२३व्या दिवशी किती झाली कमाई?

तिकीट विक्रीतही ‘पुष्पा २’ सिनेमाने १६% घट अनुभवली. २७ डिसेंबर रोजी या सिनेमाच्या तेलगू भाषेतील आवृत्तीने १.९१ कोटी रुपये आणि हिंदीमध्ये ६.५ कोटींची कमाई केली. तर तामिळ भाषेत ३० लाख रुपये, कन्नडमध्ये ३० लाख आणि मल्याळममध्ये १० लाख रुपयांची कमाई झाली आहे.

हिंदीमध्ये सर्वाधिक कमाई

Sacnilk ने दिलेल्या रिपोर्टनुसार, सुरुवातीच्या आकडेवारीचा अंदाज असा आहे की, या चित्रपटाने ११२८ कोटी रुपयांचा टप्पा ओलांडला आहे. हिंदी बॉक्स ऑफिसवर ७५० कोटींच्या कमाईकडे सिनेमाची वाटचाल सुरू आहे, सध्या हा आकडा ७३१.१५ कोटी रुपयांवर पोहोचला आहे. मूळ तेलुगू भाषेत प्रदर्शित झालेल्या या सिनेमाच्या हिंदी आवृत्तीचे बॉक्स ऑफिस कलेक्शन आघाडीवर आहे, तर तेलुगू आवृत्तीने आतापर्यंत ३२०.१३ कोटींची कमाई केली आहे. म्हणजेच तेलुगू भाषेतील या सिनेमाची कमाई हिंदीपेक्षा निम्मी आहे. सिनेमाच्या इतर व्हर्जननी एकत्रितपणे ७७.४८ कोटी रुपयांची कमाई केलीये.

कित्ती गोड! राहा कपूर ठरतेय पापाराझींची आवडती स्टारकिड; लेकीच्या कृतीमुळे आलियालाही आवरेना हसू
‘पुष्पा 2: द रुल’ची कमाई आठवड्यानुसार पाहिल्यास, पहिल्या आठवड्यात ७२५.८ कोटी रुपयांची कमाई झाली. तर दुसऱ्या आठवड्यात ही कमाई २६४.८ कोटी रुपयांपर्यंत घटली. यानंतर या कमाईत आणखी घट होऊन तिसऱ्या आठवड्यात १२९.५ कोटी रुपयांची कमाई झाली आहे.

आणखी एक रेकॉर्ड

पहिल्या आठवड्याच्या तुलनेत कमाई घटली असली तरीही, मिळालेल्या माहितीनुसार बॉक्स ऑफिसवर तिसऱ्या आठवड्यात १०० कोटी रुपयांचे नेट कलेक्शन करणाारा ‘पुष्पा २’ हा पहिलाच हिंदी सिनेमा आहे. ‘पुष्पा २’ आता २०२४ मधील सर्वाधिक कमाई करणारा भारतीय चित्रपट ठरला आहे.

‘घटस्फोटानंतर थेरपी घेण्यास सुरुवात केली’, मनाच्या शुद्धीविषयी व्यक्त झाली सई ताम्हणकर; आजही सुरूये प्रक्रिया
‘पुष्पा २’च्या परदेशातील तिकीट विक्रीसंदर्भात महत्वाचे अपडेट समोर आले आहेत. ईटाइम्सने दिलेल्या वृत्तानुसार, युनायटेड स्टेट्स ऑफ अमेरिकेत ‘पुष्पा २’च्या प्रीमियर शोसाठी ८३० हून अधिक ठिकाणी बुकिंग झाले. याकरता ३१ हजारहून अधिक तिकिटांची विक्री झाली असून, त्यामधून ८७३०० यूएस डॉलर्स म्हणजेच ७.३६ कोटींची कमाई झाली आहे.

या सिनेमाच्या आगाऊ बुकिंगची सुरुवात मोठ्या धूमधडाक्यात झालेली, मात्र काही दिवसांनी यामध्ये घसरण पाहायला मिळाली. आता ‘पुष्पा २’ची १७ नोव्हेंबर रोजी विशेष चर्चा पाहायला मिळतेय, कारण यादिवशी संध्याकाळी सिनेमाचा ट्रेलर भेटीला येणार आहे. त्यामुळे या ट्रेलर लाँचचा बुकिंगसाठी किती फायदा होईल हे पाहणे महत्त्वाचे ठरेल. तुलना करायची झाल्यास, प्रभासच्या ‘कल्की २८९८ एडी’ने प्रीमियर शोसाठी ३.९ मिलियन यूएस डॉलर्स ची कमाई केली होती. तर प्रीमियर शोमध्ये सर्वाधिक कमाईचा रेकॉर्ड अजूनही SS राजामौली यांच्या ‘बाहुबली २’च्या नावावर आहे. या सिनेमाने ४.३ मिलियन यूएस डॉलर्सची कमाई केलेली. ‘पुष्पा २’मध्ये सिनेमात अल्लू-रश्मिका यांच्यासह फहाद फासिल, जगपती बाबू आणि प्रकाश राज यांच्याही भूमिका आहेत.