लोकसभा निवडणुकीचे पडघम वाजू लागले असून ठाकरे गटाकडून श्रीकांत शिंदे यांच्या विरोधात कोण ताकदीचा उमेदवार दिला जातो, याकडे लक्ष लागले आहे. उद्धव ठाकरे यांनी या मतदार संघात निष्ठावान सैनिकाला उमेदवारी देणार असल्याचे जाहीर केले आहे. यामुळे हा निष्ठावान मुख्यमंत्री पुत्र डॉ. श्रीकांत शिंदे यांच्यासमोर ताकदवान ठरणार का? याची चर्चा सुरूच आहे. तर कल्याण लोकसभेत भाजपा आणि शिवसेना शिंदे गटातील वाद, कुरबुरी आणि कुरघोडीचे राजकारण सुरूच आहे. या वादावर पडदा पडल्याचे भासविले जात असले तरी भाजपचे स्थानिक लोकप्रतिनिधी मात्र उघडपणे आपली नाराजी व्यक्त करताना दिसतात, या पार्श्वभूमीवर कल्याण लोकसभा मतदार संघातील ठाकरे गटाकडून कायमच वेट अँड वॉचची भूमिका घेण्यात आली होती. मात्र बुधवारी अचानक थेट राष्ट्रीय स्वयंसेवक संघाच्या बालेकिल्ल्यात ठाकरे गटाने चर्चेचा बॅनर लावत खळबळ माजवून दिली आहे.

वर्दळीच्या रस्त्यावर असूनही कारवाई नाही

वास्तविक शहरात सत्ताधाऱ्यांविरोधात बॅनर लावले गेल्यास काही तासांतच ते बॅनर काढून फेकले जातात. अगदी विरोधी पक्षातील नेत्याचे स्वागतदेखील सत्ताधाऱ्यांना रुचत नाही. तरीही ठाकरे गटाकडून सर्वाधिक वर्दळीच्या रस्त्यावर लावण्यात आलेल्या बॅनरवर मात्र कोणतीही कारवाई करण्यात आली नसल्याने आश्चर्य व्यक्त होत आहे. हे बॅनर म्हणजे सर्वसामान्य जनतेच्या मनातील चीड असल्याची प्रतिक्रिया ठाकरे गटाचे नेते व्यक्त करत आहेत. भाजपाकडून मात्र या बॅनरला विरोध करून विरोधकांचे महत्त्व वाढवले जाऊ नये, अशीच भूमिका घेतल्याचे सांगितले जात आहे.

त्यातच विधानसभेची देखील गणिते पक्षांकडून आखली जात आहेत. यासोबतच नुकताच विधानसभा अध्यक्षांनी शिवसेना ही एकनाथ शिंदे यांचीच असा निकाल दिल्यानंतर शिवसेना उद्धव बाळासाहेब ठाकरे गट राज्याच्या राजकारणात काहीसा सक्रिय झालेला दिसला. त्यातही आत्तापर्यंत शांततेच्या भूमिकेत असलेले पक्षप्रमुख उद्धव ठाकरे हे स्वतः मतदार संघाच्या दौऱ्यावर उतरल्याचे दिसून आले आहे.

राज ठाकरेंचा एकनाथ शिंदेंना दणका, शिवसेना पदाधिकाऱ्यांचा जय महाराष्ट्र, मनसेत जाहीर प्रवेश
संपर्क अभियानाच्या माध्यमातून त्यांनी पहिलाच दौरा राज्यात केला. तोही मुख्यमंत्री एकनाथ शिंदे यांचे पुत्र असलेले खासदार डॉ. श्रीकांत शिंदे यांच्या कल्याण लोकसभा मतदार संघात. याठिकाणी ठाकरे गटाकडून मोठ्या प्रमाणात शक्तीप्रदर्शन करत ठाकरे गटाची ताकद दाखवून देण्यात आली आहे. या संपर्क दौऱ्यादरम्यान पक्षप्रमुख उद्धव ठाकरे यांनी घराणेशाहीवर बोलणाऱ्या सत्ताधाऱ्यांवर टीका केली होती. तसेच आगामी निवडणुकीत त्यांना त्यांची जागा दाखवून देण्याचे आवाहन देखील जनतेला केले होते.

मित्रपक्षांच्या फक्त जागा ठरवा, उमेदवार नको; मविआच्या जागावाटपाआधी संजय निरुपम बरसले

यानंतर आता शहरात उद्धव ठाकरे गटाकडून करण्यात आलेल्या या बॅनरबाजीने पुन्हा एकदा लक्ष वेधून घेतले आहे. डोंबिवली स्टेशन परिसर, चौक आदी ठिकाणी हे बॅनर लावण्यात आले आहेत. यामध्ये हुकूमशाही या शब्दाला हायलाईट करत हुकूमशाही उलथविण्यासाठी तुमचं एक मत महत्वाचे आहे, असा संदेश देण्यात आला आहे. तसेच देशात लोकशाही आहे, परंतु सत्ताधाऱ्यांची वाटचाल ही हुकूमशाहीच्या दिशेने सुरु आहे हा संदेश देण्यासाठी तुझं हे मतदान शेवटचं ठरु नये असे सूचक वक्तव्य त्या संदेशात करण्यात आले असल्याचे ठाकरे गटाच्या पदाधिकाऱ्यांनी सांगितले. आम्हाला केवळ मतदारांना जागरुक करायचे आहे त्यासाठी हे बॅनर लावल्याचे त्यांनी सांगितले.

