अजित पवार यांनी प्रस्तावित केलेल्या आगामी विधानसभा निवडणुकीसाठी राष्ट्रवादीचे नेते नवाब मलिक यांच्या उमेदवारीवरून महायुतीतील वादाला तोंड फुटले आहे. अंडरवर्ल्ड डॉन दाऊद इब्राहिमशी त्याच्या कथित संबंधांचा हवाला देत भाजप नेत्यांनी नापसंती व्यक्त केली आहे, मलिकांचा प्रचार करण्यासही नकार दिला आहे. अशातच नवाब मलिक यांनी मोठे विधान केले आहे.

लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा

सिंचन घोटाळ्याच्या आरोपांबाबत अजित पवार यांनी दिवंगत गृहमंत्री आर.आर. पाटील यांच्यावर टीका केली. यावरून मुलगी स्मिता पाटी यांनी अजित पवारांच्या विधानाबद्दल निराशा व्यक्त केली. खरं तर याविषयी मला दु:ख आणि वाईट वाटत आहे. निवडणुकीच्या तोंडावर खदखद व्यक्त बोलून दाखवायची ही वेळ नव्हती, असं स्मिता पाटील यांनी म्हटलं आहे.

लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा

लोणावळा :राष्ट्रवादी काँग्रेस पार्टीच्या सेवादलाचे महाराष्ट्र प्रदेशाध्यक्ष आणि राष्ट्रवादीचे अध्यक्ष शरद पवार व उपमुख्यमंत्री अजित पवार यांचे अत्यंत निकटवर्तीय तसंच विश्वासू कार्यकर्ते दीपक रामचंद्र मानकरी यांचं आज गुरुवारी दुपारी अल्पशा आजाराने निधन झालं आहे. मानकर यांच्या निधनाने राष्ट्रवादी काँग्रेससह लोणावळ्यातील एक हरहुन्नरी चतुरस्त्र कार्यकर्ता हरपल्याची सर्वत्र भावना व्यक्त होत आहे.

राष्ट्रवादीचे अध्यक्ष शरद पवार आणि अजित पवार यांच्यासह माजी खासदार अशोकराव मोहोळ यांच्यावर प्रचंड निष्ठा असणारे दीपक मानकर हे मोठे मंडप व्यवसायिक होते. पक्ष आणि पक्षप्रमुखांवर असलेली निष्ठा आणि कार्यतत्परता, संघटन कौशल्य यामुळे दीपक मानकर यांना पुणे जिल्हा सेवादल व महाराष्ट्र प्रदेश सेवादलाच्या अध्यक्षपदावर काम करण्याची संधी मिळाली.

Aryan Khan: आर्यनच्या जामिनास NCBचा विरोध; गांधीतत्वांचा उल्लेख करत अनिल सिंग म्हणाले…

दीपक मानकर यांना राष्ट्रवादी काँग्रेससह सर्वच पक्षातील नेते व कार्यकर्ते शाहरुख या नावाने ओळखत. शरद पवार आणि उपमुख्यमंत्री अजित पवार मानकर यांना शाहरुख याच नावाने हाक मारत असत. या दोन्ही नेत्यांची महाराष्ट्रात कोठेही सभा असूद्या त्या ठिकाणी दीपक मानकर हे सभा ठिकाणी दोन्ही पवारांच्या मागे उभे राहत असे.

मानकर हे राष्ट्रवादी काँग्रेसच्या सेवादलाचे प्रदेशाध्यक्ष झाल्यानंतर त्यांना पक्षाने मुंबई येथील राष्ट्रवादी भवनात स्वतंत्र केबिन आणि एक वाहन देखील दिले होते. मात्र मागील काही दिवसांपासून त्यांची प्रकृती बिघडल्याने त्यांच्यावर उपचार सुरू होते. अखेर आज गुरुवारी दुपारी तीन वाजताच्या सुमारास त्यांची लोणावळ्यातील सिद्धार्थनगर येथील राहत्या घरी प्राणज्योत मालवली. त्यांच्या पश्चात पत्नी, एक मुलगा व एक मुलगी आणि भाऊ असा परिवार आहे.

