मुख्यमंत्री कोण होणार याबाबत विचारले असता त्यांनी मुख्यमंत्रीपदाच्या चर्चेला लवकरच उत्तर मिळेल तिन्ही पक्षाचे नेते मिळून निर्णय घेतील वरिष्ठांची चर्चा सुरू असल्याचे नमूद केले. आधी मुख्यमंत्री ठरेल त्यानंतर मंत्रीमंडळाबाबत मुख्यमंत्री ठरवतील आणि मंत्रिपदाची नावं आपल्या समोर येतील, असेही त्यांनी एका प्रश्नावर बोलताना सांगितले.

ईव्हीएमला विरोधी पक्षाकडून होत असलेल्या विरोधाबाबत विचारले असता फडणवीस म्हणाले की, ‘सर्वोच्च न्यायालयाने ईव्हीएमबाबत होत असलेल्या चर्चेबाबत उत्तर दिले आहे. सर्वोच्च न्यायालयाने नमूद केले आहे की, तुम्ही हरले तर ईव्हीएम वाईट ही पद्धत बंद करा. ईव्हीएम टेम्परप्रूफ आहेत.’ ‘ईव्हीएमची पद्धत सुरूच राहणार आहे असं कोर्टने नमूद केले आहे. विरोधी पक्षांनी रडीचा डाव बंद केला पाहिजे,’ असा टोला फडणवीस यांनी लगावला. दरम्यान, आगामी स्थानिक स्वराज्य संस्थांच्या निवडणूका स्वबळाव लढणार का, असे विचारले असता त्यांनी अधिक भाष्य न करता ‘नंतर ठरवू,’ असे नमूद केले.

मुख्यमंत्री भाजपचाच होणार, अजित पवारांचे संकेत

‘अडीच वर्षांपूर्वीची परिस्थिती वेगळी होती. निवडणुकीनंतर आता कोणत्या पक्षाचे किती आमदार निवडून आले. त्यांचे संख्याबळ काय, याचा विचार केला जाईल. कार्यकर्त्यांचे म्हणणे काही असले तरी, संख्याबळ गृहित धरले जाईल,’ असे म्हणून ‘भारतीय जनता पक्षाचाच मुख्यमंत्री होईल,’ असे संकेत राष्ट्रवादी काँग्रेसचे अध्यक्ष अजित पवार यांनी बुधवारी माध्यमांशी बोलताना दिले. सरकार स्थापन करताना एक मुख्यमंत्री, दोन उपमुख्यमंत्री असे समीकरण असेल. ‘उद्याच्या दिल्ली येथील चर्चेनंतर सरकारला अंतिम स्वरूप येईल,’ असेही ते म्हणाले.

छत्रपती संभाजीनगर विमानतळावर पत्रकारांशी पवार यांनी संवाद साधला. पवार म्हणाले, ‘राज्यातील जनतेने महायुतीच्या बाजूने निकाल एकतर्फी दिला आहे. आता आमची जबाबदारी वाढली आहे. फडणवीस, शिंदे आणि मी दिल्लीला जाणार आहोत. दिल्लीला गेल्यानंतर पुढील चर्चा होणार आहे. त्यानंतर नवीन सरकार अस्तित्वात येईल.’ मुख्यमंत्रीपदाबाबत विचारले असता पवार म्हणाले, ‘तेरा, साडेतेरा कोटी जनतेचा कारभार कोणाकडे द्यायचा हा निर्णय उद्या बैठकीत होईल. अडीच वर्षांपूर्वीची गोष्ट वेगळी होती आत्ताची परिस्थिती वेगळी आहे. बैठकीत त्यावर अंतिम निर्णय होईल.’ पवार म्हणाले, ‘पराभव झाला तर ईव्हीएमला विरोधक दोष देत आहेत. लोकसभेच्या निवडणुकीवेळी महायुतीची खराब कामगिरी होती परंतु, आम्ही त्याला ईव्हीएमचा दोष दिला नाही.’

त्यानंतर मुलगा आणि खासदार श्रीकांत शिंदे यांनी आपल्या वडिलांसाठी सोशल मीडियावर एक भावूक करणारी पोस्ट लिहिली आहे. यामध्ये त्यांनी आपल्याला आपल्या बाबाचा खूप अभिमान वाटतो, असं म्हटलं आहे.
Eknath Shinde: माझ्यामुळे सत्ता स्थापनेत कुठलीही अडचण नाही, मोदींना फोन; शिंदे म्हणाले – भाजपचा निर्णय मान्य

श्रीकांत शिंदे यांची पोस्ट

मला माझे बाबा आणि आमचे शिवसेना मुख्यनेते मा.ना.श्री.एकनाथजी शिंदे साहेब यांचा खूप अभिमान वाटतो. त्यांची महाराष्ट्र आणि येथील जनतेशी असलेली अतूट बांधिलकी अतुलनीय आहे. त्यांनी अहोरात्र अथक परिश्रम केले. समाजातील प्रत्येक घटकाची निस्वार्थ सेवा करून त्यांचे प्रेम, विश्वास आणि प्रशंसा मिळवली. ते स्वतःला ‘सीएम’ म्हणजे ‘कॉमन मॅन’ समजत. त्यांनी सर्वसामान्यांसाठी वर्षा बंगल्याचे दार उघडले आणि जनसेवेत एक नवा इतिहास घडवला.

कारकिर्दीच्या शिखरावर असतानाही त्यांची नम्रता आणि कर्तव्यभावना दिसून येते. आज त्यांनी माननीय पंतप्रधान श्री. नरेंद्र मोदीजी आणि माननीय श्री. अमित शहाजी यांच्यावर विश्वास ठेवून, वैयक्तिक महत्त्वाकांक्षेपेक्षा युती धर्माचे पालन करत एक प्रगल्भ उदाहरण ठेवले आहे.

सत्ता आणि पद अनेकदा सार्वजनिक जीवनावर वर्चस्व गाजवते. भल्याभल्यांना मोहात पाडते, पण शिंदे साहेब अपवाद ठरले. त्यांच्यासाठी जनसेवा आणि राष्ट्रनिर्मिती हे नेहमीच सर्वोच्च प्राधान्य राहिले आहे आणि त्यांचा वारसा पुढील पिढ्यांना प्रेरणा देत राहील. गोर – गरिबांचा आशीर्वाद आणि सदिच्छा हीच शिंदे साहेबांची खरी संपत्ती आहे.

खूप अभिमान वाटतो बाबा!