Read Latest Maharashtra News Updates And Marathi News

मुख्यमंत्री दिल्लीची धुणीभांडी करतात, कल्याणमध्ये जात उद्धव ठाकरेंचा एकनाथ शिंदे यांच्यावर हल्लाबोल

सुषमा अंधारे कल्याणमधून लढणार?

या मतदारसंघात ठाकरे गटाकडून उमेदवारांची चाचणी सुरू आहे. ठाकरे गटाकडून माजी आमदार सुभाष भोईर यांचे नाव चर्चेत होते. यानंतर आदित्य ठाकरे यांच्या नावाची चर्चा देखील रंगली होती. ठाकरे गटाकडून आता शिवसेनेच्या उपनेता सुषमा अंधारे यांचं देखील नाव चर्चेत आले.

कल्याण लोकसभा मतदार संघासाठी शिवसेनेच्या उपनेते सुषमा अंधारे यांना उमेदवारी देण्यात यावी, अशी मागणी ठाकरे गटाकडून पक्षप्रमुख उद्धव ठाकरे यांच्याकडे केली आहे. ठाणे जिल्ह्यात सद्या मुख्यमंत्री एकनाथ शिंदे आणि कल्याण लोकसभा मतदार संघाचे खासदार श्रीकांत, शिंदे यांचे वर्चस्व आहे. खासदार श्रीकांत शिंदेंच्या तोडीचा उमेदवार असला पाहिजे, त्यासाठी अंधारेंना या ठिकाणी उमेदवारी द्यावी , अशी मागणी ठाकरे गटाचे डोंबिवली शहर प्रमुख विवेक खामकर यांच्यासह स्थानिक पदाधिकाऱ्यांनी उद्धव ठाकरे यांच्याकडे केली आहे.

घराणेशाही मोडीत निघाली, मग श्रीकांत शिंदे तुमचा मुलगा नाही सिद्ध करा, संजय राऊतांचा मुख्यमंत्र्यांवर बोचरा वार

सुषमा अंधारे- ठाकरेंची ढाल

फुले-शाहू-आंबेडकरी विचारांच्या तथा परिवर्तनवादी चळवळीतील कार्यकर्त्या म्हणून ठळक ओळख असलेल्या सुषमा अंधारे यांनी २८ जुलै २०२२ मध्ये उद्धव ठाकरे यांच्या प्रमुख उपस्थितीत ठाकरे गटात प्रवेश केला. प्रवेश केल्याबरोबर उद्धव ठाकरे यांनी शिवसेना उपनेतेपदाची मोठी जबाबदारी सुषमा अंधारे यांच्या खांद्यावर दिली. तेव्हापासून सुषमा अंधारे यांनी राज्याच्या कानाकोपऱ्यात जाऊन महाप्रबोधन यात्रेच्या माध्यमातून पक्षाची भूमिका मांडताना बंडखोर शिंदे गटावर अक्षरश: टीकेची झोड उठवली. तसेच सरकारच्या योजनांची चिरफाड करताना ‘लाव रे तो व्हिडीओ’ म्हणत सत्ताधाऱ्यांची कोंडीही करतायेत. एकनाथ शिंदे यांच्यासोबत सगळे बडे नेते गेलेले असताना अंधारे यांनी ठाकरेंची बाजू लावून धरली. अल्पावधीतच त्यांनी ठाकरेंचा विश्वास संपादन केला. सध्या ठाकरे गटाच्या बड्या नेत्या म्हणून त्यांची संपूर्ण महाराष्ट्राला ओळख आहे.

काँग्रेसला मुंबईत मोठा धक्का; मिलिंद देवरांनी ‘हात’ सोडला, आज शिंदेंच्या शिवसेनेत प्रवेश?

आगामी निवडणुकीत गद्दारांचे डिपॉझिट जप्त करा. शिवरायांच्या पवित्र भूमीत भगव्याला गद्दारीचा कलंक लावणारे पुढच्या पिढीत जन्माला येता कामा नयेत, असा धडा शिकवा व यासाठी आजपासून कामाला लागा, असे आवाहन त्यांनी कार्यकर्त्यांना केले. आपले हिंदुत्व हे बेगडी नाही. राम मंदिरांसाठी कित्येक कारसेवकांनी आपले रक्त सांडले. मात्र भाजप अटलबिहारी वाजपेयी यांचे विचार सोडून दलाली हिंदुत्व घेऊन ढोंगीपणा करत असल्यानेच आम्ही त्यांची साथ सोडली. परंतु कधीही हिंदुत्व सोडले नाही आणि सोडणार नाही, असे उद्धव ठाकरे म्हणाले. राम मंदिराचे लोकार्पण म्हणजे फक्त प्रभूराम आणि सीतेची नव्हे तर देशाच्या अस्मितेची ही प्राणप्रतिष्ठा आहे. ही प्राणप्रतिष्ठा राष्ट्रपतींच्या हस्ते व्हायला पाहिजे. मात्र त्यांना राष्ट्रपतींना आमंत्रण द्यावेसे वाटले नाही. म्हणूनच राष्ट्रपतींच्या हस्ते काळाराम मंदिरात तसेच गोदावरी तीरावर २२ जानेवारी रोजी आरती करण्याची आमची इच्छा आहे, असेही ते म्हणाले. शिवजन्मभूमीची मूठभर माती घेऊन मी अयोध्येला गेलो. त्यानंतर वर्षभरात राममंदिराचा निकाल लागला आणि आज मंदिराचे लोकार्पण होत आहे, असे त्यांनी नमूद केले.