अहमदनगर : महाविकास आघाडीने पुकारलेला महाराष्ट्र बंद कसा अयशस्वी झाला, तो कसा चुकीचा आहे हे सांगणाऱ्या भाजपच्या नेत्यांना राष्ट्रवादी काँग्रेसचे आमदार रोहित पवार यांनी उत्तर दिलं आहे. ‘सकाळपासूनच भाजपच्या नेत्यांना सलगपणे पत्रकार परिषदा घेऊन बंद अयशस्वी झाल्याचं पुन्हा पुन्हा सांगावं लागत आहे, यातच हा बंद यशस्वी झाल्याचं स्पष्ट होतं,’ असं रोहित पवार यांनी म्हटलं आहे.

उत्तर प्रदेशातील लखीमपूर येथील घटनेच्या निषेधार्थ राज्यातील महाविकास आघाडीने आज महाराष्ट्र बंद पुकारला आहे. त्याला राज्यातून संमिश्र प्रतिसाद मिळत आहे. भाजपकडून मात्र या बंदला विरोध आहे. राज्यातील भाजपच्या नेत्यांनी बंद फसल्याचा दावा केला आहे. तंच अनेक नेत्यांनी बंदमागे महाविकास आघाडीचे राजकारण असल्याचाही आरोप केला आहे.

shortage of coal: दोन दिवस पुरेल एवढाच कोळसा, ऊर्जा राज्यमंत्री म्हणाले…

या आरोपांना आमदार रोहित पवार यांनी ट्वीट करून उत्तर दिलं आहे. त्यांनी म्हटलं आहे, ‘आपल्या न्याय्यहक्कांसाठी आंदोलन करणाऱ्या अन्नदात्यावर अन्याय होत असेल तर त्याविरोधात आवाज उठवायला नको? म्हणूनच आजचा हा बंद आहे. यामुळे कोणत्याही पक्षाला त्रास होण्याचं कारण नाही. काहींना हा बंद राजकीय वाटत आहे. पण ज्यांना ही राजकीय भूमिका वाटत असेल त्यांनी आत्मचिंतन करावं. राज्यात व्यापारी, कामगार आणि इतर सर्व घटकांकडून शेतकऱ्यांच्या हिताच्या जपणुकीसाठी या बंदला मोठा प्रतिसाद मिळाला. हे पाहून सकाळपासूनच भाजपच्या नेत्यांना सलगपणे पत्रकार परिषदा घेऊन बंद अयशस्वी झाल्याचं पुन्हा पुन्हा सांगावं लागत आहे, यातच हा बंद यशस्वी झाल्याचं स्पष्ट होतं.’

‘शेतकऱ्यांबाबत तुम्हाला तळमळ नसेल, पण…’

‘शेतकऱ्यांबाबत तुम्हाला तळमळ नसेल पण या बंदला पाठिंबा दिलेल्या घटकांशी बोलून त्यांना याबाबत विचारू शकता. पण बंदला मिळालेलं यश पाहून उगीच आदळआपट करण्यात काहीही अर्थ नाही. बोलायचंच असेल तर लखीमपूरचा ‘तो’ व्हिडिओ बघून तुम्हाला वेदना झाल्या की काहीच वाटलं नाही, हे तरी एकदा कळू द्या,’ असंही रोहित पवार यांनी म्हटलं आहे.

नाशिक : राष्ट्रवादीचे नेते एकनाथ खडसे यांच्या कन्या आणि भाजपच्या तिकीटावर विधानसभेची निवडणूक लढवणाऱ्या रोहिणी खडसे यांना पराभवाचा धक्का सहन करावा लागला. या पराभवावरून एकनाथ खडसे यांनी भाजपच्या नेत्यांवर गंभीर आरोप केले. या आरोपांना आता भाजप नेते आणि माजी मंत्री गिरीश महाजन यांनी उत्तर दिलं आहे.

‘एकनाथ खडसे हे अनेकदा विधानसभा निवडणुकीत अगदी कमी मतांनी निवडून आले आहेत. त्यांची निवडून येण्याची क्षमता संपली होती. त्यामुळे ते पराभूत झाले. मात्र आता दोन वर्षानंतर त्यांच्या पराभवाचे कारण मी असल्याचे ते सांगत असून हे हास्यास्पदच आहे,’ असा पलटवार गिरीश महाजन यांनी रविवारी नाशिकमध्ये केला आहे. भाजपच्या ओबीसी जागर अभियानाच्या निमित्ताने ते पत्रकारांशी बोलत होते.

