाईपेक्षा कितीतरी जास्त आहे. या चित्रपटाने सर्व भाषांमधील ‘जवान’ आणि ‘आरआरआर’च्या लाइफटाइम कलेक्शनला मागे टाकले आहे. ‘KGF: Chapter 2’ ला मागे टाकून ‘पुष्पा २’ सध्या सर्वाधिक कमाई करणारा सहावा हिंदी चित्रपट आहे, केजीएफ २ ने ४३४.६२ कोटी रुपयांची कमाई केली होती. रविवारीही असेच कलेक्शन राहिल्यास अल्लू अर्जुनचा हा सिनेमा ‘बाहुबली २’ आणि ‘गदर २’च्या हिंदी कलेक्शनलाही मागे टाकू शकतो.