‘गद्दारांची अनामत रक्कम जप्त व्हावी’

कल्याण लोकसभा मतदारसंघात जानेवारीअखेरीस किंवा फेब्रुवारीच्या सुरुवातीला कार्यकर्त्यंचे भव्य शिबिर होणार आहे. संपूर्ण देशात कल्याण लोकसभा मतदारसंघावर विशेष जबाबदारी असून या निवडणुकीत कल्याण लोकसभेत आपण निष्ठावान उमेदवार निवडून देणार आहोत. एकदा झालेली चूक पुन्हा करणार नाही, गद्दार उमेदवार नसेल मात्र गद्दारांची अनामत रक्कम जप्त करण्यासाठी काम करा, असे आवाहन ठाकरे यांनी कार्यकर्त्याना केले.

यावेळी संजय राऊत यांनी आक्रमक शैलीत उद्धव ठाकरे यांच्या नेतृत्त्वाबाबत घराणेशाहीचा आरोप करणारी एकनाथ शिंदेंकडून केली जाणाऱ्या टीकेचा प्रतिवाद केला. श्रीकांत शिंदे यांची ओळख त्यांच्या लोकसभा मतदारसंघात सुरुवातीच्या काळात एकनाथ शिंदे यांचा मुलगा अशीच होती. सुरुवातीच्या काळात एकनाथ शिंदे यांनी माझा मुलगा म्हणूनच त्याच्यासाठी मतं मागितली ना? तोपर्यंत शिवसेनेसाठी आणि त्या मतदारसंघात एकनाथ शिंदे यांच्या मुलाचं काय योगदान होतं?, असा बोचरा सवाल संजय राऊत यांनी उपस्थित केला. संजय राऊत यांच्या वक्तव्यामुळे शिंदे गटाचे नेते आक्रमक होण्याची शक्यता आहे.

आजच्या निकालावरून एकाधिकारशाही आणि घराणेशाही मोडीत निघाली, एकनाथ शिंदेंचा ठाकरेंवर हल्लाबोल

एकनाथ शिंदे नेमकं काय म्हणाले?

लोकशाहीत बहुमताला महत्त्व असतं. बहुमत आमच्याकडे आहे. विधानसभेचंही आणि लोकसभेचंही. निवडणूक आयोगाने खरी शिवसेना आम्ही असल्याचं मान्य केलंय. एकाधिकारशाही आणि घराणेशाही मोडीत निघाल्याचं आजच्या निकालावरून दिसतंय. “कोणीही आपल्याला वाटेल तसा निर्णय घेऊ शकत नाही. लोकशाहीत एखाद्या पक्षाचा प्रमुख मनमानी करत असेल तर पक्षातील इतर सहकाऱ्यांना त्याच्याविरोधात आवाज उठवण्याचा अधिकार आहे. अशावेळी दहाव्या परिशिष्टातील तरतुदी लागू होत नाहीत. त्यामुळे पक्षप्रमुख किंवा पक्षाध्यक्ष यांचं एकट्याचं मत संपूर्ण पक्षाचं मत असू शकत नाही. कोणताही राजकीय पक्ष एकट्या माणसाची खासगी मालमत्ता होऊ शकत नाही असा निर्णय अध्यक्षांनी दिला आहे” अशी प्रतिक्रिया एकनाथ शिंदे यांनी दिली होती.

२२ जानेवारीला दिवाळी साजरी करु, ‘त्या’ कुटुंबांना एक-एक हजार द्या, प्रकाश आंबेडकरांची मोदींकडे मागणी
अफजल खानाचा कोथळा दोन वेळा काढण्यात आला. पहिला कोथळा छत्रपती शिवाजी महाराजांनी काढला होता, तर प्रताप गडावरील अतिक्रमण या सरकारने काढत दुसऱ्यांदा अफजल खानाचा कोथळा काढला. हे जे काम धर्माचे काम आहे, येणारे पिढी ही चळवळ पुढे नेणार आहे, देशात राम मंदिर उभे राहत आहे, त्याचप्रमाणे या मलंगगडाला मुक्ती देखील आपले मुख्यमंत्री देतील, असे खासदार शिंदे यांनी सांगितले.

Read Latest Maharashtra Updates And Marathi News