‘विरोधकांचं डिपॉझिट उगीच जप्त होत नाही…’; रोहित पवारांची उपमुख्यमंत्र्यांवर स्तुतीसुमने

ओबीसी जागर अभियानाचा उत्तर महाराष्ट्र विभागीय मेळावा आज नाशिक येथे पार पडला. यावेळी आरक्षण प्रश्नावरून भाजप नेत्यांनी ठाकरे सरकारवर चौफेर टीका केली.

‘ठाकरे सरकारच्या निष्काळजीपणामुळे ओबीसी समाजाचे आरक्षण रद्द झालं आहे. ठाकरे सरकारने ओबीसी समाजावर खूप मोठा अन्याय केला आहे. अजूनही हे सरकार आरक्षणासाठी आवश्यक असं पाऊल उचलताना दिसत नाही. ठाकरे सरकारच्या या वेळकाढू धोरणामुळे ओबीसी समाजाला याचा मोठा फटका बसत आहे,’ असा आरोप गिरीश महाजन यांनी केला आहे.

दरम्यान, भाजपच्या या मेळाव्याला गिरीश महाजन यांच्यासह भाजपच्या ओबीसी मोर्चाचे प्रदेशाध्यक्ष आणि माजी आमदार योगेश टिळेकर, ओबीसी मोर्चा राष्ट्रीय उपाध्यक्ष खा. हंसराज अहिर, केंद्रीय राज्यमंत्री डॉ. भारतीताई पवार, आ. संजय कुटे आ. जयकुमार रावल, माजी आ. राम शिंदे, आ. देवयानीताई फरांदे, आ. राहुल ढिकले, माजी आ. बाळासाहेब सानप यांच्यासह भाजप पदाधिकारी, कार्यकर्ते तसेच ओबीसी बांधव उपस्थित होते.

बारामती : राष्ट्रवादीचे नेते आणि राज्याचे उपमुख्यमंत्री अजित पवार हे आपल्या रोखठोक स्वभावासाठी आणि अनोख्या कार्यशैलीसाठी ओळखले जातात. अजित पवार यांनी आजही बारामतीत सकाळी लवकर विविध कामांची पाहणी केली. यावेळी त्यांच्यासोबत कर्जत जामखेड मतदारसंघाचे राष्ट्रवादीचे आमदार रोहित पवार हेदेखील उपस्थित होते. या पाहणी दौऱ्यानंतर रोहित पवार यांनी आपले काका अजित पवारांवर स्तुतीसुमने उधळली आहेत.

‘भल्या सकाळी पावणेसहा वाजल्यापासून रात्री अकरापर्यंत काम करणाऱ्या मोजक्या नेत्यांपैकी एक म्हणजे अजितदादा! गेल्या तीस वर्षांपासून त्यांचा हा शिरस्ता कायम आहे. विरोधकांचं डिपॉझिट उगीच जप्त होत नाही. आजही पहाटेच बारामतीत विविध कामांना भेट देऊन त्यांनी आढावा बैठक घेतली,’ असं ट्वीट रोहित पवार यांनी केलं आहे.

शेवटी पायगुण लागतो; राणेंसमोरच शिवसेना नेत्याकडून मुख्यमंत्र्यांचे कौतुक

‘विकास कामं करताना दादांचं त्यावर बारकाईने लक्ष असतं. आज मीही त्यांच्यासोबत उपस्थित होतो. माझ्यासारख्या कार्यकर्त्याला दादांसारख्या खऱ्या अर्थाने कार्यकुशल आणि विकासाचं व्हिजन असलेल्या नेत्याकडून धडे गिरवण्याची संधी मिळतेय, हेही माझं भाग्यच आहे,’ असंही रोहित पवार यांनी म्हटलं आहे.

एनसीबीने ‘ते’ फुटेज जाहीर करावं; नवाब मलिकांचे थेट आव्हान

दरम्यान, गेल्या काही दिवसांपासून साखर कारखाने आणि इतर संस्थांमध्ये आयकर विभागाने टाकलेल्या छाप्यांमुळे अजित पवार चर्चेत आहेत. या मुद्द्यावरून भाजप आणि राष्ट्रवादीत आरोप-प्रत्यारोप केले जात आहेत. रोहित पवार यांनी या छाप्यांवरूनही नुकताच भाजपवर निशाणा साधला होता. ‘जिल्हा परिषदांच्या निवडणुकांचे निकाल लागले. त्यात महाविकास आघाडीला चांगले यश मिळालं आहे. त्यानंतर दुसऱ्याच दिवशी ही कारवाई झाली. त्यामुळे राजकीय दृष्टीने अशी कारवाई होत असेल तर ती चुकीची असल्याचं आता लोकच म्हणू लागले आहेत,’ असं रोहित पवार यांनी म्हटलं होतं.

अहमदनगर: भाजपमध्ये प्रवेश केल्यानंतरही महत्त्वाच्या पदांपासून दूर असलेले ज्येष्ठ नेते मधुकर पिचड यांना केंद्रिय राज्यमंत्री रामदास आठवले यांच्या अनाहुत प्रश्नाला समोरे जावे लागले. अर्थात त्यावर त्यांनी भन्नाट उत्तर दिले. आठवले यांनी पिचड यांच्याशी खासगीत गप्पा मारताना ‘राज्यात भाजपकडून तुम्हाला कोणते पद मिळाले का?’ असा प्रश्न विचारला. त्यावर ‘माझे आता वय झाले आहे, मला काही नको, माझ्या मुलाचा सन्मान म्हणजे माझाही सन्मान,’ असे उत्तर पिचड यांनी दिले. ( Madhukar Pichad Ramdas Athawale Latest News )

वाचा: शरद पवार सोलापुरात; सुशीलकुमार शिंदे आणि काँग्रेसला दिला ‘हा’ मोठा धक्का!

केंद्रीय राज्यमंत्री रामदास आठवले आज अकोले तालुक्यात आले होते. स्वागताचा कार्यक्रम झाल्यावर खानपान सुरू असताना कौटुंबिक चर्चा झाली. सध्याचे राजकारण, देशाचे राजकारण यावरही चर्चा झाली. त्यावेळी आठवले यांनी हळूच विषय काढत ‘तुम्हाला भाजपकडून राज्यात काही पद मिळाले का?’ असा प्रश्न केला. त्यावर पिचड म्हणाले, ‘माझे आता वय झाले आहे. पक्षाने मुलगा वैभव याला आदिवासी समाजाच्या प्रश्नासाठी राष्ट्रीय मंत्री हे पद दिले आहे. माझ्या मुलाचा सन्मान म्हणजे माझा सन्मान. मात्र, तालुक्याच्या प्रश्नासाठी राष्ट्रीय व राज्य पातळीवर निश्चित आवाज उठवू. या वयात आपण सामाजिक न्याय देण्यासाठी वेळ पडली तर न्यायालयात जाऊ आपणही मागासवर्गीय प्रश्नांसाठी बोलवा आपण तयार आहोत. आदिवासी आरक्षणाबाबत सत्तेत असतानाही माघार घेतली नाही,’ असे पिचड म्हणाले.

वाचा: अजित पवारांच्या कंपन्यांवर आयकर छापे; मोदी सरकारमधील मंत्री म्हणाला…

पिचड राज्यातील भाजप कार्यकारिणीत निमंत्रित सदस्य आहेत. मागील विधानसभा निवडणुकीच्या वेळी त्यांनी राष्ट्रवादी काँग्रेसला रामराम ठोकून भाजपमध्ये प्रवेश केला आहे. विधानसभेत त्यांच्या मुलाचा पराभव झाला. त्यानंतर पिचड पक्षात एकाकी पडल्याची टीका विरोधी पक्षांकडून सुरू झाली होती. राष्ट्रवादीच्या नेत्यांकडून त्यांच्यावर तशी टीका झाली होती. त्यानंतर भाजपने पिचड यांच्यासोबत असल्याचे दाखविण्यासाठी वेळोवेळी कृती केली. त्यांचा मुलगा वैभव यांना राष्ट्रीय कार्यकारिणीत स्थान दिले. मात्र, स्वत: पिचड यांच्याकडे राज्यात व केंद्रातील मोठे पद नाही. अलीकडेच राष्ट्रीय कार्यकारिणी जाहीर झाली. त्यात केंद्रीय मंत्री नारायण राणे यांना पद न मिळाल्याची चर्चा झाली. पिचड यांनाही पद मिळाले नाही. या पार्श्वभूमीवर आठवले यांनी राजूरला येऊन पिचड यांची घेतलेली भेट आणि त्यांना विचारलेला प्रश्न महत्त्वाचा ठरतो.

वाचा: ड्रग्ज पार्टी: मंत्री नवाब मलिक यांचा ‘तो’ आरोप एनसीबीने फेटाळला

पिचड यांचे उत्तर ऐकून आठवले यांनीही त्यांच्या कामात साथ देण्याचे आश्वासन दिले. आदिवासींच्या प्रश्नावर आणि भंडारदरा धरणाला क्रांतिवीर राघोजी भांगरे यांचे नाव देण्याच्या विषयावर पिचड यांना दिल्लीला येण्याचे निमंत्रणही आठवले यांनी दिले. ‘आदिवासी समाजाचे केंद्रीय पातळीवरील प्रश्न मला सांगा मी पाठपुरावा निश्चित करेल, तुमचे राज्य मंत्रिमंडळातील काम अविस्मरणीय होते. राज्यातील आदिवासीच्या विकासात तुमचा सिंहांचा वाटा आहे. हे मी जवळून पाहिले तर वैभवला सांगा पराभवाने खचायचे नसते. अकोले तालुक्यात माझा पक्ष तुमच्यासोबत आहे,’ असे आश्वासनही आठवले यांनी पिचड यांना दिले.

वाचा: ‘त्या’ ठेकेदाराला धरून मारू का?; भाजपचा खासदार भडकला!

सातारा : जरंडेश्‍‍वर सहकारी साखर कारखान्‍यातील कारभारावरून भाजप नेते आणि माजी खासदार किरीट सोमय्‍या यांनी राष्ट्रवादीचे नेते आणि राज्याचे उपमुख्‍यमंत्री अजित पवार (NCP Ajit Pawar) यांच्यावर गंभीर आरोप केले. या आरोपांबाबत आता अजित पवार यांनी प्रतिक्रिया दिली आहे. ‘जरंडेश्‍‍वर कारखान्याबाबत मला काहीही बोलायचं नाही. जे असेल ते नियमाप्रमाणे होईल. संपूर्ण राज्‍याला माहीत आहे की मी नियमाप्रमाणे वागणारा माणूस आहे. जे काही लोक माझ्‍याबाबत बोलतात, मला असल्‍या लोकांनाही उत्तर द्यायचं नाही,’ असं ते म्हणाले.

सातारा जिल्‍हा बँकेबाबत विधान परिषदेचे सभापती रामराजे निंबाळकर, पालकमंत्री बाळासाहेब पाटील, आमदार शशिकांत शिंदे, मकरंद पाटील हे निर्णय घेतील, असंही अजित पवार यांनी स्‍पष्‍ट केलं आहे.

साताऱ्यात दोन्ही राजेंना पुन्हा आव्हान? राष्ट्रवादीच्या गोटात नव्या हालचाली

जिल्हा बँकेत महाविकास आघाडी?

जिल्‍हा बँकेत महाविकास आघाडीचा पॅटर्न राबवणार का, या प्रश्‍‍नावर बोलताना अजित पवार म्‍हणाले की, ‘आम्‍ही राज्‍याचे बघत असतो. स्‍थानिक पातळीवरचा निर्णय स्‍थानिक पदाधिकारी घेत असतात. जिल्‍हा बँकेबाबत रामराजे व इतर सहकारी निर्णय घेतील,’ अशी भूमिका त्यांनी मांडली आहे.

‘…म्हणून सहकार गोत्यात आला आहे’

‘सहकार चळवळ दिवंगत यशवंतराव चव्‍हाण व इतर पदाधिकाऱ्यांनी स्‍थापन केली. त्‍यावेळी सहकार योग्‍य लोकांच्‍या हातात होता. नंतरच्‍या काळात त्‍यात इतर लोक शिरले. व्‍यावसायिक दृष्‍टिकोन तसेच शिस्‍त न बाळगल्‍याने सहकार गोत्‍यात आला आहे. यापुढील काळात सभासदांनी चांगल्‍या लोकांच्‍या ताब्‍यात कारखाने द्यायला पाहिजेत. कारखानेच नाहीत तर इतर सहकारी संस्‍था देखील चांगल्‍या विचारांच्‍या व्‍यक्‍तींच्‍या ताब्‍यात देणे आवश्‍‍यक आहे,’ असं अजित पवार यांनी म्हटलं आहे.

दरम्यान, भाजपचे राज्यसभा खासदार उदयनराजे भोसले यांनी केलेल्‍या टीकेबाबत विचारले असता अजित पवार म्‍हणाले, ‘ मला त्‍यावर काहीच बोलायचे नाही. विकासावर बोलू की,’ असं म्हणत अजित पवार यांनी उदयनराजेंवर अधिक बोलणं टाळलं आहे.